ចំពោះអ្នកក្រុងហាណូយ សំឡេងហៅ៖ “នរណាបាយដំណើបបាញ់ខុក(khuc) នេះទេ” ហាក់ដូចជាសំឡេងធ្លាប់ឮនៅគ្រប់ទីកន្លែងលើវិថីក្រុង។ នៅក្រុងហាណូយ ប្រហែលជានរណាក៏មិនប្លែកចំពោះឈ្មោះនំបាញ់ខុក (khuc) មីងឡានដែរ។
ស្ថិតនៅវិថី ង្វៀន កុងជឺ (Nguyen Cong Chu) នំបាញ់ខុក (khuc) មីងឡាន ជាអាសយដ្ឋានពិសាអាហារ មិនត្រឹមតែមានអ្នកក្រុងស្វែងរកទៅដល់ផ្ទះ នៅទាំងមានភ្ញៀវអន្តរជាតិជាច្រើន បានអញ្ជើញទៅរកស្វែងយល់ អំពីអាហារ និងហូបសាកនូវមុខអាហារសាមញ្ញរបស់ក្រុងហាណូយ។
មីង ង្វៀន ធីឡាន (Nguyen Thi Lan) - គោលការណ៍ពាណិជ្ជសញ្ញានំបាញ់ខុក (khuc) មីងឡានឱ្យដឹងថា៖ មុខរបរនេះ ស្ថាបនានិងអភិវឌ្ឍន៍បន្តស្នងពីអ្នកម្តាយ អ្នកដែលបង្រៀនមីងនូវបទពិសោធន៍ ធ្វើនំបាញ់ខុក (khuc) ចាប់ផ្តើមពីឆ្នាំ៦០។ នំបាញ់ខុក (khuc) ទោះបីសាមញ្ញ តែដំណាក់កាលចម្អិននំបាញ់បានឆ្ងាញ់ ក៏មានការពិបាកខ្លះដែរ។ ស្លឹកខុក (Gnaphalium affine) (khuc) បេះមក បានលាងជម្រះ បុកម៉ដ្ឋ លាយតាមអត្រានៃម្សៅខ្សាយ ធ្វើជាសម្បកស្រទាប់នំខាងក្រៅ។ សណ្តែកខៀវត្រាំ លាងជម្រះសម្បក ស្ងោរចម្អិនឱ្យឆ្អិន កិនម៉ដ្ឋ ឈ្លិញជាគ្រាប់ ខាងក្នុងមានសាច់ជ្រូកបីជាន់កាត់ជាដុំតូចៗ លាយនឹងគ្រាប់ម្រេចច្រើនបន្តិច។ ខ្ចប់ខាងក្រៅស្នូលអណ្តែកខៀវ គឺស្រទាប់នំធ្វើដោយម្សៅខ្សាយ ជាមួយនឹងស្លឹកខុក។ ពេលរៀបនំចំហុយ ដាក់នំមួយជាន់ រាយអង្ករមួយស្រទាប់ ដែលត្រាំហ្មត់ចត់ លាយច្របល់នឹងអំបិលបន្តិច។
នំបាញ់ខុក (khuc) តែងបានពិសាអមនឹងប្រហិត និងអំបិលល្ង។
|
ក៏តាមមីងឡានឱ្យដឹងថា សព្វថ្ងៃដំណាក់កាលច្នៃចម្អិន ត្រូវការមានពលកររបស់ហាងរាប់សិបនាក់ ទទួលបន្ទុកចម្អិន។ គ្រឿងសម្រាប់ធ្វើនំបាញ់ខុក(khuc) គឺជាម្សៅខ្សាយ បានជ្រើសរើសហ្មត់ចត់។ ស្នូលនំមានសណ្តែងខៀវកិនម៉ដ្ឋ សាច់ជ្រូកបីជាន់ ហាន់ជាដុំតូចៗ។ ចំណែកចំហុយនំ នំបានប្រឡាក់អង្ករមួយស្រទាប់ ទ្រាប់អង្ករមួយជាន់ ខាងក្នុងឆ្នាំងតែងបានរាយស្លឹកចេកដាក់ពីលើឱ្យមានក្លិនក្រអូប។ នំបាញ់ខុក (khuc) ពិសាអមនឹងអំបិលល្ងល្មមហូប។
ដោយតម្លៃលក់១៣ពាន់ដុងក្នុងនំមួយ នំបាញ់ខុក (khuc) មីងឡាន នៅថ្ងៃ កាក់កប់មានភ្ញៀវកុះករ ហាងនំនីមួយៗ អាចលក់នំបាញ់ខុក (khuc) បានជាងរាប់ពាន់នំ។ អាចនិយាយ នំបាញ់ខុក (khuc) មីងឡាន បានក្លាយជាអាហារសាមញ្ញជិតដិតមួយ របស់អ្នកក្រុងហាណូយ។ ពិសេស នៅប៉ុន្មានថ្ងៃនាសិសិរដូវ ពេលហូបបាយដំណើបខុក (khuc) នេះ ពួកគាត់អាចទទួលបានរសជាតិអាហារ តាមរយៈអាហារដ៏ពិសេសនេះ របស់ក្រុងហាណូយ៕
អាសយដ្ឋាននំបាញ់ខុក (khuc) មីងឡាននៅក្រុងហាណូយ៖
-
លេខ69B ផ្លូវង្វៀនកុងជឺ (Nguyen Cong Tru)។
-
លេខ២៩ ផ្លូវង្វៀនថៃហុក (Nguyen Thai Hoc)។
-
លេខ២០ ផ្លូវឡេយឹន (Le Duan)។
-
លេខ២២៥ ផ្លូវធ្វីខ្វេ (Thuy Khue)។
|
អត្ថបទ៖ ងឹនហា រូបថត៖ ខាញឡុង