នេះគឺជាដំណើរទស្សនកិច្ចផ្លូវការលើកដំបូងមកប្រទេសវៀតណាមរបស់លោករដ្ឋមន្ត្រីការពារជាតិចក្រភពអង់គ្លេសមកកាន់ប្រទេស វៀតណាមនិងធ្វើឡើង នៅពេលដែលប្រទេសទាំងពីរអបអារសាទរខួប ១០ ឆ្នាំនៃការបង្កើតភាពជាដៃគូយុទ្ធសាស្ត្រវៀតណាម- ចក្រភពអង់គ្លេស(២០១០-២០២០) ។

ដំណើរទស្សនកិច្ចមកប្រទេសវៀតណាមរបស់រដ្ឋមន្ត្រីការពារជាតិអាមេរិក លោក Lloyd Austin បន្តរួមចំណែកពង្រឹងទំនាក់ទំនងមិត្តភាពនិងជឿទុកចិត្តរវាងប្រជាជននិងយោធានៃប្រទេសទាំងពីរ។

វៀតណាមនិងអាមេរិកឯកភាពជំរុញកិច្ចសហប្រតិបត្តិការការពារជាតិ


នាព្រឹកថ្ងៃទី ២៩ ខែកក្កដា នៅទីស្នាក់ការនៃក្រសួងការពារជាតិ រដ្ឋមន្ត្រីក្រសួងការពារប្រទេសវៀតណាម នាយឧត្តមសេនីយ៍ លោក ផានវ៉ានយ៉ាង (Phan Van Giang) បានអញ្ជើញជាអធិបតីក្នុងពិធីស្វាគមន៍ជាផ្លូវការ រដ្ឋមន្ត្រីការពារជាតិអាមេរិក លោក Lloyd Austin ។

ក្នុងក្របខ័ណ្ឌនៃដំណើរទស្សនកិច្ចនេះលោក Lloyd Austin បានអញ្ជើញចូលជួបសម្តែងការគួរសមជាមួយ លោកប្រធានរដ្ឋ ង្វៀនស្វឹនភុក (Nguyen Xuan Phuc) និងលោកនាយករដ្ឋមន្ត្រី ផាមមិញជីញ(Pham Minh Chinh)។

ក្នុងកិច្ចពិភាក្សា រដ្ឋមន្ត្រីទាំងពីរបានវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការការពារជាតិរវាងវៀតណាមនិងសហរដ្ឋ អាមេរិកក្នុងរយៈពេលកន្លងមក ហើយបានចាត់ទុកថា លទ្ធផលនៃកិច្ចសហប្រតិបត្តិការមានប្រសិទ្ធភាព ស្របតាមទំនាក់ទំនងភាពជាដៃគូគ្រប់ជ្រុងជ្រោយរវាងប្រទេសទាំងពីរកំពុងអភិវឌ្ឍយ៉ាងល្អប្រសើរ ជាពិសេសក្នុងវិស័យជំនះផលវិបាកនៃសង្គ្រាម (ស្វែងរកទាហានដែលបាត់និងបាត់ខ្លួន បោសសំអាតមីន ដោះស្រាយផលវិបាកនៃជាតិគីមីពុលពណ៌លឿងទុំ/ dioxin) ដោះស្រាយបញ្ហាសន្តិសុខមិនមែនប្រពៃណី (ការបង្ការនិងគ្រប់គ្រងជំងឺកូវីដ -១៩ ការស្វែងរកនិងជួយសង្គ្រោះ ជំនួយមនុស្សធម៌ ជំនួយសង្គ្រោះគ្រោះមហន្តរាយ) គាំទ្រវៀតណាមក្នុងការចូលរួមកងកម្លាំងរក្សាសន្តិភាពរបស់អង្គការសហប្រជាជាតិ លើកកម្ពស់សមត្ថភាពអនុវត្តច្បាប់សមុទ្រ ពេទ្យយោធា និងការបណ្តុះបណ្តាលថ្នាំវេជ្ជសាស្ត្រនិងការបណ្តុះបណ្តាល។

ក្នុងឱកាសនេះ លោករដ្ឋមន្រ្តីក្រសួងការពារជាតិអាមេរិកបានប្រកាសគាំទ្រឧបករណ៍ការពារនិងទប់ស្កាត់ជំងឺកូវីដ ១៩ របស់ វៀតណាម។

នាព្រឹកថ្ងៃទី ២៩ ខែកក្កដា ឆ្នាំ ២០២១ នៅទីក្រុងហាណូយ (Ha Noi) លោកឧត្តមសេនីយ៍ ផានវ៉ាន់យ៉ាង (Phan Van Giang)  រដ្ឋមន្ត្រីក្រសួងការពារប្រទេសវៀតណាមបានស្វាគមន៍និងជួបពិភាក្សាការងារជាមួយលោករដ្ឋមន្ត្រីក្រសួងការពារជាតិអាមេរិក Lloyd Austin ក្នុងឱកាសអញ្ជើញមកបំពេញទស្សនកិច្ចជាផ្លូវការនៅប្រទេសវៀតណាម។ រូបថត៖ ត្រុងឌឹក / ទីភ្នាក់ងារសារព័ត៌មានវៀតណាម (VNA)ឮ លោកឧត្តមសេនីយ៍ ផានវ៉ាន់យ៉ាង (Phan Van Giang)  រដ្ឋមន្ត្រីក្រសួងការពារប្រទេសវៀតណាម និងលោករដ្ឋមន្ត្រីការពារជាតិអាមេរិក Lloyd Austin អញ្ជើញត្រួតពលកិត្តិយសនៃកងទ័ពប្រជាជនវៀតណាម ក្នុងពិធីទទួលស្វាគមន៍។ រូបថត៖ ត្រុងឌឹក/ VNA លោកឧត្តមសេនីយ៍ ផានវ៉ាន់យ៉ាង (Phan Van Giang)  រដ្ឋមន្ត្រីក្រសួងការពារប្រទេសវៀតណាម ជួបពិភាក្សាការងាជាមួយ លោករដ្ឋមន្ត្រីក្រសួងការពារជាតិអាមេរិក Lloyd Austin។ រូបថត៖ ត្រុងឌឹក/ VNA នៅព្រឹកថ្ងៃទី ២៩ ខែកក្កដាឆ្នាំ ២០២១ នៅទីស្តីការរដ្ឋាភិបាល លោកនាយករដ្ឋមន្រ្តី ផាមមិញជីញ (Pham Minh Chinh) បានទទួលជួបរដ្ឋមន្ត្រីក្រសួងការពារជាតិអាមេរិក លោក Lloyd Austin ក្នុងដំណើរអញ្ជើញមកបំពេញទស្សនកិច្ចផ្លូវការ នៅប្រទេសវៀតណាម។  រូបថត៖ យឿងយ៉ាង / VNA លោកនាយករដ្ឋមន្រ្តី ផាមមិញជីញ (Pham Minh Chinh) ទទួលជួបរដ្ឋមន្ត្រីក្រសួងការពារជាតិអាមេរិក លោក Lloyd Austin ។ រូបថត៖ យឿងយ៉ាង/ VNA នៅព្រឹកថ្ងៃទី ២៩ ខែកក្កដា ឆ្នាំ ២០២១ នៅវិមានប្រធានរដ្ឋ លោកប្រធានរដ្ឋ ង្វៀនសួនភុក (Nguyen Xuan Phuc) បានទទួលជួបរដ្ឋមន្ត្រីក្រសួងការពារជាតិអាមេរិក លោក Lloyd Austin ក្នុងឱកាសអញ្ជើញមកបំពេញទស្សនកិច្ចជាផ្លូវការនៅវៀតណាម។ រូបថត៖ ថុងញឹត / VNA

រដ្ឋមន្ត្រីទាំងពីរបានឯកភាពបន្តជំរុញកិច្ចសហប្រតិបត្តិការ ក្រោមខ្លឹមសារនៃអនុស្សារណៈនៃការយោគយល់គ្នាស្តីពីការជំរុញកិច្ចសហប្រតិបត្តិការការពារជាតិដែលបានចុះហត្ថលេខាក្នុងឆ្នាំ ២០១១ និងសេចក្តីថ្លែងការណ៍ចក្ខុវិស័យរួមស្តីពីទំនាក់ទំនងការពារជាតិដែលបានចុះហត្ថលេខា នៅឆ្នាំ ២០១៥ ក្នុងនោះផ្តល់អាទិភាពដល់ការជំនះផលវិបាកនៃសង្គ្រាម បង្កើនសមត្ថភាពរអនុវត្តច្បាប់សមុទ្រ សម្របសម្រួលពេទ្យយោធាក្នុងការបង្ការនិងត្រួតពិនិត្យជំងឺកូវីដ ១៩ ការបណ្តុះបណ្តាល ក៏ដូចជាការស្វែងយល់នូវសមត្ថភាពនិងតម្រូវការរបស់ភាគីនីមួយៗ ក្នុងកិច្ចសហប្រតិបត្តិការខាងឧស្សាហកម្មការពារជាតិ។ …

នៅក្នុងកិច្ចពិភាក្សានេះ រដ្ឋមន្ត្រីទាំងពីររូបក៏បានផ្លាស់ប្តូរទស្សនៈអំពីបញ្ហាអន្តរជាតិនិងតំបន់ដែលមានការយកចិត្តទុកដាក់ដូចគ្នា ជាពិសេសបញ្ហាប្រឈមផ្នែកសន្តិសុខប្រពៃណីនិងមិនមែនប្រពៃណីដែលជះឥទ្ធិពលដោយផ្ទាល់ដល់តំបន់ ហើយបានបញ្ជាក់ពីតួនាទីស្នូលរបស់អាស៊ានក្នុងការលើកកម្ពស់កិច្ចសហប្រតិបត្តិការក្នុងក្របខ័ណ្ឌនៃ កិច្ចប្រជុំរដ្ឋមន្រ្តីក្រសួងការពារជាតិអាស៊ានបូក (ADMM+)​ ក្នុងគោលបំណងរក្សាបរិយាកាសសន្តិភាពនិងស្ថិរភាពនៅក្នុងតំបន់និងពិភពលោក។

រដ្ឋមន្ត្រីទាំងពីររូបក៏បានចែករំលែកទស្សនៈអំពីសារៈសំខាន់នៃការគោរពសិទ្ធិនិងផលប្រយោជន៍ស្របច្បាប់របស់រដ្ឋជាប់តំបន់ឆ្នេរសមុទ្រ ដោះស្រាយវិវាទដោយសន្តិវិធី ក៏ដូចជាការរក្សាបាននូវបរិយាកាសសន្តិភាព ស្ថិរភាពនិងសន្តិសុខ សុវត្ថិភាព សណ្តាប់ធ្នាប់និងសេរីភាពនៃការហោះហើរ និងនាវាចរណ៍នៅសមុទ្រនិងមហាសមុទ្រ ដែលអនុលោមតាមច្បាប់អន្តរជាតិនិងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS ១៩៨២) ។

នៅចុងបញ្ចប់នៃកិច្ចពិភាក្សា រដ្ឋមន្ត្រីទាំងពីរបានធ្វើជាសាក្សីក្នុងការចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការ ក្នុងការស្វែងរក ប្រមូលផ្តុំនិងកំណត់អត្តសញ្ញាណអដ្ឋិធាតុយុទ្ធជនពលីវៀតណាម ព្រមទាំងប្រគល់អនុស្សាវរីយ៍សង្គ្រាមមួយចំនួន។

ដំណើរទស្សនកិច្ចនៅវៀតណាមរបស់លោករដ្ឋមន្ត្រីការពារជាតិអាមេរិកបន្តរួមចំណែកពង្រឹងទំនាក់ទំនងមិត្តភាព និងទំនុកចិត្តរវាងប្រជាជននិងយោធានៃប្រទេសទាំងពីរ អនុវត្តខ្លឹមសារនៃកិច្ចសហប្រតិបត្តិការលើវិស័យការពារជាតិដែលបានចុះហត្ថលេខារវាងក្រសួងការពារជាតិនិងកិច្ចព្រមព្រៀងរបស់ថ្នាក់ដឹកនាំជាន់ខ្ពស់នៃប្រទេសទាំងពីរ រួមវិភាគទានក្នុងក្របខ័ណ្ឌនៃភាពជាដៃគូគ្រប់ជ្រុងជ្រោយរវាងវៀតណាម-អាមេរិក។

វៀតណាម - អង់គ្លេសពង្រឹងកិច្ចសហប្រតិបត្តិការការពារជាតិ
 

នៅព្រឹកថ្ងៃទី ២២ ខែកក្កដា នៅទីស្នាក់ការនៃក្រសួងការពារជាតិលោកនាយឧត្តមសេនីយ៍ ផាន់វ៉ាន់យ៉ាង (Phan Van Giang) បានអញ្ជើញធ្វើជាអធិបតីក្នុងពិធីស្វាគមន៍និងជួបពិភាក្សាការងារជាមួយលោក Robert Ben Lobban Wallace និងសមាជិកគណៈប្រតិភូយោធាជាន់ខ្ពស់នៃចក្រភពអង់គ្លេសនិងអៀរឡង់ខាងជើង។ នៅក្នុងកិច្ចប្រជុំនេះ ភាគីទាំងពីរបានពិភាក្សាអំពីស្ថានភាពពិភពលោក​និងតំបន់និងបញ្ហាដែលមានការយកចិត្តទុកដាក់ដូចគ្នា។

ភាគីអង់គ្លេសបានចែករំលែកទស្សនៈរបស់វៀតណាមស្តីពីការដោះស្រាយបញ្ហាសមុទ្រខាងកើត ដោយបញ្ជាក់ពីសារៈសំខាន់នៃសេរីភាពនាវាចរណ៍និងអាកាសចរណ៍ ការគាំការគោរពច្បាប់ ហើយសង្កត់ធ្ងន់ថា ការខ្វែងគំនិតគ្នាចាំបាច់ដោះស្រាយដោយសន្តិវិធីផ្អែកលើច្បាប់អន្តរជាតិ ក្នុងនោះមានអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ។

ភាគីទាំងពីរក៏បានឯកភាពចំពោះការវាយតម្លៃក្នុងរយៈពេលកន្លងមកទំនាក់ទំនងកិច្ចសហប្រតិបត្តិការរវាងប្រទេសទាំងពីរត្រូវបានលើកកំពស់ឡើងកំរិតកម្ពស់ថ្មីមួយទៀត ដោយទទួលបានសមិទ្ធផលជាច្រើនលើវិស័យនយោបាយ សេដ្ឋកិច្ច ពាណិជ្ជកម្ម វប្បធម៌និងអប់រំ ...

នៅព្រឹកថ្ងៃទី ២២ ខែកក្កដា ឆ្នាំ ២០២១ នៅទីស្នាក់ការនៃក្រសួងការពារជាតិ លោកនាយឧត្តមសេនីយ៍ ផាន់វ៉ាន់យ៉ាង (Phan Van Giang) រដ្ឋមន្ត្រីក្រសួងការពារប្រទេសវៀតណាមបានស្វាគមន៍និងជួបពិភាក្សាការងារជាមួយលោក Robert Ben Lobban Wallaceរដ្ឋមន្ត្រីក្រសួងការពារជាតិនៃចក្រភពអង់គ្លេសនិងអៀរឡង់ខាងជើងបានអញ្ជើញមកបំពេញទស្សនកិច្ចជាផ្លូវការនៅវៀតណាម។ នៅក្នុងរូបថត៖ ពិធីស្វាគមន៍លោក Robert Ben Lobban Wallace រដ្ឋមន្ត្រីក្រសួងការពារជាតិនៃចក្រភពអង់គ្លេសនិងអៀរឡង់ខាងជើង ។ រូបថត៖ ត្រុងឌឹក / VNA លោករដ្ឋមន្ត្រីក្រសួងការពារប្រទេសវៀតណាម ផាន់វ៉ាន់យ៉ាង (Phan Van Giang) និងរដ្ឋមន្ត្រីក្រសួងការពារជាតិនៃចក្រភពអង់គ្លេសនិងអៀរឡង់ខាងជើង លោកRobert Ben Lobban Wallace ក្នុងពិធីស្វាគមន៍។ រូបថត៖ ត្រុងឌឹក / VNA ទិដ្ឋភាពនៃកិច្ចប្រជុំរវាងរដ្ឋមន្ត្រីក្រសួងការពារជាតិនៃប្រទេសទាំងពីរ។ រូបថត៖ ត្រុងឌឹក / VNA នៅព្រឹកថ្ងៃទី ២២ ខែកក្កដាឆ្នាំ ២០២១ នៅទីស្តីការរដ្ឋាភិបាល លោកនាយករដ្ឋមន្ត្រី ផាមមិញជីញ (Pham Minh Chinh) បានទទួលជួបលោក Robert Ben Lobban Wallace រដ្ឋមន្ត្រីក្រសួងការពារជាតិនៃចក្រភពអង់គ្លេសនិងអៀរឡង់ខាងជើង ក្នុងឱកាសអញ្ជើញមកបំពេញទស្សនកិច្ចជាផ្លូវការនៅវៀតណាម។ នៅក្នុងរូបថត៖ លោកនាយករដ្ឋមន្ត្រី ផាមមិញជីញ (Pham Minh Chinh) និងរដ្ឋមន្ត្រីក្រសួងការពារជាតិអង់គ្លេស លោក Robert Ben Lobban Wallace ។ រូបថត៖ យឿងយ៉ាង / VNA លោកនាយករដ្ឋមន្ត្រី ផាមមិញជីញ (Pham Minh Chinh) ទទួលជួបរដ្ឋមន្ត្រីក្រសួងការពារជាតិអង់គ្លេស លោក Robert Ben Lobban Wallace ។ រូបថត៖ យឿងយ៉ាង / VNA

ក្នុងកិច្ចសហប្រតិបត្តិការការពារជាតិ ទោះបីត្រូវរងផលប៉ះពាល់ដោយជំងឺរាតត្បាតកូវីដ -១៩ ក៏ដោយ ភាគីទាំងពីរនៅតែសម្រេចបាននូវខ្លឹមសារនៃកិច្ចសហប្រតិបត្តិការដែលបានព្រមព្រៀងគ្នា ដូចជាការរក្សាយន្តការសន្ទនាគោលនយោបាយការពារជាតិ ផ្លាស់ប្តូរគណៈ​ប្រតិភូ ការបណ្តុះបណ្តាលភាសាអង់គ្លេសសម្រាប់មន្រ្តីវៀតណាម នាវាកងទ័ពជើងទឹកអង់គ្លេសធ្វើទស្សនកិច្ចនៅវៀតណាម ផ្លាស់ប្តូរនិងចែករំលែកបទពិសោធន៍ក្នុងការចូលរួមកងកម្លាំងរក្សាសន្តិភាពរបស់អង្គការសហប្រជាជាតិ ... រួមចំណែកលើកកម្ពស់និងរួមចំណែកយ៉ាងសកម្មដល់ភាពជាដៃគូយុទ្ធសាស្ត្ររវាងប្រទេសទាំងពីរ។
 

ក្នុងក្របខ័ណ្ឌនៃដំណើរទស្សនកិច្ចនេះ លោករដ្ឋមន្ត្រីក្រសួងការពារជាតិនៃចក្រ​ភព​​អង់គ្លេសនិងអៀរឡង់ខាងជើងបានចូលជួបនិងសម្តែងការគួរសមជាមួយលោកនាយករដ្ឋមន្រ្តី អញ្ជើញមកទស្សនាបណ្ឌិត្យសភាការទូត គណៈកម្មធិការព្រំដែនជាតិនិងជួបសំណេះសំណាលជាមួយអតីតមន្រ្តីមួយចំនួនដែលចូលរួមក្នុងសកម្មភាព នៅស្ថានបេសកកម្មរក្សាសន្តិភាពរបស់អង្គការសហប្រជាជាតិ។

ភាគីទាំងពីរបានឯកភាពគ្នាថា ក្នុងពេលខាងមុខនេះនឹងជំរុញកិច្ចសហប្រតិបត្តិការការពារជាតិដោយផ្តោតលើវិស័យមួយចំនួន៖ ការផ្លាស់ប្តូរគណៈប្រតិភូ; បន្តរក្សាឱ្យមានប្រសិទ្ធភាពនូវយន្តការកិច្ចសហប្រតិបត្តិការដែលភាគីទាំងពីរកំពុងអនុវត្ត ជាពិសេសការសន្ទនាគោលនយោបាយថ្នាក់អនុរដ្ឋមន្ត្រីការពារជាតិនិងក្រុមការងារទ្វេភាគីស្តីពីកិច្ចសហប្រតិបត្តិការការពារជាតិ។
វៀតណាមគាំទ្រការចូលរួមរបស់ចក្រភពអង់គ្លេសនៅក្នុងកិច្ចប្រជុំរដ្ឋមន្រ្តីការពារជាតិអាស៊ានបូក (ADMM+) ដោយផ្អែកលើការឯកភាពរបស់អាស៊ាន ព្រមទាំងគាំទ្រចក្រភពអង់គ្លេសក្នុងការជំរុញកិច្ចសហប្រតិបត្តិការជាមួយអាស៊ាន រួមទាំងកិច្ចសហប្រតិបត្តិការយោធា- ការពារជាតិ។
 

លោកនាយឧត្តមសេនីយ៍ ផាន់វ៉ាន់យ៉ាង (Phan Van Giang) បានសម្តែងនូវក្តីរីករាយដែលបានស្វាគមន៍និងជួបពិភាក្សាការងារជាមួយ លោករដ្ឋមន្រ្តី Robert Ben Lobban Wallace នៅទីក្រុងហាណូយចំពេលមានការវិវត្តដ៏ស្មុគស្មាញនៃជំងឺរាតត្បាតកូវីដ -១៩ នៅលើពិភពលោក ក៏ដូចជានៅក្នុងប្រទេសទាំងពីរ ដោយបញ្ជាក់ថាសុឆន្ទៈកិច្ចខិតខំប្រឹងប្រែងនិងការប្តេជ្ញាចិត្ត ប្រទេសទាំងពីរក្នុងការជំរុញកិច្ចសហប្រតិបត្តិការជាទូទៅនិងកិច្ចសហប្រតិបត្តិការការពារជាតិជាពិសេស

លោករដ្ឋមន្ត្រីការពារជាតិ ផាន់វ៉ាន់យ៉ាង (Phan Van Giang) បានសង្កត់ធ្ងន់ថា ដំណើរទស្សនកិច្ចរបស់លោករដ្ឋមន្ត្រី Robert Ben Lobban Wallace ក្នុងឱកាសខួបលើកទី ១០ នៃការចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការការពារជាតិរវាងប្រទេសទាំងពីរ ហើយជឿជាក់ថា ទំនាក់ទំនងកិច្ចសហប្រតិបត្តិការការពារជាតិវៀតណាម-អង់គ្លេសនឹងមានការបោះជំហានថ្មីក្នុងវិស័យដែលមានផលប្រយោជន៍ទៅវិញទៅមកស្របតាមផលប្រយោជន៍របស់ប្រទេសនីមួយៗ។

ក្នុងឱកាសនេះលោករដ្ឋមន្ត្រី ផាន់ វ៉ាន់យ៉ាង (Phan Van Giang) បានថ្លែងអំណរគុណដល់រដ្ឋាភិបាលអង់គ្លេសចំពោះការចាប់អារម្មណ៍និងបទពិសោធន៍ក្នុងការការពារនិងទប់ស្កាត់ជំងឺកូវីដ -១៩ ដោយដាក់ប្រទេសវៀតណាមនៅក្នុងបញ្ជីផ្តល់វ៉ាក់សាំងជាអាទិភាព។ ក្នុងពេលជាមួយគ្នានេះដែរ លោក ផាន់ វ៉ាន់យ៉ាង (Phan Van Giang) បានស្នើឱ្យលោករដ្ឋមន្ត្រី Robert Ben Lobban Wallace នៅក្នុងអំណាចរបស់គាត់អនុញ្ញាតឱ្យគាត់ជួយក្រសួងការពារជាតិក្នុងការទទួលបានវ៉ាក់សាំងប្រឆាំងនឹងជំងឺកូវីដ ១៩ ។

លោក Robert Ben Lobban Wallace បានថ្លែងអំណរគុណដល់លោកឧត្តមសេនីយ៍ ផាន វ៉ាន់យ៉ាង (Phan Van Giang) និងក្រសួងការពារជាតិវៀតណាមដែលបានរៀបចំពិធីទទួលស្វាគមន៍ប្រកបដោយឧឡារិកនិងកក់ក្តៅ ក្នុងស្ថានភាពលំបាកដោយសារផលប៉ះពាល់នៃការរីករាលដាល។ ក្រៅពីនេះ លោក Robert Ben Lobban Wallace បានជូនពរលោករដ្ឋមន្ត្រី ផាន់ វ៉ាន់យ៉ាង (Phan Van Giang) ដែលទើបតែបានដំឡើងឋានន្តស័ក្កជានាយឧត្តមសេនីយ៍លោកវាយតម្លៃខ្ពស់ចំពោះតួនាទីរបស់វៀតណាមក្នុងតំបន់និងនៅទូទាំងពិភពលោក

ក្នុងក្របខ័ណ្ឌនៃដំណើរទស្សនកិច្ចជាផ្លូវការនៅវៀតណាម រដ្ឋមន្ត្រីការពារជាតិអង់គ្លេស លោក Robert Ben Lobban Wallace បានអញ្ជើញមកទស្សនានិងជួបសំណេះសំណាល នៅបណ្ឌិត្យសភាការទូតវៀតណាម។ រូបថត៖ ឡឹមខាញ/ VNA លោករដ្ឋមន្ត្រីក្រួសងការពារជាតិអង់គ្លេស Robert Ben Lobban Wallace និងគណៈប្រតិភូ។ រូបថត៖ ឡឹមខាញ/ VNA

លោករដ្ឋមន្រ្តី Wallace បានបញ្ជាក់ថា បញ្ហាប្រឈមនឹងសន្តិសុខដែនសមុទ្រក្នុងតំបន់គឺជាកង្វល់របស់សហគមន៍អន្តរជាតិ ដោយសារឥទ្ធិពលរបស់វាទៅលើសន្តិភាពនិងស្ថិរភាពក្នុងតំបន់និងការគោរពច្បាប់អន្តរជាតិ។

នៅក្នុងបរិបទនោះចក្រភពអង់គ្លេសមានបំណងពង្រឹងកិច្ចសហប្រតិបត្តិការជាមួយបណ្តាប្រទេសអាស៊ានតាម“ វិធីអាស៊ាន” ដើម្បីលើកកម្ពស់ការសន្ទនា សន្តិភាពនិងស្ថិរភាពរួម។

លោករដ្ឋមន្ត្រី Wallace ក៏បានសង្កត់ធ្ងន់ថា ក្នុងនាមជាប្រទេស P5 (ក្រុមប្រទេសចំនួន ៥ ដែលជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ) ចក្រភពអង់គ្លេសមានកាតព្វកិច្ចការពារសណ្តាប់ធ្នាប់ពិភពលោកផ្អែកលើច្បាប់។
ដើម្បីអនុវត្តយុទ្ធសាស្ត្រ“ បង្វែរទៅកាន់ឥណ្ឌូ-ប៉ាស៊ីហ្វិក” ថ្មីៗនេះ ចក្រភពអង់គ្លេសបានចុះឈ្មោះជាដៃគូសន្ទនារបស់អាស៊ានបានពន្លឿនការចរចា ដើម្បីចូលរួមកិច្ចព្រមព្រៀងគ្រប់ជ្រុងជ្រោយនិងវឌ្ឍភាពសម្រាប់ភាពជាដៃគូអន្តរប៉ាស៊ីហ្វិក (CPTPP) ដោយអនុវត្តការចុះហត្ថលេខាលើកិច្ចព្រមព្រៀងពាណិជ្ជកម្មសេរីជាមួយបណ្តាប្រទេសក្នុងតំបន់រួមទាំងវៀតណាមផងដែរ។

ប្រទេសទាំងពីរបន្តជំរុញទំនាក់ទំនងពាណិជ្ជកម្មយ៉ាងខ្លាំង (កើនឡើងជាង ២៥% ក្នុងរយៈពេល ៦ ខែដំបូងនៃឆ្នាំ ២០២១) វិទ្យាសាស្ត្រ-បច្ចេកវិទ្យាការអប់រំ (កម្មវិធីអប់រំចំនួន ៧៤ ជាមួយសាកលវិទ្យាល័យអង់គ្លេសចំនួន ២៣) .../ ។

ទីភ្នាក់ងារសារព័ត៌មានវៀតណាម /កាសែតរូបភាពវៀតណាម
ប្រែសម្រួលដោយង្វៀនយ៉ាង