ញាំក្តាមសេះជាមុខម្ហូបបើកឆាកឆ្ងាញ់ពិសា ដែលប្រជាជនទូទាំងតំបន់ស្រុកប្រទេស សុទ្ធតែចង់មាននៅក្នុងតារាងម្ហូបអាហារ សម្រាប់ខ្លួន។
ប្រភពដើមនៃម្ហូបញាំក្តាមសេះ មានមកពីប្រជាជនរស់នៅតំបន់សមុទ្រភូមិភាគកណ្តាលវៀតណាម ទីកន្លែងដែលនេសាទក្តាមសេះជាប្រចាំ។ ពួកគាត់ផ្សំនឹងសាច់ក្តាម ជាមួយវត្ថុធាតុដូចជា៖ ជីបន្លែ ការ៉ូត សណ្តែកដីលីង ផ្លែល្ហូងលាយច្របាច់ជាមួយគ្នា ហៅថាញាំក្តាមសេះ។
ញាំក្តាមសេះបានច្នៃដូចខាងក្រោម៖ ជ្រើសក្តាមសេះធំធាត់ យកទៅស្ងោរ ឬចំហុយ។ បន្ទាប់មក យើងបកសម្បកយកតែសាច់។ ផ្លែល្ហូង មើមការ៉ូត ឈូសជាសសៃតូច សណ្តែកដីលីងឈ្ងុយ បន្លែស្រស់ និងថែមបន្តិចសាច់គោហែកជាសសៃ។ លាយទឹកច្របល់ជូរអែម ដើម្បីដាក់ចូលច្របាច់លាយនឹងសាច់ក្តាមបន្លែខាងលើ។ បង្កើតបានជាម្ហូបញាំឈ្ងុយឆ្ងាញ់ លេចធ្លោទៅដោយពណ៌ក្រហមការ៉ូត ពណ៌សផ្លែល្ហូង ពណ៌បៃតងស្រស់ជីបន្លែ។ ក្បែរនោះនៅមានសាច់ក្តាមសេះពណ៌ក្រហម ទាំងអស់លាយជាមួយគ្នា បង្កើតបានជារសជាតិឈ្ងុយឆ្ងាញ់ ទាក់ចិត្ត។
វត្ថុធាតុម្ហូបញាំក្តាមសេះ រួមមាន៖ ក្តាមសេះ ផ្លែល្ហូង សណ្តែកដី ជីបន្លែស្រស់ៗ។ល។
សាច់ក្តាមសេះដែលបានបកសម្បករួច។
ម្ហូបញាំក្តាមសេះជាម្ហូបបើកឆាកនៅតាមពិធីជប់លៀង។
|
អ្នកស្រុកភូមិភាគកណ្តាលវៀតណាម ម្ហូបក្តាមសេះនៅបង្ហាញពីឯកត្តភាពចិត្តទូលាយ កក់ក្តៅនៃម្ចាស់ផ្ទះ ពេលទទួលស្វាគមន៍ភ្ញៀវអញ្ចើញមកលេងផ្ទះខ្លួន។ នោះក៏ជាម្ហូបដែលផ្សំវត្ថុធាតុចម្បងនៃម្ហូបអាហារវៀតណាមដូចជា៖ ទឹកជ្រលក់រសជាតិជូរផ្អែម ជីបន្លែរសជាតិផ្អែមត្រជាក់ ផ្លែល្ហូង ការ៉ូតរសជាតិផ្អែមស្រួយ ព្រមទាំងរសជាតិឈ្ងុយៗ ទ្រលាន់នៃសាច់ក្តាមសេះ៕
អាសយដ្ឋាន ម្ហូបញាំក្តាមសេះ Oson ៖
ច្រកផ្លូវលេខ១ ផ្លូវត្រឹនហ្វីលេវ (Tran Huy Lieu) ១០៥ - C៥ យ៉ាងវ៉ (Giang Vo) ក្រុងហាណូយ។
ទូរសព្ទ៖ 097.885.3579 - 039.857.4102
អត្ថបទ៖ ប៊ិចវឹន រូបថត៖ ថាញយ៉ាង
ប្រែសម្រួល៖ រីកើង