ដោយគោលបំណងប្រាថ្នារបស់អ្នកចូលចិត្តតន្រ្តីមានឱកាសជិតស្និទ្ធនឹងគ្នាដោយការប្រើប្រាស់វត្ថុមួយចំនួន ដើម្បីធ្វើជាឧបករណ៍តន្ត្រីនិងសម្តែងជាចៃដន្យ។ មជ្ឈមណ្ឌលផ្លាស់ប្តូរវប្បធ៌មជប៉ុនប្រចាំនៅប្រទេសវៀតណាមបានប្រារព្វកម្មវិធី “Hanoi Collective Orchestra” បានទាក់ទាញការចូលរួមពីជនជាតិវៀតណាមនិងជនជាតិជប៉ុនជាច្រើននាក់។
លោក Ando Toshiki នាយកមជ្ឈមណ្ឌលផ្លាស់ប្តូរវប្បធម៌ជប៉ុនប្រចាំនៅប្រទេសវៀតណាមបានអោយដឹងថា៖ Ersembles Asia Orchestra គឺគម្រោងសិល្បៈមួយ បានចាប់ផ្តើមដាក់ឲ្យដំណើរការនៅឆ្នាំ ២០១៤ ដោយគោលបំណងសំរាប់នរណាគ្មានជំនាញខាងតន្រ្តីអាចជួបប្រាស្រ័យជាមួយគ្នា ហើយបង្កើតឡើងវង់ភ្លេងមួយតាមសេរីភាព។ ការរៀបចំកម្មវិធីនេះសំដៅប្រជាជនមកពីបណ្តាប្រទេសលើពិភពលោកទំនាក់ទំនង ជួបប្រាស្រ័យជាមួយគ្នាតាមរយៈប្រើប្រាស់បណ្តាវត្ថុផ្សេងៗ ក្នុងជីវភាពរស់នៅប្រចាំថ្ងៃដើម្បីធ្វើជាឧបករណ៍តន្រ្តីនិងសម្តែងជាមួយគ្នាយ៉ាងចៃដន្យ ។
ទស្សនិកជនមកចូលរួមកម្មវិធី Hanoi Collective Orchestra សុទ្ធតែជាយុវវ័យជនជាតិវៀតណាមនិងជនជាតិជប៉ុន ដែលកំពុងរស់នៅនិងធ្វើការនៅរដ្ឋធានីហាណួយ។ អ្នកចួលរួមក្នុងកម្មវិធីសុទ្ធតែគ្មានបទពិសោធន៍លេងភ្លេងទេ ក៏ប៉ុន្តែពួកគេខិតខំព្យាយាមធ្វើឧបករណ៍តន្រ្តីពីវត្ថុមួយចំនួនដូចជា៖ ចាន ចង្កឹះ ដបទឹកសុទ្ធ lavie កំប៉ុង coca ។ល។ ឬពីបំពង់ជ័រដែលមិនអាចប្រើប្រាស់បានទៀតទេ ប៉ុន្តែដោយការច្នៃប្រឌិតរបស់អ្នកចូលរួម បំពង់ជ័រទាំងនេះក្លាយទៅជាខ្លុយចេញសូរស័ព្ទពិរោះ។