នៅវៀតណាម ដើមជ្រៃបានរកឃើញនៅតាមវិហារ វត្ត និងតំបន់ជនបទ។ ស្ទើរទាំងអស់ក្នុងភូមិប្រពៃណី នៅភូមិភាគខាងជើង ទីណាក៏មានដើមជ្រៃកល្បព្រឹក្ស នៅក្នុងភូមិនិងនៅក្បែរកេរដំណែល ផ្សារភ្ជាប់នឹងទេសភាពជនបទ “ដើមជ្រៃ កំពង់ទឹក ទីលានវិហារ”។ អត្ថន័យនិមិត្តរូបដំបូង នៃដើមជ្រៃគឺភាពអមតៈ និងកម្លាំងរស់មាំ។ រឿងរ៉ាវអំពីដើមជ្រៃកល្បព្រឹក្សភូមិក្វិត (Quyt) ស្ថិតនៅក្បែរវិហារ តានវៀនសើន (Tan Vien Son) បានរំលឹកជាច្រើនដង នៅក្នុងរឿងរ៉ាវ នៃអ្នកជំនាញ នៃក្រុមប្រឹក្សាដើមជ្រៃកេរដំណែលវៀតណាម (សមាគមការពារធម្មជាតិនិងបរិស្ថានវៀតណាម) ប៉ុន្តែពេលបោះជំហានឈានចូលដល់ទីនេះដំបូង អាចទទួលបាននូវអារម្មណ៍ពីភាពត្រសុំត្រសាយ នៃដើមជ្រៃកល្បព្រឹក្ស ចាត់ទុកជាដើមធំបំផុសនៅប្រទេសវៀតណាម។
 ដើមជ្រៃភូមិក្វិត (Quyt) ស្ថិតនៅបរិវេណក្បែរវិហារអាទិទេព តានវៀនសើន (Tan Vien Son)។  ដើម្បីអះអាងអត្ថន័យនិមិត្តរូប តម្លៃវប្បធម៌ និងប្រវតិ្តសាស្រ្តចំណាស់ នៃដើមជ្រៃភូមិក្វឹត (Quyt) ឆ្នាំ២០១១ ក្រុមប្រឹក្សាដើមជ្រៃកេរដំណែល បានទទួលស្គាល់ដើមជ្រៃភូមិក្វិត (Quyt) ជាកេរដំណែលវៀតណាម ត្រូវការអភិរក្សនិងថែទាំ។  តួដើមទាំងពីរ មានបរិវេណយក្ស នៃដើមជ្រៃភូមិក្វិត (Quyt) បានប្រជាជននៅទីនេះ ហៅថាដើមឈ្មោល និងដើមញី។  តួដើមទីមួយ នៃដើមជ្រៃកេរដំណែល មានបរិវេណជាង៤០ម៉ែត្រ។  វិហារអាទិទេព តានវៀនសើន (Tan Vien Son) ស្ថិតនៅក្រោមតួដើមទាំងពីរ នៃដើមជ្រៃអាយុពាន់ឆ្នាំ។  មែកសាខានៃដើមជ្រៃភូមិក្វិត (Quyt) ជាទីផ្ញើខ្លួននៃដើមបញ្ញើក្អែក។  មែកជ្រៃធំ ក្រាស់របាំងពន្លឺព្រះអាទិត្យ ធ្វើឱ្យរុក្ខជាតិខាងក្រោមលូតលាស់ជុំឆ្នាំ បង្កើតជាព្រំ។  រុក្ខជាតិដុះ រស់ក្រោមដំបូលវិហារបុរាណ។  ម្តុំគល់ជ្រៃមួយ។  ម្តុំតួដើមទីមួយ នៃដើមជ្រៃភូមិក្វិត (Quyt) មានបរិវេណជាង៣០ម៉ែត្រ សំឡឹងពីច្រកចូល វិហារអាទិទេព តានវៀនសើន (Tan Vien Son)។  ម្តុំតួដើមជ្រៃស្ថិតនៅមុខវិហារ តានវៀនសើន (Tan Vien Son)។  មានអាយុប្រហែលរាប់ពាន់ឆ្នាំ ប៉ុន្តែដើមជ្រៃកេរដំណែលភូមិក្វិត (Quyt) សព្វថ្ងៃនៅតែលូតលាស់ខៀវស្រស់។  ភ្ញៀវទេសចរទស្សនារតនវត្ថុបៃតងនៃភូមិក្វិត (Quyt)។ |
សំឡឹងពីចម្ងាយមែកសាខាធំ គ្រប់ដណ្តប់ទាំងតំបន់ទូលាយមួយ។ ក្រោយរាប់ពាន់ឆ្នាំ គល់ដើមជ្រៃបានបែកចែកជាពីរ ម្តុំតួដើមនីមួយៗ មនុស្សរាប់សិបនាក់ឱបមិនជុំ។ តួដើមរដិបរដុប ប្រហោងច្រើន មែកទទឹងបញ្ចេញឫស្សបន្តោងចុះ ដូចជាសសរស្តម្ភធំ ស្មើនឹងសសរវិហារ ដាំកប់ជ្រៅចុះធរណី ជំនួយដល់តួដើម ទ្រកម្លាំងទម្ងន់ នៃដើមជ្រៃយក្សនេះ។
|
ថ្ងៃទី១៥ ខែកុម្ភៈ ឆ្នាំ២០១៦ ដើមជ្រៃភូមិក្វិត (Quyt) បានក្រុមប្រឹក្សាការពារធម្មជាតិនិងបរិស្ថាន (VACNE) លើកនាមជាដើមកេរដំណែលវៀតណាម។ |
ដើមកល្បព្រឹក្សនៅភូមិក្វិត (Quyt) មិនស្គាល់ច្បាស់ ថាដើមជ្រៃមានវត្តមាននៅទីនេះ តាំងពីអង្កាល ប៉ុន្តែតាមរឿងរ៉ាវដែលដូនតាបន្សល់ទុកមក និទានថាដើមជ្រៃនិងវិហារអាទិទេព តានវៀនសើន (Tan Vien Son) តាំងពីយូរតែងជាទីពឹងសតិអារម្មណ៍ ជាទីសកម្មភាពជំនឿ របស់ប្រជាជននៅទីនេះ។ ស្លាក់ស្នាមពេលវេលា បានចារនៅលើដើមនីមួយៗ និងចារនៅរាល់ម្តុំឫស្សច្បាមស៊ីជ្រៅចុះធរណី។ ឆ្នាំ២០១១ ក្រុមប្រឹក្សាដើមកេរដំណែលវៀតណាម បានពិនិត្យនិងដាក់ចេញទិន្នន័យ “ភ្ញាក់ផ្អើល” អំពីដើមជ្រៃអាយុពាន់ឆ្នាំ។
តាមនោះ បរិវេណម្តុំតួដើមទីមួយ គឺ៤៣ម៉ែត្រ និងម្តុំតួដើមទីពីរក៏មានបរិវេណឡើងដល់៣៧ម៉ែត្រ កម្ពស់ខ្ពស់បំផុតនៃដើមជ្រៃ គឺប្រហែល៤០ម៉ែត្រ។
ដើមជ្រៃកល្បព្រឹក្សនៅវិហារអាទិទេព តានវៀនសើន (Tan Vien Son) នៅតែឈរ ដោយភាពរឹងមាំ ស្ងាត់ៗ ឆ្លងកាត់ភ្លៀងក្តៅនិងពេលវេលា ដូចជា “សក្សីរស់” សម្រាប់ការកកើត អភិវឌ្ឍន៍ នៃដែនដីអៀនបាយ (Yen Bai) នៅក្រោមជើងភ្នំបាវី (Ba Vi) ពាន់ឆ្នាំដណ្តប់ដោយពពក៕
|
វិហារអាទិទេព តានវៀនសើន (Tan Vien Son) (នៅហៅថាវិហារ ថាញតាន- Thanh Tan) បូជាអ្នកតាភ្នំ ជាតួអង្គមួយក្នុងរឿងព្រេងវៀតណាម។ ក្នុងអារម្មណ៍ប្រជាប្រិយ នៃប្រជាជនវៀតណាម តានវៀនសើន (Tan Vien Son) ជាអាទិទេពបង្ហាញពីមហិតរិទ្ធ អភិនិហារ សមិត្ថភាពប្រយុទ្ធប្រឆាំងគ្រោះមហន្តរាយគ្មានកំណត់ ដើម្បីការពាររដូវដំណាំនិងជីវរស់នៅ។ ថាញតាន (Thanh Tan) ជាអាទិទេពមួយក្នុងចំណោមអាទិទេព “អមតៈ” ទាំងបួន នៅក្នុងអារម្មណ៍នៃប្រជាជនវៀតណាម។ |
អត្ថបទនិងរូបថត៖ វៀតគឿង
