មានស្រុកកំណើតនៅក្រុងសាយហ្គន ក្នុងគ្រួសារពោរពេញទៅដោយលក្ខណៈណាមបូ តាំងពីតូចទ្រីង្វៀន (Tri Nguyen) បានគ្រួសារអនុញ្ញាតឲ្យទៅរៀនពិណនិងស្វែងយល់ពីតន្រ្តីប្រពៃណីជនជាតិ។ ក្រោយពេលបញ្ចប់ការសិក្សានៅសាលាជាតិតន្រ្តីនិងល្ខោនសាយហ្គន (សព្វថ្ងៃជាវិទ្យាស្ថានតន្ត្រីទីក្រុងហូជីមិញ) បងបន្តទៅរៀននៅសាលាគរុកោសល្យតន្រ្តីប៉ារីស (បារាំង) ជាមួយសាស្រ្តាចារ្យល្បីៗ។
ដោយសារទេពកោសល្យរួមជាមួយទឹកចិត្តស្នេហាពិសេស ចំពោះពិណ ទ្រីង្វៀន (Tri Nguyen) អាចប្រគំសម្រប់ទំនុកភ្លេងតន្រ្តីពេញនិយមរបស់វៀតណាម សមស្របជាមួយប្រភេទឧបករណ៍តន្រ្តីលោកខាងលិច។ ដោយពីប្រភពធាតុនោះ រួមជាមួយការបទពិសោធន៍រស់នៅ និងទឹកចិត្តពិសេសលើ ស្រុកកំណើត ជាប្រភពបង្កើតអារម្មណ៍ សម្រាប់បងនិពន្ធបទភ្លេងនឹងពិណនៃជនជាតិ។
សិល្បករពិណទ្រីង្វៀន (Tri Nguyen) ។ រូបថត៖ ថុងហាយ សិល្បករសម្តែង piano និង ពិណទ្រីង្វៀន (Tri Nguyen) សម្តែងលើឆាកល្ខោន Idecaf នៅទីក្រុងហូជីមិញ ខែកុម្ភៈ ឆ្នាំ២០១៧។ រូបថត៖ ថុងហាយ ដៃដែលមានទេព្យកោសល្យ សិល្បករ ទ្រីង្វៀន (Tri Nguyen) ត្រចះត្រចង់ជាមួយសំឡេងពិណរបស់ខ្លួន ក្នុងពិធីសម្តែង។ រូបថត៖ ថុងហាយ សិល្បករទ្រីង្វៀន (Tri Nguyen) ឧទ្ទេសនាមរចនាសម្ពន្ធពិណវៀតណាមជូនអ្នកទស្សនា។ រូបថត៖ ថុងហាយ សិល្បករទ្រីង្វៀន (Tri Nguyen) នៅពិធីពិភាក្សាក្រោមប្រធានបទ “អភិវឌ្ឍន៍ពាណិជ្ជសញ្ញាតាមរយៈដំណើរវប្បធម៌” នៅសាលាឧត្តមវិជ្ជាវៀតណាមអាមេរិក - ទីក្រុងហូជីមិញ។ រូបថត៖ ថុងហាយ សិល្បករទ្រីង្វៀន (Tri Nguyen) នៅក្នុងពិធីរួមប្រាស្រ័យជាមួយទស្សនិកជននៅទីក្រុងហូជីមិញ។ រូបថត៖ ថុងហាយ ពិណទ្រីង្វៀន (Tri Nguyen) ជាមួយការប្រគំ piano ក្នុងរាត្រីសម្តែងលើឆាកល្ខោន Idecaf នៅទីក្រុងហូជីមិញ។ រូបថត៖ ថុងហាយ អ្នកគាំទ្រថតរូបអនុស្សាវរីយជាមួយសិល្បករទ្រីង្វៀន (Tri Nguyen) ក្រោយរាត្រីសម្តែងលើឆាកល្ខោន Idecaf នៅទីក្រុងហូជីមិញ ខែកុម្ភៈ ឆ្នាំ២០១៧។ រូបថត៖ ថុងហាយ |
“ខ្ញុំចង់បានសំឡេងពិណ ជានិច្ចជាសំឡេងចម្បងប្រគំជាមួយក្រុមតន្រ្តីលោកខាងលិច។ ប្រើសំឡេងពិណលោកខាងលិច ដើម្បីលើកសារជាតិសំឡេងពិសេស នៃសំឡេងពិណឡើងមួយកម្រិតថ្មី បង្កើតភាពខុសប្លែក” ទ្រីង្វៀន(Tri Nguyen) ចែករំលែកពីរចនាបទច្នៃនិពន្ធរបស់ខ្លួន។
ក្នុងស្នាដៃជាច្រើនរបស់បង អាចឮសំឡេងពិណរក្សាតួនាទីផ្សេងគ្នា។ មានពេលពិណប្រគំអូសបន្លាយទៅតាមក្រុមឧបករណ៍តន្រ្តីខ្សែ របស់លោកខាងលិច មានពេលសំឡេងពិណថយមកក្រោយ ពួនប្រាណស៊ីទំនុកភ្លេងជាមួយក្រុមឧបករណ៍តន្រ្តី ពេលខ្លះរួមជាមួយសំឡេង violin ប្រគំឌឺដងលើកស្ទួយគ្នា ជំនួយគ្នា ឬប្រទល់ប្រឈមគ្នារួចហើយសម្រប់គ្នាបង្កើតភាពភ្ញាក់ផ្អើរ។ ក្រៅពីនោះ ទ្រីង្វៀន (Tri Nguyen) បានមានទំនុកចិត្តនាំចូលបទភ្លេង ទំនុកហ័រ (Ho) ទំនុកភ្លេងមនោសញ្ចេតនា ទំនុកបំពេរ...។ល។ ជិតដិតនឹងជនជាតិវៀតណាម ប៉ុន្តែបានសម្តែងបង្ហាញដោយបច្ចេកទេសថ្មី តែនៅរក្សាបានលក្ខណៈតន្រ្តីប្រពៃណីវៀតណាម។
ចាប់ពីឆ្នាំ២០១៤ ទ្រីង្វៀន (Tri Nguyen) ប្រសូតចេញកម្រង album តន្រ្តី ប្រគំពិណ រូមមាន៖ Consonnances (ប្រគំតន្រ្តី ឆ្នាំ២០១៤) A journey between worlds (ដំណើរកម្សាន្តលោកិយ ឆ្នាំ២០១៦) ថ្មីនេះ Beyond borders (ឆ្លងកាត់រាល់ព្រំដែន)។ ស្នាដៃរបស់បងបានទស្សនិកជនលើពិភពលោក ទទួលស្គាល់ ក្នុងនោះវិស៊ីឌីផលិតដំបូង “Consonnances” ទទួលបានរង្វាន់មាស Album world music ដ៏ឆ្នើម (Global Music Award) និងរង្វាន់ប្រគំតន្រ្តីពិរោះបំផុត(Akademia USA)។
“ខ្ញុំមានមោទនភាពពេលតន្រ្តីរបស់ខ្លួន បានទស្សនិកជនអន្តរជាតិទទួលស្គាល់។ រង្វាន់នេះកត់សម្គាល់តន្រ្តីប្រពៃណីរបស់វៀតណាម បានឆ្លងកាត់ ដែនកំណត់ ឆ្លើយតបបានតម្រូវការស្តាប់តន្រ្តីរបស់អ្នកស្តាប់លើពិភពលោក បានពិភពលោកទទួលស្គាល់ សន្តាប់និងលើកស្ទួយកិត្តិយស” ទ្រីង្វៀន (Tri Nguyen) ចែករំលែកពីពានរង្វាន់នេះ។
ក្រប album ដំបូងរបស់សិល្បករ ទ្រីង្វៀន (Tri Nguyen) មានឈ្មោះ Consonnances (ប្រគំសំឡេង)។ រូបថត៖ ឯកសារ ក្រប album ទីពីររបស់សិល្បករ ទ្រីង្វៀន (Tri Nguyen) មានឈ្នោះថា A journey betwwen worlds - ដំណើរកម្សាន្តលោកិយ។ រូបថត៖ ឯកសារ ក្រប album ទីបីរបស់សិល្បករ ទ្រីង្វៀន (Tri Nguyen) មានឈ្មោះថា Beyond borders - ឆ្លងកាត់រាល់ព្រំដែន។ រូបថត៖ ឯកសារ យល់ច្បាស់ពីតន្រ្តីជនជាតិ ទាំងតន្រ្តីលោកខាងលិច បទភ្លេងដោយសិល្បករទ្រីង្វៀន (Tri Nguyen) និពន្ធសម្រាប់ពិណប្រគំជាមួយឧបករណ៍តន្រ្តីផ្សេងៗលើពិភពលោក។ រូបថត៖ ថុងហាយ |
គ្រូបង្រៀនឆ្នើម - តន្រ្តីករ ផាមធ្វីហ្វារ (Pham Thuy Hoan) វាយតម្លៃពីវិថីដែលទ្រីង្វៀន (Tri Nguyen) កំពុងធ្វើដំណើរ៖ “ខ្ញុំមានអារម្មណ៍សប្បាយចិត្តណាស់ ពីព្រោះទ្រីង្វៀន (Tri Nguyen) បានខិតខំនាំសំឡេងពិណរបស់ជនជាតិ ប្រគំជាមួយឧបករណ៍តន្រ្តីផ្សេងៗលើពិភពលោក។ ប្រការគួរឲ្យកោតសរសើរ ទ្រីង្វៀន (Tri Nguyen) ជាអ្នកនាំយកលក្ខណៈពិសេសដោយឡែកមួយចំនួនរបស់តន្រ្តីប្រពៃណីដូច បទភ្លេងកាយឡឿង បទហ័រ (Ho) ទំនុកភ្លេងមនោសញ្ចេតនាជិតស្និទ្ធ ងាយស្តាប់ ដើម្បីឧទ្ទេសនាមដល់ទស្សនិកជន - អ្នកស្តាប់បរទេស ជួយពួកគេមួយជំហានទៅមួយជំហានខិតជិតនឹងតន្រ្តីជនជាតិរបស់ពួកយើង”។
ថ្មីៗនេះ ទ្រីង្វៀន (Tri Nguyen) តែងផ្តល់ពេលវេលាត្រឡប់មកវៀតណាមដើម្បីឧទ្ទេសនាមផលិតផលរបស់បង ដល់ទស្សនិកជនក្នុងប្រទេស។ រៀងរាល់ឆ្នាំបងសុទ្ធតែរៀបចំតិចបំផុតមួយរាត្រីសម្តែងតន្រ្តី ដើម្បីឧទ្ទេសនាម album ទើបចុះផ្សាយ ឬនិពន្ធថ្មីសម្រាប់ទស្សនិកជន។ ខែកុម្ភៈ កន្លងហើយ ទ្រីង្វៀន (Tri Nguyen) បានមានពិធីឧទ្ទេសនាម album "Beyond borders" នៅទីក្រុងហូជីមិញ។ បងចែករំលែកផែនការមួយក្នុងចំណោមផែនការនៅពេលខាងមុខ គឺបន្តឧទ្ទេសនាមដល់មហាជនក្នុងប្រទេសនូវស្នាដៃ ដែលបងទើបនិពន្ធថ្មីៗ នាខែតុលាឆ្នាំ២០១៧។ ពីព្រោះតាមបង “ទោះបីទៅទីណាឬធ្វើអ្វី បងក៏ជាជនជាតិវៀតណាម ទស្សនិកជន - អ្នកស្តាប់ក្នុងប្រទេស ទើបជាអ្នកសំខាន់បំផុតដែលបងឆ្ពោះទៅរកដើម្បីបម្រើ”៕
អត្ថបទ៖ សើនងៀ រូបថត៖ ថុងហាយ និង ឯកសារ