នាយករដ្ឋមន្ត្រីវៀតណាម លោក Nguyen Xuan Phuc អញ្ជើញទទួលជួបជាមួយស្ថាបនិកនិងជានាយកប្រតិបត្តិ (CEO)
ក្រុមហ៊ុន Gulf Energy Development នៃប្រទេសថៃលោក Sarath Ratanavadi
នាថ្ងៃទី១៤ ខែសីហា ឆ្នាំ២០១៨ នៅទីក្រុងហាណូយ នាយករដ្ឋមន្ត្រីវៀតណាម លោក Nguyen Xuan Phuc អញ្ជើញទទួលជួបជាមួយស្ថាបនិកនិងជានាយកប្រតិបត្តិ (CEO) ក្រុមហ៊ុន Gulf Energy Development នៃប្រទេសថៃលោក Sarath Ratanavadi។
នៅក្នុងជំនួបនេះ លោក Nguyen Xuan Phuc បានសង្កត់ធ្ងន់ថា ដោយមាន ល្បឿនកំណើនសេដ្ឋកិច្ចដូចសព្វថ្ងៃនេះ វៀតណាមត្រូវការប្រភពថាមពលធំធេង នាពេលអនាគត។ហេតុដូច្នេះហើយ វៀតណាមលើកទឹកចិត្តវិនិយោគិនក្នុងវិស័យ ថាមពល ជាពិសេសថាមពលកកើតឡើងវិញ។ លោក Nguyen Xuan Phuc ក៏បានអបអរសាទរក្រុមហ៊ុន Gulf Energy Development វិនិយោគលើវិស័យ ថាមពលកកើតឡើងវិញនៅវៀតណាម ដែលជាក់ស្តែងគឺអគ្គិសនីពន្លឺព្រះអាទិត្យ ហើយលោកក៏អះអាងថាវៀតណាមផ្តល់អាទិភាពសំរាប់គម្រោងការណ៍ថាមពលកកើត ឡើងវិញ ព្រមទាំងមិនលើកទឹកចិត្តឲ្យប្រើប្រាស់ថាមពលកំដៅ អគ្គិសនី ធ្យូងផងដែរ។ លោក Nguyen Xuan Phuc មានគោលបំណងចង់ឲ្យក្រុមហ៊ុន សិក្សាស្រាវជ្រាវដើម្បីបន្តជម្រុញការវិនិយោគលើវិស័យនេះនៅវៀតណាមនាពេលខាងមុខ៕
តាម VOV5 - វិទ្យុសំឡេងវៀតណាម