លោក ដ័នហ័ងសើន (Doan Hoang Son) ធ្លាប់ប្រកួតអោយបណ្តាក្លឹបក្នុងប្រទេសដូចជា៖ ក្លឹបដុងតឹមឡុងអាន រដ្ឋធានីហាណូយ (Dong Tam Long An)និងក្លឹប ហាណូយ T&T (Ha Noi T&T )។ គាត់ក៏ធ្លាប់ជាអតីតមេក្រុមរបស់ក្រុមបាល់ទាត់ជម្រើស Olympic វៀតណាម។ កីឡាករខ្សែប្រយុទ្ធ Apisit Kaikaew ធ្លាប់ទាត់អោយក្លឹប ប៊ិញឌីញ (Binh Dinh) ក្នុងដំណាក់កាលទី ២ នៃរដូវកាលពីឆ្នាំ២០០២ ដល់ ឆ្នាំ២០០៣ និងបន្ទាប់មក កីឡាកររូបនេះលេងក្នុងក្លឹបបាល់ទាត់អានយ៉ាង ( An Giang) ( ពានរង្វាល់ថ្នាក់ ១ )។ គាត់ក៏ធ្លាប់ជាកីឡករក្រុមបាល់ទាត់ជម្រើសជាតិថៃផងដែរនិងធ្លាប់ប្រកួតរួបមជាមួយកីឡាករ Kiatisuk Senamuang នាសព្វថ្ងៃនេះគាត់ក្លាយទៅជាគ្រូបង្វឹករបស់ក្រុមបាល់ទាត់ជម្រើសជាតិថៃ។
ធ្លាប់ប្រឈមមុខដាក់គ្នាលើតារាងបាល់ទាត់ក៏ដូចជាមានក្តីស្រឡាញ់បាល់ទាត់ ដែលបាននាំអោយកីឡាករ ហ័ងសើន (Hoang Son) និង កីឡាករ Apisit ក្លាយទៅជាមិត្តភ័ក្តិជិតស្និទ្ធជាមួយគ្នា។ នៅពេលលាលែងពីអាជីពជាកីឡាករ បងប្រុស ហ័ងសើន មានគោលបំណងអំពីការធ្វើអ្វីមួយដោយលទ្ធភាពរបស់ខ្លួនឯង ដើម្បីជួយអោយក្មេងៗ វៀតណាមមានឱកាសលេងបាល់ទាត់។ ជាច្រើនដង កីឡាករ ហ័ងសើន (Hoang Son) បានទៅព្រះរាជាណាចក្រថៃសំដៅសួរសុខទុក្ខមិត្តភ័ក្កិ នៅពេលនេះ កីឡាករ Apisit ជាជំនួយការអោយគ្រូបង្វឹកក្រុមបាល់ទាត់ជម្រើសជាតិថៃ និងគាត់បានអញ្ជើញកីឡាករ ហ័ងសើន (Hoang Son) មកទស្សនាមជ្ឈមណ្ឌលបង្ហាត់បាល់ទាត់អោយក្មេងៗ។ ដោយសារមានក្តីស្រឡាញ់ការទាត់បាល់ អ្នកទាំងពីរនោះបានមានគំនិតផ្តួតផ្តើមបង្កើតមជ្ឈមណ្ឌលបាល់ទាត់មួយសម្រាប់ក្មេងនៅប្រទេសទាំងពីរ និងអ្នកទាំងពីរក៏ជាគ្រូបង្វឹកផ្ទាល់ដែរ។
បន្ទាប់ពីរយៈពេលដ៏យូរអង្វែងមួយ មជ្ឈមណ្ឌលបាល់ទាត់ S&A Academy ត្រូវបានបង្កើតនៅទីក្រុងហូជីមិញនិងទីក្រុងបាងកក។ “S”ជាអក្សរកាត់មកពីឈ្មោះរបស់កីឡាករ ហ័ងសើន (Hoang Son) “A”ជាអក្សរមកពីឈ្មោះរបស់កីឡាករ Apisit ឈ្មោះរបស់មជ្ឈមណ្ឌលនេះជានិមិត្តរួបតំណាងអោយចំណងមិត្តភាពដ៏អស្ចារ្យរបស់អតីតកីឡាករទាំងពីរនាក់នេះ។
 ក្រុមគ្រួបង្វឹកនិងសិក្ខាកាមនៃវគ្គទី ១ របស់មជ្ឈមណ្ឌល់បាល់ទាត់ S&A Academy នៅទីក្រុងហូជីមិញ  មជ្ឈមណ្ឌល់បាល់ទាត់ S&A Academy បណ្តុះបណ្តាលអោយសិក្ខាកាម ដែលមានអាយុពី ៦ ដល់ ១៣ ឆ្នាំ  មជ្ឈមណ្ឌលបាល់ទាត់ S&A Academy ទើបសម្ពោធនៅខែមេសាឆ្នាំ២០១៦ ប៉ុន្តែមានសិក្ខាកាមមករៀនជាច្រើន  មជ្ឈមណ្ឌល់បាល់ ទាត់ S&A Academy ជាជំនាញ ចាប់ពីការពាក់ស្លៀកបំពាក់ស្អាតៗ  សិក្ខាកាមរបស់មជ្ឈមណ្ឌលបាល់ទាត់ S&A Academy លំហាត់ការចាប់ផ្តើម មុនពេលចូលហ្វឹកហាត់  គ្រូបង្វឹកយកចិត្តទុកដាក់ណែនាំសិក្ខាកាមក្នុងការហ្វឹកហាត់  គ្រូបង្វឹក Apisit Kaikaew កំពុងណែនាំអោយសិក្ខាកាមម្នាក់អំពីរបៀប គ្រប់គ្រងបាល់.  គ្រូបង្វឹក Apisit Kaikaew និងគ្រូបង្វឹក ដ័នហ័ងសើន ណែនាំអំពីការបណ្តើបាល់  សិក្ខាកាមកំពុងអនុវត្តន៍លំហាត់ប៉ះសេបាល់  គ្រូបង្ហឹកនៃមជ្ឈមណ្ឌលយកចិត្តទុកដាក់ថែទាំសិក្ខាកាម  សិក្ខាកាមហ្វឹកហ្វឺនក្នុងបរិយាកាសសប្បាយរីករាយ  គ្រូបង្វឹក Apisit និង គ្រូបង្វឹក ដ័នហ័ងសើន ជាអ្នកលើកទឹកចិត្តសិក្ខាកាម ដែលមានចំណូលចិត្តនឹងបាល់ទាត់ |
នាបច្ចុបន្បន្ននេះ មជ្ឈមណ្ឌលបាល់ទាត់ S&A Academy កំពុងជ្រើសរើសកូនសិស្សនៅទីក្រុងហូជីមិញ និងនៅទីក្រុងបាងកក ។នៅទីក្រុងហូជីមិញមានតារាងបាល់ទាត់ចំនួន ២ មូយនៅខណ្ឌ ៨ និងមួយទៀតនៅខណ្ឌ ១០ ដែលមានសំភារៈហ្វឹកហ្វឺនសម្បូរ៍បែប ហើយមានបាល់ទទួលស្តង់ដាអន្តរជាតិបាននាំចូលពីប្រទេសថៃ រួមនឹងសៀវភៅបង្រៀនល្អៗ ទៀតផង។
មជ្ឈមណ្ឌល S&A Academy ជាទីកន្លែងមួយសម្រាប់ក្មេងៗ ដែលចូលចិត្តកីឡាបាល់ទាត់និងមានឱកាសអនុវត្តបំណងប្រាថ្នារបស់ខ្លួន។ មកក្លឹបនេះក្មេងៗនឹងបានហ្វឹលហ្វឺនអំពីរាងកាយ ភាពរហ័សរហួន ភាពប៉ិនប្រសប់និងរៀនរបៀបលេងបាលទាត់អោយបានត្រឹមត្រូវបំផុត។ ក្រៅពីគ្រូបង្វឹក ដ័នហ័ងសើន ជាអ្នកបង្វឹកផ្ទាល់ មជ្ឈមណ្ឌលក៏បានការចូលរួមបង្វឹកពីមិត្តភ័ក្តិដែលមានចំណូលចិត្តរួមដូចជា៖ បងប្រុសហ្វ៊ីញអាញ់តួន ( Huynh Anh Tuan) បងប្រុស លីឡឹមហ៊ី(Ly Lam Huy) បងប្រុស Amaobi បងប្រុស ង្វៀនផាត (Nguyen Phat)។ គេសុទ្ធតែជាគ្រូបង្វឹកដែលទទួលបានលិខិតបញ្ជាក់ ថ្នាក់ C, B, A ពីសម្ព័ន្ធបាល់ទាត់អាស៊ី (AFC)។
ទន្ទឹមនឹងនោះ ជារៀងរាល់ខែ គ្រូបង្វឹក Apisit និងគ្រូបង្វឹក ដ័នហ័ងសើន បានមកទស្សនាមជ្ឈមណ្តលបាល់ទាត់នៅប្រទេសមិត្តជាទៀងទាត់។ សិក្ខាកាមជាកុមារ នៅក្លឹប S&A Academy ក៏មានឱកាសបានអតីតកីឡាករបាល់ទាត់ថៃបង្វឹកគ្រូបង្វឹក Apisit បានអោយដឹងថា៖ “ខ្ញុំចូលចិត្តក្មេងនិងចាត់ទុកវាដូចជាកូនចៅរបស់ខ្លួនឯង។ខ្ញុំបានរៀបចំមេរៀនសមស្របនឹងក្មេង ដើម្បីជួយអោយពូកក្មេងៗងាយយល់ និងកាន់តែចូលចិត្តបាល់ទាត់ថែមទៀត។”
គ្រូបង្វឹក ហ័ងសើន បានគ្រោងថា៖ ក្រោយរយៈពេលហ្វឹកហាត់នៅក្លឹប S&A Academy មជ្ឈមណ្ឌលនឹងជ្រើសរើសសិក្ខាកាមបច្ចេកទេសល្អ ដើម្បីចូលរួមការប្រកួតកីឡាបាល់ទាត់នៅក្នុងប្រទេស ក៏ដូចជានៅក្រៅប្រទេសផងដែរ។ព្រមទាំង កីឡាករមានអាយុ U១៣ – U១៥ មានបច្ចេកទេសល្អ ដែលមជ្ឈមណ្ឌលបង្កលក្ខណៈងាយស្រួលសំដៅបញ្ជួនពួកគេទៅហ្វឹកហ្វឺននៅថៃក្នុងពេលខាងមុខនេះ./.
អត្ថបទ៖ សើនងា រូបថត៖ ថុងហាយ
