• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ចក្រភពអង់គ្លេស​វាយតំលៃខ្ពស់​ចំពោះតួនាទី​ដែលកាន់​តែកើនឡើង​របស់​វៀតណាមក្នុងនៅតំបន់និងលើពិភពលោក

នាថ្ងៃទី ២២ ខែកក្កដា ក្នុងក្របខ័ណ្ឌនៃដំណើរបំពេញទស្សនកិច្ចជាផ្លូវការនៅវៀតណាមនោះ រដ្ឋមន្ត្រីការពារជាតិអង់គ្លេសលោក Robert Ben Lobban Wallace បានធ្វើទស្សនកិច្ចនៅវិទ្យាស្ថានការបរទេសវៀតណាម។

រដ្ឋមន្ត្រីការពារជាតិអង់គ្លេសលោក Robert Ben Lobban Wallace (រូបថត៖ TG&VN)


ក្នុងបទសុន្ទរកថា ទៅកាន់ក្រុមអ្នកប្រាជ្ញវៀតណាម និងនិស្សិតនៃវិទ្យាស្ថានការបរទេសនោះ លោក Robert Ben Lobban Wallace បានសង្កត់ធ្ងន់ថា តាមរយៈយុទ្ធសាស្រ្ត“ឆ្ពោះទៅរកមហាសមុទ្រឥណ្ឌា - ប៉ាស៊ីហ្វិក” ដែលបានប្រកាសនៅខែមីនាឆ្នាំ ២០២១ ចក្រភពអង់គ្លេសបានបញ្ជាក់ពីការប្តេជ្ញាចិត្តដ៏យូរអង្វែងរបស់ខ្លួនចំពោះសន្តិភាពនិងស្ថិរភាពរបស់មហាសមុទ្រឥណ្ឌា - ប៉ាស៊ីហ្វិក ប្រកបដោយសេរីនិងបើកចំហ។ លោករដ្ឋមន្រ្តី Wallace បានអះអាងថាបញ្ហាប្រឈមសន្តិសុខដែនសមុទ្រគឺជាការយកចិត្តទុកដាក់រួមរបស់សហគមន៍អន្តរជាតិ ព្រោះថាបញ្ហានេះមានផលប៉ះពាល់ទៅលើសន្តិភាពនិងស្ថេរភាព ក្នុងតំបន់និងលក្ខណៈគោរពច្បាប់អន្តរជាតិជាចម្បង។ ក្នុងបរិបទនេះ ចក្រភពអង់គ្លេសមានគោលបំណងចង់ពង្រឹងកិច្ចសហប្រតិបត្តិការជាមួយបណ្តាប្រទេសអាស៊ានតាម“ បែបផែនអាស៊ាន” ដើម្បីជំរុញកិច្ចសន្ទនា សន្តិភាព និងស្ថិរភាពរួម។

ដោយវាយតម្លៃខ្ពស់ចំពោះតួនាទីដែលកាន់តែកើនឡើងរបស់វៀតណាម មិនត្រឹមតែនៅក្នុងតំបន់ប៉ុណ្ណោះទេ ថែមទាំងក្នុងបញ្ហាសកលលោកដូចជាការចូលរួមចំណែកក្នុងប្រតិបត្តិការរក្សាសន្តិភាពរបស់អង្គការសហប្រជាជាតិនោះ លោករដ្ឋមន្រ្តី Wallace បានអះអាងថា ប្រទេសទាំងពីរបានចែករំលែកទស្សនៈវិស័យ និងផលប្រយោជន៍យុទ្ធសាស្ត្រ ដូចជាទស្សនៈស្តីពីពាណិជ្ជកម្មសេរី និង សារៈសំខាន់នៃ ច្បាប់អន្តរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ អង់គ្លេសនឹងបន្តសហការយ៉ាងជិតស្និទ្ធជាមួយវៀតណាមដើម្បីជំរុញការលើកកម្ពស់កិច្ចសហប្រតិបត្តិការក្នុងក្របខ័ណ្ឌនៃទំនាក់ទំនងភាពជាដៃគូយុទ្ធសាស្ត្រវៀតណាម - អង់គ្លេសផងដែរ៕

តាម VOV5 - វិទ្យុសម្លេងវៀតណាម

តាម VOV5 - វិទ្យុសម្លេងវៀតណាម

ការទូតបន្តរួមដំណើរ និងរួមចំណែកក្នុងការអភិវឌ្ឍសេដ្ឋកិច្ចសង្គមរបស់ប្រទេសជាតិ

ការទូតបន្តរួមដំណើរ និងរួមចំណែកក្នុងការអភិវឌ្ឍសេដ្ឋកិច្ចសង្គមរបស់ប្រទេសជាតិ

បន្តរបៀបវារៈនៃសម័យប្រជុំលើកទី៣១ នៃគណៈកម្មាធិការអចិន្ត្រៃយ៍រដ្ឋសភា នារសៀលថ្ងៃទី១៨ ខែមីនា រដ្ឋមន្ត្រីក្រសួងការបរទេសវៀតណាមលោក Bui Thanh Son បានឆ្លើយសំណួរដេញដោលជាច្រើនរបស់សមាជិករដ្ឋសភា។ នេះជាលើកទីមួយដែលវិស័យការទូតត្រូវបានជ្រើសរើសសម្រាប់ការសួរដេញដោល។

Top