XQ ហាងបូរាណ ជាទីកន្លែងទេសចរណ៍ដ៍ជក់ចិត្តមិនអាចមើលរំលង បាននៅក្នុងដំណើរស្វែងយល់ ពីធម្មជាតិ វប្បធម៌ មនុស្សសាស្រ្ត នៅដាឡាត ជាពិសេសមុខរបរគំនូរប៉ាក់ប្រពៃណីល្បីឈ្មោះរបស់វៀតណាម។
 XQ ដាឡាតហាងបូរាណ ស្ថិតនៅលើវិថិម៉ាយអាញដាវ ទីក្រុងដាឡាត។  មានផ្ទៃដីទូលាយពីរហិកតា XQ ហាងបូរាណ មានស្ថាបត្យកម្មបង្កប់លក្ខណរចនាបថហ្វេបូរាណ។  បរិយាកាសតាំងពិព័រណ៍មានលក្ខណនៃមុខរបរដេរប៉ាក់។  “បឹងភ្លើង” ដ៏សែនមនោរម្យនៅក្នុង XQ ហាងបូរាណ។  បរិយាកាសតាំងបង្ហាញសៀវភៅ ឯកសារ និងមណ្ឌលហូបចុក បានតុបតែងយ៉ាងពិសេសនៅក្នុងហាងបូរាណ។  កម្រងដើមរុក្ខជាតិបានរៀបចំពិសេសនៅ ហាងបូរាណ។  ស្នាដៃដេរប៉ាក់ “ផ្ទៃមេឃពណ៌ខៀវ” តុបតែងនៅក្នុងហាងបូរាណ។  រចនាបថតុបតែងមណ្ឌលខាងក្នុង XQ កន្លែងពិធីជប់លៀង ជាពិសេសបង្កលក្ខណចំណាប់អារម្មណ៍ខ្លាំងសម្រាប់ភ្ញៀវទេសចរណ៍ពេលបោះជំហានឈានចូលហាងបូរាណ។  ភ្ញៀវទេសចរណ៍រក្សាទុកនូវរូបថតធ្វើអនុស្សាវរីយ៍ពេលអញ្ជើញទៅទស្សនាហាងបូរាណ។ |
លោកស្រី ហ្វាងឡេស្វឹន ស្រុកកំណើតនៅហ្វេ ជាសិប្បករម្នាក់មានថ្វីដៃដេរប៉ាក់គំនូរដ៏វិចិត្រស្នងបន្តពីប្រពៃណីគ្រួសារ រួមជាមួយប្តីគឺវិចិត្រករ វ៉វ៉ាន់ក្វឹន កែច្នៃ បង្កើតបានពាណិជ្ជសញ្ញាគំនូរប៉ាក់ XQ។ នេះគឺជាការគួបផ្សំពិសេស រវាងសិល្បវិចិត្រចូលក្នុងគំនូរប៉ាក់ប្រពៃណី នាំមកនូវលក្ខណពិសេសនៃពាណិជ្ជសញ្ញា បង្កើតថ្មីជូនមុខរបរដេរប៉ាក់ប្រពៃណីវៀតណាម។ ពីរនាក់ប្តីប្រពន្ធសិល្បករ បង្កើតចេញ XQ ហាងបូរាណ ដោយបំណងឧទ្ទេសនាមដល់មហាជនជិតឆ្ងាយ នូវពាណិជ្ជសញ្ញាគំនូរប៉ាក់ XQ ធ្លាប់ជាក្តីបំណងរបស់ពួកគាត់ ហើយសកម្មភាពវប្បធម៌សិល្បៈទាំងនេះ បានផ្សារភ្ជាប់ជាមួយមុខរបរដេរប៉ាក់គំនូរ តែងបានរៀបចំជាប្រចាំនៅទីនេះ។
អញ្ជើញមកទស្សនា ហាងបូរាណ ភ្ញៀវទេសចរណ៍បានគយគន់ផ្ទាល់ភ្នែកនូវរបៀបដេរប៉ាក់គំនូរ របស់ XQ តាមរយៈផ្លូវម្ជុលស្នាមខ្សែសូត្រ ដ៏រលោងនិងភាពប៉ិនប្រសប់របស់សិប្បការិនី។ ចំពោះអ្នកចូលចិត្តមុខរបរដេរប៉ាក់ សិប្បករនឹងណែនាំបង្ហាញយ៉ាងអស់ពីចិត្តពីថ្លើម ឬតាមរយៈថ្នាក់បង្រៀនដេរប៉ាក់នៅ “វិទ្យាស្ថានមុខរបរដេរប៉ាក់” របស់ហាងបូរាណ។ សកម្មភាពដេរប៉ាក់គំនូរ និងស្នាដៃល្បីឈ្មោះ បានរួមចំណែកជាតួនាទីស្នួលជានិច្ច បង្កើតបានបរិយាកាសដ៏ស្រទន់ ពោរពេញទៅដោយពណ៌សិល្បៈមួយបែប។ ហាងបូរាណជាឃ្លាំងគំនូរដ៏សម្បូរបែបក្រោមប្រធានបទដូចជា៖ គំនូរភូមិកំណើត គំនូរទេសភាព គំនូរហ៊ុងស៊ុយ គំនូររូបថត គំនូរប៉ាក់មុខពីរ បច្ចេកទេសដេរប៉ាក់ថ្មី។ល។ ប្រធានបទរបស់គំនូរប៉ាក់ បានបង្ហាញនៅរាល់សារមន្ទីររបស់ ហាងបូរាណ ទៅតាមប្រធានបទដោយឡែកតភ្ជាប់គ្នា ដើម្បីលើកទឹកចិត្តដំណើរស្វែងយល់របស់ភ្ញៀវទេសចរណ៍។
ក្នុងនោះ មណ្ឌលគំនូរប៉ាក់ XQ ជាតំបន់ទាក់ទាញភ្ញៀវទេសចរណ៍កុះករបំផុត គយគន់គំនូរផង ភ្ញៀវទេសចរណ៍ជ្រើសរើសស្នាដៃ ដែលខ្លួនចូលចិត្ត សម្រាប់ធ្វើអនុស្សាវរីយ៍ក្នុងពេលដែលមកដល់ទស្សនា ហាងបូរាណនេះ។
ក្រៅពី XQ ហាងបូរាណ នៅតបស្នងគុណសិល្បករដេរប៉ាក់ បានរួមវិភាគទានឲ្យមុខរបរដេរប៉ាក់ប្រពៃណីនៅ “តំបន់លើកស្ទួយសិល្បករដេរប៉ាក់” ឬជួយមហាជនស្វែងយល់ពីប្រវត្តិសាស្រ្តមុខរបរដេរប៉ាក់នៅ “តំបន់តាំងបង្ហាញប្រវត្តិវិស័យដេរប៉ាក់” រួមជាមួយតំបន់ផ្សេងៗជាច្រើន ជាមួយរបៀបរចនាវិចិត្រនិងច្នៃប្រឌិត។
 សិល្បការិនីដេរប៉ាក់គំនូរ XQ កំពុងព្យាយាមធ្វើសម្រេចនូវស្នាដៃរបស់ខ្លួន។ល។  តាមផ្លូវម្ជុលស្នាមខ្សែសូត្រដើម្បីបង្កើតបានស្នាដៃគំនូរដេរប៉ាក់ល្បីឈ្មោះ XQ។  ផ្ទាំងគំនូរប៉ាក់ពិសេស ពណ៌នាម៉ោងហាត់និងណែនាំកុមារនូវមុខរបរដេរប៉ាក់ប្រពៃណីរបស់វៀតណាម។  ជ្រុងមួយនៃការតាំងបង្ហាញនូវរូបថតនៃអ្នកល្បីឈ្មោះ បានឧទ្ទេសនាមនៅសារមន្ទីរក្នុង ហាងបូរាណ។  ជ្រុងមួយនៃការឧទ្ទេសនាមនូវប្រភេទគំនូរប៉ាក់ XQ ដល់មហាជន។  ជ្រុងមួយនៃការតាំងបង្ហាញនូវអាវផាយនៅក្នុង ហាងបូរាណ។ |
XQ ហាងបូរាណ ជាទីជួបជុំរួមប្រាស្រ័យនូវសកម្មភាពវប្បធម៌ សិល្បៈ និងកម្មវិធីសម្តែងសិល្បៈពិសេសដូចជា៖ សរសេរអក្សរក្បាច់ សូត្រកំណាព្យ សម្តែងឧបករណ៍ជនជាតិ ឧទ្ទេសនាមអាហារភូមិស្រុក។ល។
សហការជាមួយទីកន្លែងទេសចរណ៍ល្បីឈ្មោះផ្សេងៗជាច្រើន XQ ហាងបូរាណ សព្វថ្ងៃជាទីកន្លែងលេងកំសាន្តមួយ ដែលទាក់ទាញនូវដំណើរភ្ញៀវទេសចរណ៍មកទស្សនា និងស្វែងយល់សម្រស់វប្បធម៌និងប្រជាជនដាឡាត ហើយជាទីកន្លែងដែលមានប្រសិទ្ធនាមថា ទីក្រុងរូមែនទិករបស់វៀតណាម៕
អត្ថបទ៖ សើនងៀ រូបថត៖ ង្វៀនឡឹន
