ព័ត៌មាន
នាយករដ្ឋមន្ត្រីលោក Nguyen Xuan Phuc បញ្ចប់ជោគជ័យដំណើរទស្សនកិច្ចចូលរួមសន្និសីទជាន់ខ្ពស់អាស៊ានលើកទី៣១
នាយករដ្ឋមន្ត្រីលោក Nguyen Xuan Phuc បញ្ចប់ជោគជ័យដំណើរទស្សនកិច្ច ចូលរួមសន្និសីទជាន់ខ្ពស់អាស៊ានលើកទី៣១
នាព្រឹកថ្ងៃទី១៥ ខែវិច្ឆិកា ឆ្នាំ២០១៧ នាយករដ្ឋមន្ត្រី លោក Nguyen Xuan Phuc និង គណៈប្រតិភូជាន់ខ្ពស់វៀតណាម បានវិលត្រឡប់មកដល់ទីក្រុងហាណូយ បញ្ចប់ដំណើរទស្សនកិច្ចចូលរួមសន្និសីទជាន់ខ្ពស់អាស៊ានលើកទី៣១និងសន្និសីទទាក់ទិននានា ប្រកបដោយជោគជ័យ តាមសេចក្ដីអញ្ជើញរបស់ប្រធានាធិបតីហ្វីលីពីន លោក Rodrigo Roa Duterte។
សន្និសីទបានប្រព្រឹត្តទៅចាប់ពីថ្ងៃទី១២ដល់ថ្ងៃទី១៤ ខែវិច្ឆិកា ឆ្នាំ២០១៧ នាយករដ្ឋមន្ត្រី លោក Nguyen Xuan Phuc បានមានសកម្មភាពទ្វេភាគីនិងពហុភាគីចំនួន៣០ ក្នុងក្របខ័ណ្ឌចូលរួមសន្និសីទជាន់ខ្ពស់អាស៊ាន លើកទី ៣១ និងសន្និសីទជាន់ខ្ពស់នានា។ តាមនោះ រួមចំណែកកសាងរូបភាពវៀតណាម មួយប្រកបដោយសកម្ម និងមានការទទួលខុសត្រូវ និងរួមវិភាគទានចំពោះដំណើរការកសាងអាស៊ានមួយប្រកបដោយ” សន្តិភាព ស្ថិរភាពនិងខ្លាំងមាំមួន” “ តំបន់មួយបើកទូលាយជាមួយប្រទេសទាំងឡាយលើពិភពលោក។”
ថ្លែងមតិនៅសន្និសីទនានា អះអាងនូវអត្ថន័យនៃឆ្នាំរំលឹកខួបអនុស្សាវរីយ៍លើកទី៥០ទិវាបង្កើតអាស៊ាននាយករដ្ឋមន្ត្រី លោក Nguyen Xuan Phuc បានសង្កត់ធ្ងន់ថា៖ ក្នុងដំណាក់កាលនាបច្ចុប្បន្ន អាស៊ានត្រូវប្រមូលផ្តុំទៅលើសរសរទ្រូងសំខាន់ចំនួន៣។ ទីមួយ អាស៊ានត្រូវប្រមូលផ្តុំទៅលើផលប្រយោជន៍របស់ប្រជាជន បង្កើនការកសាងអត្តសញ្ញាណរបស់ខ្លួន តាមរយៈការកសាងអាស៊ានមួយម្ចាស់ការ លើកកំពស់ផលប្រយោជន៍របស់ប្រជាជន សហគមន៍ និងខំប្រឹងប្រែងកសាងអាស៊ានមួយមានផលប្រយោជន៍ដូចគ្នា។ ក្នុងកិច្ចប្រជុំពិភាក្សានានា នាយករដ្ឋមន្ត្រី បានចែករំលែកទស្សនះ គោលជំហររបស់វៀតណាម អំពីបញ្ហានៅក្នុងតំបន់និងអន្តរ ជាតិ ដែលបានយកចិត្តទុកដាក់ដូចគ្នា។ ស្ដីអំពីបញ្ហាសមុទ្រខាងកើត នាយករដ្ឋមន្ត្រីបានស្នើថា៖ឯកសារទាំងឡាយ នៃសន្និសីទជាន់ខ្ពស់លើកនេះត្រូវបង្ហាញយ៉ាងច្បាស់ នូវគោលការណ៍គោលជំហរ ដែលបានបង្ហាញនៅក្នុងសេចក្ដីជូនដំណឹងរួម ក្នុងសន្និសីទ AMM ៥០ រួមមាន៖ ធានាសន្តិខុស សុវត្ថិភាពសេរីភាពនាវាចរណ៍និងអាកាសចរណ៍នៅសមុទ្រខាងកើត ដោះស្រាយជំលោះដោយសន្តិវិធី ដោយផ្អែកទៅលើច្បាប់អន្តរជាតិ អនុសញ្ញាអង្គការសហប្រជាជាតិ ស្តីអំពីច្បាប់សមុទ្រ ១៩៨២ (UNCLOS) អនុវត្តគ្រប់គ្រាន់តាមសេចក្ដីថ្លែងការណ៍ រួមស្ដីអំពីការប្រតិបត្តិសំរាប់ភាគីនានានៅសមុទ្រខាងកើត (DOC)។ នាយករដ្ឋមន្ត្រីក៏បានសង្កត់ធ្ងន់ទៀតថា៖ វៀតណាមមានគោលបំណងថាបណ្ដាដៃគូបន្តរួមវិភាគទានកសាងនិងរក្សាសន្តិភាព ស្ថិរភាព ធានាសន្តិសុខ សុវត្ថិភាព និងសេរីភាពនាវាចរណ៍និងអាកាសចរណ៍នៅសមុទ្រខាងកើត ដោយស្មារតីគោរពច្បាប់ UNCLOS ១៩៨២។
ក្នុងឱកាសនេះដែរនាយករដ្ឋមន្ត្រី លោក Nguyen Xuan Phuc បានអញ្ជើញចូលរួមកិច្ចប្រជុំត្រីភាគីរវាងនាយករដ្ឋមន្ត្រីនៃប្រទេសកម្ពុជា ឡាវនិងវៀតណាម ជួបសន្ទនាជាមួយនាយករដ្ឋមន្ត្រីចិន លោក Lǐ Kèqiáng នាយករដ្ឋមន្ត្រីរុស្ស៊ី លោក Dmitry Medvedev នាយករដ្ឋមន្ត្រីឥណ្ឌា លោកNarenda Modi អគ្គលេខាធិការអង្គការសហប្រជាជាជាតិ លោក Antonio Guterres ប្រធានក្រុមប្រឹក្សាអឺរ៉ុប លោក Donald Tusk។
ក្នុងថ្ងៃទី១៤ ខែវិច្ឆិកា នាយករដ្ឋមន្ត្រី លោក Nguyen Xuan Phuc បានដឹកនាំគណៈប្រតិភូវៀតណាម ចូលរួមកិច្ចប្រជុំដៃគូសេដ្ឋកិច្ចលើគ្រប់វិស័យក្នុងតមបន់ (RCEP) សន្និសីទជាន់ខ្ពស់អាស៊ាន-ឥណ្ឌាលើកទី១៥ និងសន្និសីទជាន់ខ្ពស់អាស៊ីបូព៌ា លើកទី១២ (ជាមួយប្រទេសដៃគូចំនួន៨គឺ៖ចិន ជប៉ុន កូរ៉េខាងត្បូងឥណ្ឌា អូស្ត្រាលី នូវែលហ្សេឡង់ និងរុស្ស៊ី៕
តាម VOV5 - វិទ្យុសម្លេងវៀតណាម
