តាំងពិព័រណ៍ “ក្តីសុបិន” បានរៀបចំនៅបន្ទប់គំនូរ Art Vietnam លេខ២៤ វិថីលីក្វឹកស៊ឺ ទីក្រុងហាណូយ។ តាំងពិព័រណ៍រួមមានប្រាំបួនស្នាដៃចម្លាក់ ថ្លើមថ្មភាពយន្តខ្នាតខ្លីមួយ បញ្ចាំងដំណើរការអនុវត្តនូវស្នាដៃ និងគម្រោងព្រាង កត់ត្រាពីស្នាដៃយ៉ាងច្រើន។
ចំណុចចំណាប់អារម្មណ៍បំផុតគឺ ស្នាដៃចម្លាក់ថ្លើមថ្មរបស់ បង Jorge Rivera រៀបរាប់ពណ៌នាអំពីធុងសាំងមួយ កែបទោចក្រយានយន្ត បំពង់ផ្សែង បន្ទះបាំងសាច ហើយមានទាំងសម្បកកងទោចក្រយានយន្តជាដើម។
របស់ទាំងនេះបាន បង Jorge Rivera ផ្ចត់ផ្ចង់អនុវត្តឲ្យដូចនឹងរបស់ពិត ហើយដាក់តម្កល់នៅលើធ្នើរយ៉ាងសង្ហារ ដែលបានចម្លាក់ ដោយប្រភេទក្បូរក្បាច់រចនាប្រពៃណី ដ៏វិចិត្ររបស់វៀតណាមផងដែរ។
 សិល្បករ Jorge Rivera ជាម្ចាស់នៃតាំងពិព័រណ៍ចម្លាក់ “ក្តីសុបិន”។  គ្រឿងបន្លាស់កំពង់ផ្សែងទោចក្រយានយន្តបានចម្លាក់ពីថ្លើមថ្ម។  ធុងសាំងទោចក្រយានយន្តធ្វើអំពីថ្លើមថ្ម។  កែបទោចក្រយានយន្តធ្វើអំពីថ្លើមថ្មថ្លាយង់។  ពីថ្លើមថ្ម សិល្បករ Jorge Rivera ចម្លាក់លយអណ្តែត នូវដំណាក់កាលធ្វើចេញគ្រឿងបន្លាស់របស់ទោចក្រយានយន្ត។  ក្បាច់រៀបរាប់ពី នាគ រាជសីហ៍ ក្នុងជីវភាពរស់នៅមនោគមរបស់ជនជាតិវៀតណាម បានឆ្លាក់នៅលើថ្លើមថ្ម។  ភ្ញៀវទេសចរណ៍បរទេសចូលរួមទស្សនាតាំងពិព័រណ៍ “ក្តីសុបិន” របស់សិល្បករ Jorge Rivera។ |
ក្រឡេកមើលតាំងពិព័រណ៍របស់ បង Jorge Rivera ភ្លាមហាក់ដូចជាសាមញ្ញណាស់។ ប៉ុន្តែកាន់តែមើលកាន់តែយល់ច្បាស់នូវ សេចក្តីខ្លឹមសារខាងក្នុងដ៏ចំណាប់ចិត្ត អំពីវប្បធម៌និងជីវិតរស់នៅសហសម័យ របស់វៀតណាម ជាប្រទេសមួយ ដែលទោចក្រយានយន្តហាក់ដូចក្លាយជា “និមិត្តរូប” មួយនៅក្នុងវប្បធម៌គមនាគមចរាចរណ៍របស់ជនជាតិវៀតណាម ដូចជារូបភាពឡានក្រុងពីរជាន់ របស់ជនជាតិអង់គ្លេស ឬឡានបូរាណរបស់ប្រទេសគុយបាជាដើម។
ក្នុងកែវភ្នែករបស់ បង Jorge Rivera និងប្រហែលចំពោះជនបរទេសផ្សេងៗ ជាច្រើនពេលនៅវៀតណាម រូបភាពទោចក្រយានយន្ត មិនត្រឹមតែជាបាតុភូតចម្លែកនៅតាមដងវិថីទេ វានៅជារឿងរ៉ាវគួរសិក្សាស្រាវជ្រាវដែរ។ ពីព្រោះជនជាតិវៀតណាម និងទោចក្រយានយន្តបានផ្សារភា្ជប់ ជាមួយគ្នា ដូចជាមិត្តភក្តិធ្វើដំណើររួមគ្នាទាំងយប់ទាំងថ្ងៃ នៅតាមរាល់ដងវិថីជិតឆ្ងាយ។ ហេតុនេះហើយ ទោចក្រយានយន្តមិនសាមញ្ញគ្រាន់តែ ជាទ្រពសម្បត្តិ ជាមធ្យោបាយទៅមកទេ នៅនាំទាំង “ក្តីសុបិន” របស់មនុស្សម្នាក់ៗ ដែលវិលចុះវិលឡើងតាមជំនោលចិត្តស្វែងរកអាហារដើម្បីចិញ្ចឹមជីវិត ដែលប្រកបទៅដោយក្តីសប្បាយលាយឡំ ជាមួយទុក្ខសោកផងដែរ។ ប្រហែលដូច្នោះហើយ បង Jorge Rivera បានដាក់ឈ្មោះឲ្យតាំងពិព័រណ៍របស់ខ្លួនថា ”ក្តីសុបិន”។
ដូចនេះ បង Jorge Rivera បានសំណេះសំណាលថា ជនជាតិវៀតណាមមានខ្សែទំនាក់ទំនងនិងផ្សារភ្ជាប់យ៉ាងចម្លែក ជាមួយទោចក្រយានយន្ត ហេតុនេះទោចក្រយានយន្ត ដូចជាឧបករណ៍មួយបែប ជួយបងស្វែងយល់និងរកឃើញនូវប្រការគួរ ឲ្យចាប់ចិត្តមិនអាចរៀបរាប់អស់ ក្នុងខ្សែជីវិតរស់នៅរបស់ពួកគាត់។
បានដឹងថា បង Jorge Rivera មានសញ្ញាប័ត្របណ្ឌិតជំនាញ ផ្នែកខាងចម្លាក់នៅមហាវិទ្យាល័យសិល្បៈក្រុងឡុងដ៍ សព្វថ្ងៃរស់នៅទីក្រុងឡុងដ៍ និងតៃវាន់។ បងចូលរួមតាំងពិព័រណ៍អន្តរជាតិជាច្រើន។ ស្នាដៃរបស់បងសព្វថ្ងៃបានមានវត្តមាន នៅគ្រប់កន្លែងដូចជា៖ មហាវិទ្យាល័យភូមិន្ទក្រុងឡុងដ៍ សារមន្ទីរ Takumy របស់ជប៉ុន មហាវិទ្យាល័យ Stanford និងក្នុងកម្រងឯកជនផ្សេងៗទៀត៕
អត្ថបទ៖ ប៊ីចវឹន រូបថត៖ ទ្រីញវ៉ាន់ប៊ូ
