• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

នាយករដ្ឋមន្ត្រីអូស្ត្រាលីបានបញ្ចប់ដំណើរទស្សនកិច្ចជាផ្លូវការនៅវៀតណាមប្រកបដោយជោគជ័យ

 នាយករដ្ឋមន្រ្lតី លោក Nguyen Xuan Phuc និងនាយករដ្ឋមន្ត្រីអូស្ត្រាលីលោក Scott Morrison នៅឯសន្និសីទសារព័ត៌មានអន្តរជាតិ ប្រកាសអំពីលទ្ធផលនៃកិច្ចពិភាក្សា (រូបថតៈ TTXVN)
 

នាថ្ងៃទី​២៤ ខែសីហា ឆ្នាំ២០១៩ នាយករដ្ឋមន្ត្រី អូស្ត្រា លី លោក Scott Morrison បាន​បញ្ច​ប់​ប្រកប​ដោយ​ជោគ​ជ័យ​ ដំណើរទស្សនកិច្ចជាផ្លូវការនៅវៀតណាម ចាប់ពីថ្ងៃទី ២២- ២៤ ខែសីហា តាម​ការ​អញ្ជើញ​របស់​នាយក​រដ្ឋ​មន្រ្តី​វៀត​ណាម លោក Nguyen Xuan Phuc។ 
 
ក្នុងក្រប​ខ័ណ្ឌនៃដំណើរទស្សនកិច្ចនេះ នាយករដ្ឋមន្ត្រីអូស្ត្រាលី លោក Scott Morrison បានអញ្ជើញ​ជួប​ពិភាក្សា​ការ​ងារ​ជាមួយនាយករដ្ឋមន្រ្តី លោក Nguyen Xuan Phuc; ជួបសវនាការជាមួយប្រធានរដ្ឋសភា លោកស្រី Nguyen Thi Kim Ngan ជួបសម្តែងការគួរសមចំពោះអនុប្រធានរដ្ឋ លោកស្រី Dang Thi Ngoc Thinh និង ចូលរួម​ការប្រជុំសហគមន៍ធុរកិច្ចវៀតណាម - អូស្ត្រាលី។ ក្នុងឱកាសនេះ នាយករដ្ឋមន្រ្តីអូស្រ្តាលី Scott Morrison  បាន​អញ្ជើញដាក់កម្រងផ្កា គោរពវិញ្ញាណក្ខន្ធលោកប្រធានហូជី មិញ; ទៅទស្សនាកងពេទ្យកម្រិត២ លេខ ២ នៃកង​ទ័ពប្រជាជនវៀតណាមនៅឯបណ្ឌិត្យសភាយោធា ១០៣ (នៃរដ្ឋធានីហាណូយ) ជាដើម។
 
ភាគីទាំងពីរបានចេញសេចក្តីថ្លែងការណ៍រួម វៀតណាម - អូស្រ្តាលី ដោយ​អះអាង​ជាថ្មី​នូវ​ការ​ប្តេជ្ញា​ចិត្ត​ក្នុង​ការ​អភិវឌ្ឍ​ទំនាក់ទំនងទ្វេភាគីយ៉ាងរឹងមាំ និងឆ្ពោះទៅរកកម្ពស់ថ្មី។ ភាគីទាំងពីរបានឯកភាពថា កម្មវិធីស​កម្ម​ភាព​ភាព​ជាដៃគូយុទ្ធសាស្ត្រ វៀតណាម-អូស្ត្រាលីដំណាក់កាល ២០២០-២០២៣ នឹងផ្តោត​ទៅ​លើ​វិស័យ​អាទិភាព​ចំនួន​ ៣ រួមមានការបង្កើនកិច្ចសហប្រតិបត្តិការសេដ្ឋកិច្ច; ធ្វើអោយ​ស៊ីជ​ម្រៅនូវ​កិច្ច​សហប្រ​តិបត្តិ​ការ​យុទ្ធសាស្ត្រ​និង​ការពារជាតិ និងកសាងភាពជាដៃគូលើចំណេះដឹងនិងនវានុវត្តន៍។  ភាគីទាំងពីរ​បាន​អបអរ​សាទរ​ខួប​លើក​ទី ១០ ឆ្នាំ នៃកិច្ចព្រមព្រៀងបង្កើតតំបន់ពាណិជ្ជកម្មសេរីអាស៊ាន - អូស្ត្រាលី - នូវែលសេឡង់ និងដំណើរ​កា​រ​នៃការធ្វើអោយប្រសើរឡើងនូវកិច្ចព្រមព្រៀងនេះ រួមទាំងបានសន្យា សហការ​ដើម្បី​ធានា​នូវការ​អនុវត្ត​ដោយ​រលូន នូវកិច្ចព្រមព្រៀងគ្រប់ជ្រុងជ្រោយនិងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP)។​
 
ភាគីទាំង​ពីរបានប្តេជ្ញា បង្កើនកិច្ចសហប្រតិបត្តិការលើវិស័យចំណេះដឹងនិងនវានុវត្តន៍ រួមទាំង រវាងសេវា​សាធារណៈ​និង​បង្កើតមជ្ឈមណ្ឌលស្រាវជ្រាវវៀតណាម - អូស្ត្រាលី។ ទន្ទឹមនឹងនោះ ភាគីទាំងពីរបានប្តេជ្ញា នឹង​បន្ត​​កសាងរចនាសម្ព័ន្ធក្នុងតំបន់ដែលបើកចំហ គ្រប់ដណ្តប់ វិបុលភាពនិង​មាន​សុវត្ថិភាព​ដោយ​ផ្អែក​លើការ​គោរព​ច្បាប់អន្តរជាតិ អធិបតេយ្យភាព ឯករាជ្យភាពនិងបូរណភាពទឹកដី ព្រមទាំងបញ្ជាក់​ជាថ្មី​នូវ​សារ​សំខាន់​នៃ​តួនា​ទីជាមជ្ឈភាពរបស់អាស៊ាននិងរចនាសម្ព័ន្ធដឹកនាំរបស់អាស៊ាន ជាពិសេសគឺជាន់​ខ្ពស់​អាស៊ី​បូព៌ា​តែម្ត​ង​។
 
ភាគីទាំ​ងពីរបានសង្កត់ធ្ងន់លើសារសំខាន់នៃសេរីភាពនាវាចរណ៍និងអាកាសចរណ៍ ការគោរ​ព​ច្បាប់​អន្តរ​ជាតិ​និង​ការរក្សាសណ្តាប់ធ្នាប់ផ្អែកលើច្បាប់។ ភាគីទាំងពីរបាន​អំពាវនាវ​ឱ្យភាគី​ទាំង​អស់​អត់​ធ្មត់​និង​ជៀស​វាង​នូវ​សកម្មភាព​ដែលអាច​បង្កភាពស្មុគស្មាញដល់ស្ថានកា​រណ៍។ លើសពីនេះទៅទៀត ​ភាគីទាំងពីរ​បាន​បញ្ជាក់​ជាថ្មី​ពីសារ​សំខាន់​ ចំពោះការដែល បណ្តាប្រទេស​បន្តដោះស្រាយជម្លោះដោ​យ​សន្តិវិធី មិនគំរាម​កំហែង​ឬប្រើប្រាស់​កម្លាំង​ឡើយ ​ដោយឈរលើមូលដ្ឋាននៃច្បាប់អន្តរជាតិ ជាពិសេ​ស គឺអនុសញ្ញាអង្គការសហប្រ​ជាជាតិ​ស្តីពី​ច្បាប់​សមុទ្រ​ ១៩៨២ (UNCLOS)  ​ផងដែរ​៕

 

តាម VOV5 - វិទ្យុសំឡេងវៀតណាម​
 

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

នាព្រឹកថ្ងៃទី២៧ ខែមីនា ឆ្នាំ២០២៤ នៅឯវិមានរដ្ឋសភា (ហាណូយ) ប្រធានរដ្ឋសភាវៀតណាមលោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand ប្រធានអនុគណៈកម្មការទទួលបន្ទុកការគំរាមកំហែងដែលកំពុងកើតមាន គណៈកម្មការកិច្ចការយោធានៃព្រឹទ្ធសភាអាមេរិក ជាមួយគណៈប្រតិភូសមាជិកសភា តំណាងគណៈបក្សនយោបាយនិងបណ្តារដ្ឋនៅអាមេរិក ដែលកំពុងបំពេញទស្សនកិច្ចការងារនៅវៀតណាម។

Top