ព័ត៌មាន
នាយករដ្ឋមន្ត្រីវៀតណាមលោក Nguyen Xuan Phuc ចូលរួមកិច្ចប្រជុំកំពូលអាស៊ី - អឺរ៉ុបលើកទី ១២ (ASEM 12) និងជួបសន្ទនាទ្វេភាគីនៅខាងក្រៅ ASEM 12
នាយករដ្ឋមន្ត្រីវៀតណាមលោក Nguyen Xuan Phuc ចូលរួមកិច្ចប្រជុំកំពូលអាស៊ី - អឺរ៉ុបលើកទី ១២ (ASEM 12) និងជួបសន្ទនាទ្វេភាគីនៅខាងក្រៅ ASEM 12 នាថ្ងៃទី១៨ ខែតុលា ឆ្នាំ២០១៨ (តាមម៉ោងតំបន់) កិច្ចប្រជុំកំពូលអាស៊ី - អឺរ៉ុបលើកទី ១២ (ASEM12) បានប្រារព្ធជាផ្លូវការនៅក្នុងទីក្រុងព្រុចសែលនៃប្រទេស ប៊ែល ហ្សិក។ គណៈប្រតិភូជាន់ខ្ពស់វៀតណាមដឹកនាំដោយនាយករដ្ឋមន្ត្រីរដ្ឋាភិបាលលោក Nguyen Xuan Phuc អញ្ជើញចូលរួមក្នុងកិច្ចប្រជុំនេះ។
នាយករដ្ឋមន្ត្រី លោក Nguyen Xuan Phuc នៅក្នុងពិធីប្រារព្ធកិច្ចប្រជុំកំពូល ASEM 12
ថ្លែងនៅក្នុង ពិធីបើក ប្រធានក្រុមប្រឹក្សាអឺរ៉ុបលោក Donald Tusk បានកោតសរ សើរ នូវសមិទ្ធផល នៃវេទិកា នេះ ចាប់តាំងពីកិច្ចប្រជុំ ASEM 11 ដែលបានប្រារព្ធ ធ្វើ ឡើង នៅប្រទេសម៉ុងហ្គោលីកាលពីឆ្នាំ២០១៦ ព្រមទាំង លើកកម្ពស់នូវតួនាទីរបស់ ASEM ក្នុងនាមជាយន្តការសហប្រតិបត្តិការឈានមុខរវាងទ្វីបទាំងពីរ ដែលបានរួមចំណែក រក្សាសន្តិភាព សន្តិសុខនិងស្ថេរភាពនៅក្នុងតំបន់និងលើពិភពលោក។
ក្រោមមូលបទ “អាស៊ីនិងអឺរ៉ុប: ភាពជាដៃគូសកលសម្រាប់ឆ្លើយតបទៅនឹងបញ្ហាប្រឈមសកល” កិច្ចប្រជុំកំពូល ASEM លើកទី 12 មានគោលបំណង កំណត់ទិសដៅ ទស្សនវិស័យសហប្រតិបត្តិការសម្រាប់ ASEM ក្នុងទសវត្សរ៍ថ្មីដោយឈរលើសសរស្តម្ភទាំងបីគឺការសន្ទនានយោបាយ កិច្ចសហប្រតិបត្តិការសេដ្ឋកិច្ចនិងកិច្ចសហប្រតិបត្តិការនៅក្នុងវិស័យដទៃទៀតផងដែរ។
មុននោះនារសៀលថ្ងៃទី១៨ខែតុលា ក្នុងឱកាសនៃកិច្ចប្រជុំកំពូល ASEM 12 នាយករដ្ឋមន្ត្រីវៀតណាមលោក Nguyen Xuan Phuc បានអញ្ជើញជួបសន្ទនាទ្វេភាគីដាច់ដោយឡែកជាមួយនាយករដ្ឋមន្ត្រីចិន លោក Li Keqiang និង នាយករដ្ឋមន្ដ្រីន័រវែស Erna Solberg។
នាយករដ្ឋមន្ត្រីវៀតណាម លោក Nguyen Xuan Phuc និងនាយករដ្ឋមន្ត្រីចិន លោក Li Keqiang (រូបថតៈ Chinhphu.vn)
ក្នុងជំនួបពិភាក្សាជាមួយលោក Li Keqiang នាយករដ្ឋមន្ត្រីនៃសាធានរណរដ្ឋប្រជាមានិតចិន នាយករដ្ឋមន្ត្រីវៀតណាម លោក Nguyen Xuan Phuc បានវាយតំលៃខ្ពស់ចំពោះការអភិវឌ្ឍថ្មីនៃទំនាក់ទំនងទ្វេភាគីនិងសុច្ឆន្ទៈដ៏វិជ្ជមាន របស់ចិនក្នុងការជម្រុញកិច្ចសហប្រតិបត្តិការ រវាងប្រទេសទាំងពីរនាពេលកន្លងទៅ។ នាយករដ្ឋមន្ត្រី វៀតណាមលោក Nguyen Xuan Phuc បានស្នើថា នាពេលខាងមុខនេះ ភាគីទាំងពីរបន្តរក្សាការផ្លាស់ប្តូរគណៈប្រតិភូ ការជួបប្រាស្រ័យរវាងថ្នាក់ដឹកនាំជាន់ខ្ពស់នៃបក្សទាំងពីរ រដ្ឋទាំងពីរ ជាពិសេសគឺសម្របសម្រួលការនាំចូលយ៉ាងងាយស្រួលក៏ដូចជាពង្រីកទីផ្សារសម្រាប់ទំនិញវៀតណាមផងដែរ។
ចំណែកលោក Li Keqiang បានមានបំណងថា ភាគីទាំងពីរនឹងចាប់យកឱកាសដើម្បីជំរុញកិច្ចសហប្រតិបត្តិការដោយទទួលបានអត្ថប្រយោជន៍ពីគ្នាទៅវិញទៅមក លើគ្រប់វិស័យ រក្សាសន្តិភាពនិងស្ថេរភាពនៅក្នុងសមុទ្រខាងកើត; រួមចំណែកដល់ករជម្រុញទំនាក់ទំនងភាពជាដៃគូសហប្រតិបត្តិការយុទ្ធសាស្ត្រ លើគ្រប់ជ្រុងជ្រោយ វៀតណាម-ចិនឲ្យមានការអភិវឌ្ឍប្រកបដោយស្ថិរភាព។
នាយករដ្ឋមន្ត្រីវៀតណាម លោក Nguyen Xuan Phuc ជាមួយនាយករដ្ឋមន្ត្រីន័រវែស លោកស្រី Erna Solberg (រូបថតៈ Chinhphu.vn)
ក្នុងជំនួបពិភាក្សាការងារជាមួយនាយករដ្ឋមន្រ្តីន័រវែស Erna Solberg ភាគីទាំងពីរបានសម្តែងនូវការពេញចិត្តចំពោះកិច្ចសហប្រតិបត្តិការល្អប្រសើរ រវាងប្រទេសទាំងពីរ។ នាយករដ្ឋមន្ត្រីទាំងពីររូបបានព្រមព្រៀងគ្នាថា ត្រូវពង្រឹងថែមទៀតកិច្ចសហប្រតិបត្តិការទ្វេភាគីក្នុងវិស័យនយោបាយ - ការទូត សេដ្ឋកិច្ច- ពាណិជ្ជកម្ម វិទ្យាសាស្ត្រ-បច្ចេកវិទ្យា និងការពារជាតិ សន្តិសុខ ... ជាពិសេស បន្តសម្របសម្រួលនិងគាំទ្រគ្នាទៅវិញទៅមកនៅក្នុងវេទិកាពហុភាគី ក្នុងក្របខ័ណ្ឌនៃអង្គការសហប្រជាជាតិ។
នាយករដ្ឋមន្ត្រីទាំងពីររូបក៏បានសង្កត់ធ្ងន់លើសារៈសំខាន់នៃសមុទ្រ ដោយឯកភាពថា មិនត្រឹមតែអភិរក្សប៉ុណ្ណោះទេ ថែមទាំងត្រូវអភិវឌ្ឍន៍ប្រកបដោយនិរន្តរភាព។ ហើយដើម្បីសម្រេចបានគោលដៅនេះគឺត្រូវរក្សាសន្តិភាព ស្ថិរភាពនិងកិច្ចសហប្រតិបត្តិការនៅក្នុងតំបន់នីមួយៗ ឈរលើច្បាប់អន្តរជាតិនិងគោលការណ៍ជាមូលដ្ឋានរបស់អង្គការសហប្រជាជាតិ៕
តាម VOV5 - វិទ្យុសំឡេងវៀតណាម