ទទួលតួនាទីជាគ្រូបង្វឹកក្រុមបាល់ទាត់ជម្រើសជាតិ U23 វៀតណាមជាផ្លូវការ តាំងពីខែតុលា ឆ្នាំ ២០១៧ លោក Park Hang Seo រួមជាមួយកីឡាករ បង្កើតស្នាដៃធំអស្ចារ្យសំរាប់កីឡាបាល់ទាត់វៀត ណាម នៅពេលដណ្តើមចំណាប់ថ្នាក់លេខពីរនៃពានរង្វាន់ក្រុមបាល់ទាត់ជម្រើសជាតិ U23 ដែលរៀបចំ នៅប្រទេសចិន។
ចាប់ពីការបរាជ័យ នៅពហុកីឡាដ្ឋានកូរ៉េខាងត្បូង…
ជាមួយចំណង់ចំណូលចិត្តបាល់ទាត់តាំងពីតូច លោក Park Hang Seo បានប្រកួតដូចជាកីឡាករម្នាក់ ក្នុងក្លឹមបាល់ទាត់អាជីវកម្មមួយចំនួន នៅប្រទេសកូរ៉េខាងត្បូង ចាប់ពីឆ្នាំ១៩៧៩ ដល់ឆ្នាំ១៩៨៨។ បន្ទាប់ពី លោកបានក្លាយទៅជាអ្នកជំនួយការគ្រូបង្វឹកក្រុមបាល់ទាត់ជម្រើសជាតិកូរ៉េខាងត្បូង។
បន្ទាប់ពីទទួលជោគជ័យក្នុងនាមអ្នកជំនួយគ្រូបង្វឹក Guus Hiddink ដែលដឹកនាំក្រុមបាល់ទាត់ជម្រើសជាតិកូរ៉េខាងត្បូង នៅពានរង្វាន់ World Cup ២០០២ លោក Park Hang Seo ក៏ធ្លាប់បានក្លាយទៅជាគ្រូបង្វឹកក្លឹបបាល់ទាត់អាជីវកម្មមួយចំនួន នៅប្រទេសកូរ៉េខាងត្បូង។ ក្រៅពីនោះ ក្រុមបាល់ទាត់ជម្រើសជាតិ U23 កូរ៉េខាងត្បូងបានដណ្តើមមេដាយសំរិទ្ធ នៅការប្រកួតចម្រុះ Asian Game ២០០២ ក្រោមការដឹកនាំរបស់គ្រូបង្វឹក Park Hang Seo។ ប៉ុន្តែ លោកបានរងការរិះគន់ពីមជ្ឈដ្ឋានបាល់ទាត់កូរ៉េខាងត្បូង ដូច្នេះលោកបានលាលែងតំណែងគ្រូបង្វឹក។ ក្រោយនោះ លោកបានបង្ហាត់ក្លឹមបាល់ទាត់យុវវ័យនៅស្រុកកំណើតរបស់លោក។
គ្រូបង្វឹក Park Hang Seo ធ្វើបទសម្ភាសន៍ ក្នុងសន្និសីទកាសែត។
រូបថត៖ ត្រឹនថាញ់យ៉ាង
គ្រូបង្វឹក Park Hang Seo និងក្រុមបាល់ទាត់ជម្រើសជាតិ U23 វៀតណាម ធ្វើដំណើរ លើផ្លូវនានានៃរដ្ឋធានីហាណូយ (Ha Noi) ដែលទទួលការស្វាគន៍ពីអ្នកគាំទ្ររាប់ពាន់នាក់ បន្ទាប់ពីត្រឡប់ទៅវិញពីប្រទេសចិន និងដណ្តើមបានចំណាប់ថ្នាក់លេខពីរនៃពានរង្វាន់បាល់ទាត់ U23 អាស៊ី (AFC U23) ។ |
“នៅពេលព្រមការអញ្ជើញរបស់សហព័ន្ធបាល់ទាត់វៀតណាម ខ្ញុំពិតជាភ្ញាក់ផ្អើលណាស់ ប៉ុន្តែខ្ញុំបានយល់ព្រមភ្លាម។ ពីព្រោះខ្ញុំគិតថា នោះគឺជាឳកាសនិងក៏ជាការសាកល្បងចុងក្រោយបង្អស់ ក្នុងបុព្វហេតុបាល់ទាត់របស់ខ្ញុំ ផងដែរ” លោក បាននិយាយឲ្យដឹងថា។
លោក Park Hang Seo មកប្រទេសវៀតណាម និងក្លាយទៅជាគ្រូបង្វឹកក្រុមបាល់ទាត់ជម្រើសជាតិ U23 វៀតណាម តាំងពីខែតុលា ឆ្នាំ២០១៧។ ដោយជំនួយពីសហការី Lee Young Jin - កីឡាករបាល់ទាត់ជនជាតិកូរ៉េម្នាក់ បានមកប្រទេសវៀតណាម និងជួយ លោក Park Hang Seo ក្នុងការជ្រើសរើសកីឡាករ តាមរយៈតាមដានការប្រកួតកីឡាករ បូកសរុបនឹងការពិគ្រោះយោបល់នូវសមត្ថភាព សិលធម៌របស់កីឡាករ ដែលមកពីអ្នកជំនួយជនជាតិវៀតណាម លោក Park Hang Seo បានសម្រេចបញ្ជីឈ្មោះកីឡាករ ដែលបានបង្ហាត់ក្រោមការណែនាំរបស់លោក សំដៅចូលរួមក្នុងការប្រកួតពានរង្វាន់បាល់ទាត់ U23 អាស៊ី (AFC U23)។
“ក្នុងរយៈពេល ៣ ខែ ពេញ ហ្វឹកហាត់ជាមួយកីឡាករ ជួនកាលសម្ពាធពីការងារដែលធ្វើខ្ញុំនឹកផ្ទះខ្លាំងណាស់។ ប៉ុន្តែនាពេលព្រឹក សម្លឹងមើលកែវភ្នែក នៃកីឡាករ ខ្ញុំពិតជាសុភមង្គលណាស់ហើយបានលើកទឹកចិត្តខាងស្មារតីខ្ញុំ។ ប្រការនេះបានជួយខ្ញុំ កីឡាករ ដូចជាអ្នកជំនួយ ផងដែរ កាន់តែយោគយល់គ្នា ទោះបីភាសាជារបាំងធំបំផុត ក៏ដោយ។ ដូច្នេះគេបានយល់យុទ្ធវិធីដែលខ្ញុំដាក់ចេញ ប្រកបដោយចាស់លាស់” គ្រូបង្វឹក Park Hang Seo បានចែករំលែក។
“ការស្វាគមន៍របស់ប្រជាជនវៀតណាមលើកនេះដូចអ្វីៗ ដែលខ្ញុំនិងក្រុមបាល់ទាត់ជម្រើសជាតិកូរ៉េខាងត្បូងទទួលបាន ក្នុងពានរង្វាន់ World Cup ២០០២ ។ ប៉ុន្តែលើកនេះ ចំពោះខ្ញុំការស្វាគមន៍នេះមានអត្ថន័យណាស់។ ហើយខ្ញុំគិតថា នេះគឺជាមទោនភាព និងជាអនុស្សាវរីយ៍គួរឲ្យចងចាំបំផុត ក្នុងបុព្វហេតុបាល់ទាត់ ក្នុងខណៈពេល ៤០ ឆ្នាំ”។
(លោក Park Hang Seo បានចែករំលែកការរំជួលចិត្ត ដោយទទួលការស្វាគន៍យ៉ាងកក់ក្តៅពីអ្នកគាំទ្រ នៅពេលលោកនិងក្រុមបាល់ទាត់ជម្រើសជាតិ U23 វៀតណាមត្រឡប់ទៅស្រុកវិញ)
|
…១០០ ថ្ងៃបង្កើតព្រឹត្តិការណ៍ជាប្រវត្តិសាស្ត្រសំរាប់កីឡាបាល់ទាត់វៀតណាម
ក្នុងប៉ុន្មានថ្ងៃបង្វឹកក្រុមបាល់ទាត់ជម្រើសជាតិ U23 វៀតណាម មួយក្នុងចំណោមបណ្តាការងារដំបូងររបស់គ្រូបង្វឹក Park Hang Seo គឺចងចាំឈ្មោះកីឡាករ។ ចំពោះកីឡាករមួយចំនួនមាន ឈ្មោះដូចគ្នា លោកបានហៅតាមក្លឹបដែលគេធ្លាប់ប្រកួត ដើម្បីងាយស្រួសចងចាំ។ ទោះបី និយាយភាសាវៀតណាមពិបាកគ៏ដោយ ប៉ុន្តែរហូតដល់បច្ចុប្បន្ននេះ លោកបានជឿជាក់និយាយឈ្មោះកីឡាករនៃក្រុមបាល់ទាត់ជម្រើសជាតិ U23 វៀតណាម។
ដោយបទពិសោធន៍ទទួលបាន នៅពេលធ្វើជាអ្នកជំនួយ គ្រូបង្វឹក Guus Hiddink លោក Park Hang Seo បានចំណាយពេលវេលា ដើម្បីលើកទឹកចិត្តកីឡាករឆ្លងកាត់ការខ្វះខាតកម្លាំងរបស់គេ។ ក្រៅពីការបង្ហាត់នៅលើកីឡាដ្ឋាន លោកក៏បាននិយាយសំណេះសំណាលជាមួយកីឡាករ ដូចជាឪពុកនិងកូនចៅ សំដៅបង្កើតសាមគ្គីភាពក្នុងក្រុមបាល់ទាត់ជម្រើសជាតិនេះ។
គ្រូបង្វឹក Park Hang Seo ស្វាគមន៍អ្នកគាំទ្រ ក្នុងរាត្រីតំកើងក្រុមបាល់ទាត់ជម្រើសជាតិ U23 វៀតណាម
នៅកីឡាដ្ឋានជាតិមីឌីញ (My Dinh)។
រូបថត៖ កុងដាត
គ្រូបង្វឹក Park Hang Seo ដឹកនាំបណ្តាកីឡាករនៃក្រុមបាល់ទាត់ជម្រើសជាតិ U23 វៀតណាម
ក្នុងការប្រកួតរវាង វៀតណាមនិងក្លឹប Ulsan Hyundai ។ រូបថត៖ត្រឹនថាញយ៉ាង
គ្រូបង្វឹក Park Hang Seo ដឹកនាំបណ្តាកីឡាករនៃក្រុមបាល់ទាត់ជម្រើសជាតិ U23 វៀតណាម
ក្នុងការប្រកួតមួយ។ រូបថត៖ត្រឹនថាញយ៉ាង |
បានគេហៅថា “មនុស្សចាស់ពិបាកយល់ចិត្ត” គ្រូបង្វឹក Park Hang Seo បានស្នើកីឡាករត្រូវហ្វឹកហាត់ ក្នុងបន្ទប់ នៃសហពន្ធបាល់ទាត់វៀតណាម ៣ ដល់ ៤ ដងក្នុងមួយសប្តាហ៍ ហើយអនុវត្តក្នុងមួយខែ សំដៅបង្កើនកម្លាំង។ ក្រៅពីនេះ កីឡាករគប្បីពិសាតៅហ៊ូ ទឹកដោះគោ ដើម្បីធានាជីវជាតិជួយសុខភាពបានត្រឡប់មកភាពដើមវិញ មុននិងក្រោយការប្រកួត។
ក្រោមការដឹកនាំរបស់គ្រូបង្វឹក Park Hang Seo ក្រុមបាល់ទាត់ជម្រើសជាតិ U23 វៀតណាមបានប្រកួត តាមទំរង់ ៥ -៣ - ២។ លោកយកចិត្តទុកដាក់លើយុទ្ធវិធីទាត់លើសងខាងស្លាប ខ្សែបម្រើនិងកីឡាករការពារចំនួន ៣ នាក់។ ហេតុនេះ បណ្តាកាលៈទេសៈលើកីឡាដ្ឋានបានកើតឡើងយ៉ាងឆាប់រហ័ស ដូច្នេះប្រធានរបស់ក្រុមដើរតួនាទីសំខាន់ៗ ណាស់។ តាមគ្រូបង្វឹក ប្រធានឡឿងស្វឹនទ្រឿង (Luong Xuan Truong) គឺជាជម្រើសយ៉ាងត្រឹមត្រូវ ដើម្បីជូយលោកគ្រូបង្វឹករូបនេះជូនដំណឹងរបស់ខ្លួនដល់កីឡាករ ក្នុងដំណើរប្រកួត ប្រកបដោយប្រសិទ្ធភាព។
ដោយការខិតខំប្រឹងប្រែង ក្នុងរយៈពេលពេញ ៣ ខែ គ្រូបង្វឹក រួមជាមួយបណ្តាកីឡាករក្នុងក្រុមបាល់ទាត់ជម្រើសជាតិ U23 វៀតណាមបង្កើតស្នាដៃអស្ចារ្យសំរាប់កីឡាបាល់ទាត់វៀតណាម និងសរសេរទំព័រប្រវត្តិសាស្ត្រថ្មីសំរាប់កីឡាបាល់ទាត់អាស៊ីអាគ្នេយ៍ ពីព្រោះក្រុមបាល់ទាត់ជម្រើសជាតិ វៀតណាមបានក្លាយទៅជាក្រុមបាល់ទាត់ដំបូង ក្នុងតំបន់ បានឡើងក្នុងវគ្គផ្តាច់ព្រ័ត្រនៃពានរង្វាន់ U23 អាស៊ី./.
អនុវត្ត៖ ង៉ឹនហា មីញធូ
រូបថត៖ កុងដាត ថាញយ៉ាង