ទីក្រុង APEC ក្បែរទន្ល ហាន (Han)
គ្មានពេលវេលាណាទេ ទីក្រុងដាណាំង (Da Nang) មានអារម្មណ៍រំភើបយ៉ាងខ្លាំង ការរង់ចាំមិនអាចយល់បានដូចសព្វថ្ងៃនេះ។ ពីព្រោះចំពោះប្រជាជនរស់នៅទីក្រុងដាណាំង (Da Nang) សប្តាហ៍កំពូល APEC ឆ្នាំ២០១៧ គឺជាព្រឹត្តិការណ៍អន្តរជាតិធំបំផុត តាំងពីមុនរហូតដល់បច្ចុប្បន្ននេះដែលបានរៀបចំនៅស្រុកកំណើតរបស់គេ។
ក្នុងហាងតូចមួយក្បែរទន្លេហាន (Han) ពោរពេញដោយខ្យល់ អង្គុយជិតខ្ញុំលោកទឹមីញ (Tu Minh) អ្នកនេសាទម្នាក់នៅតំបន់សមុទ្រសើនត្រា (Sơn Tra)។ ពិសាទឹកតែមួយកែវផងនិងមើលឃើញនាឡិកាអេឡិចត្រូនិករាប់ថ្ងៃថយក្រោយសំរាប់អបអរសាទរសប្តាហ៍កំពូល APEC ឆ្នាំ២០១៧ ផ្លឹតផ្លេតនៅលើក្បាលស្ពានឆ្លងទន្លេហាន (Han) ផង។ ហើយលោកបានសួរខ្ញុំ៖ “ តើ APEC រួមមានអ្វី? នរណាក៏បាននិយាយអំពីព្រឹត្តិការណ៍នេះ?” សូរសម្លេងនិយាយប្រើប្រាស់ក្រៀមភាសារបស់ប្រជាជនរស់នៅតំបន់ក្វាង (រួមមានទីក្រុងដាណាំង (Da Nang) ខេត្តក្វាងណាម (Quang Nam)) ពិតជាស្មោះត្រង់ដែលធ្វើឲ្យខ្ញុំញញឹម។
និយាយជាមួយយើងខ្ញុំបន្តិច មិនដឹងថាលោកបានយល់ហើយឬនៅ ប៉ុន្តែលោកមោទនភាពខ្លាំងណាស់ នៅពេលទីក្រុងដាណាំង (Da Nang) ស្រុកកំណើតរបស់លោកនឹងទទួលស្វាគមន៍ថ្នាក់ដឹកនាំនៃបណ្តាប្រទេសធំៗ រួមនឹងមន្ត្រីរាប់ពាន់នាក់បណ្តាញសារព័ត៌មានអន្តរជាតិនឹងអញ្ជើញចូលរួមក្នុងសប្តាហ៍កំពូល APEC ឆ្នាំ២០១៧។
 នាថ្ងៃទី១៥ ខែតុលា ឆ្នាំ២០១៧ លោកនាយករដ្ឋមន្ត្រី ង្វៀនស្វឹនភុក (Nguyen Xuan Phuc) បានកាត់ខ្សែ បូដាក់ឲ្យប្រើប្រាស់វិមានសន្និសីទអន្តរជាតិ Ariyana (ADECC) សំណង់សំខាន់មួយបំរើសប្តាហ៍កំពូល APEC ឆ្នាំ២០១៧។ សំណង់នេះបានកសាងដោយសម្ព័ន្ធក្រុមហ៊ុនSovico សហការជាមួយ Furama Resort ដាណាំង (Da Nang)។ មជ្ឈមណ្ឌលសន្និសីទនិងតាំងពិព័រណ៍ Ariyana ដាណាំង (Da Nang) មាន ២៥០០កៅអី ដែលជា ទីកន្លែងរៀបចំសន្និសីទកំពូលសហគ្រិន APEC មានការចូលរួមរបស់ថ្នាក់ដឹកនាំនៃ ២១ ខឿនសេដ្ឋកិច្ចជាសមាជិក។ រូបថត៖ តឹតសើន  ឆ្នេរសមុទ្រណន់នឿក (Non Nuoc) មានប្រវែង ៥ គីឡូម៉ែត្រ និងមានវាលខ្សាច់ពណ៌សដែលជាទីកន្លែងបានវិនិយោគលើការកសាងសណ្ឋាគារនិង resortរបស់បណ្តាសម្ព័ន្ធក្រុមហ៊ុនល្បីឈ្មោះលើពិភពលោក ដូចជា៖ Furama, Melia, Fusion Maia …រូបថត៖ តឹតសើន  ទីកន្លែងមួយក្នុងមណ្ឌលលំហែកាយ Melia លើឆ្នេរសមុទ្រ នៅខេត្តដាណាំង (Da Nang)។ រូបថត៖ តឹតសើន  អាងហែលទឹកត្រូវបានកសាងយ៉ាងឆើតឆាយនិងទំនើប ក្នុងមណ្ឌលលំហែកាយលំដាប់ផ្កាយ ៥ Furama។ រូបថត៖ កុងដាត |
លោកទឹ (Tu) មោទនភាពជាត្រឹមត្រូវហើយ ពិព្រោះជីវរបស់លោកមិនបានមើលឃើញព្រឹត្តិការណ៍ណាធំជាងព្រឹត្តការណ៍នេះទេ។ មិនមោទនភាពមេ្តចបាន ពីព្រោះលោកឯកអគ្គរដ្ឋទូតអូស្រ្តាលីប្រចាំនៅប្រទេសវៀតណាម Craig Chittick បាននិយាយថា៖ “ នាខែវិច្ឆកានេះ ពិភពលោកទាំងឡាយយកចិត្តទុកដាក់លើខេត្តដាណាំង (Da Nang) នៅពេលថ្នាក់ដឹកនាំ បណ្តារដ្ឋមន្ត្រីនិងបណ្តា CEO មកពី ២១ ខឿនសេដ្ឋកិច្ចនៃ APEC ដែលអញ្ជើញចូលរួមក្នុងសប្តាហ៍កំពូល APEC នៅទីក្រុងនេះ។”
|
សប្តាហ៍កំពូល APEC ឆ្នាំ ២០១៧ នឹងទទួលស្វាគមន៍ថ្នាក់ដឹកនាំនៃ ២១ ខឿនសេដ្ឋកិច្ចជាសមាជិក APEC រួមជាមួយគណៈប្រតិភូ អ្នកតំណាងឲ្យសម្ព័ន្ធក្រុមហ៊ុនធំ ចំនួន ១៥.០០០ នាក់ និងអ្នកយកព័ត៌មានអន្តរជាតិចំនួន ៦.០០០ នាក់។ សប្តាហ៍កំពូល APEC ឆ្នាំ២០១៧ បានចាត់ទុកជាព្រឹត្តការណ៍អន្តរជាតិធំបំផុតរបស់ប្រទេសវៀត ណាម តាំងពី ១០ ឆ្នាំមុនកន្លងមកនេះ ហើយគឺជាព្រឹត្តិការណ៍អន្តរជាតិក្នុងឆ្នាំ២០១៧ ផងដែរ។ ព្រឹត្តការណ៍នេះផ្តល់ឱកាសធំ ដើម្បីឃោសនារូបភាពខេត្តដាណាំង (Da Nang) និយាយដោយឡែកនិងប្រទេសវៀតណាមនិយាយរួម ទៅកាន់ពិភពលោក។ |
មានទីក្រុងដាណាំង (Da Nang) អភិវឌ្ឍន៍ដូចសព្វថ្ងៃនេះ ទីក្រុងបានខិតខំប្រឹងប្រែងដោយស្វិតស្វាញ ក្នុងរយៈពេលរាប់សិបឆ្នាំកន្លងមកនេះ។ ឆ្លងកាត់ឧបសគ្គជាច្រើន ខេត្តដាណាំង (Da Nang) បានបង្កើតសមិទ្ធផលអស្ចារ្យ ក្បែរទន្លេហាន (Han) ហើយទទួលបានកិត្តិនាមដែលគ្មានទីក្រុងណាលើពិភពលោកអាចទទួលបាន។ នេះគឺ“ទីក្រុងគួរឲ្យរស់នៅ”“ទីក្រុងទេសភាពនៅទ្វីបអាស៊ី” “ទីក្រុងរៀបចំព្រឹត្តិការណ៍និងពិធីបុណ្យ” និងនាបច្ចុប្បន្ននេះ“ទីក្រុង APEC”។
ត្រៀមខ្លួនសំរាប់ព្រឹត្តិការណ៍សប្តាហ៍កំពូល APEC ឆ្នាំ២០១៧ ខេត្តដាណាំង (Da Nang) មានការរៀបចំយ៉ាងធំនិងហ្មត់ចត់អំពីប្រភពធនធានមនុស្ស សម្ភារៈ ក៏ដូចជាកម្មវិធី ផែនការរៀបចំ។ ទីក្រុងបានកសាងសំណង់ថ្មីនិងទំនើបជាច្រើន ទ្រង់ទ្រាយធំដូចជា៖ ប្រព័ន្ធគមនាគមន៍ ស្ថានីយ៍ចំណត នៅអាកាសយានដ្ឋានអន្តរជាតិ មជ្ឈមណ្ឌលកាសែតអន្តរជាតិ ប្រព័ន្ធសណ្ឋាគារនិងមជ្ឈមណ្ឌលសន្និសីទ...សំណង់និមួយៗបានផ្ទុកអស់ពីដួងចិត្តនិងមនោសញ្ចេតនារបស់ប្រជាជនខេត្តដាណាំង (Da Nang)។
នាំយើងខ្ញុំមកទស្សនាសំណង់ធំមួយដែលមានទំហំរាប់សិបហិចតា ដើម្បីរៀបចំសំរាប់សប្តាហ៍កំពូល APEC លោកទ្រឿងង៉ុកថាញ (Truong Ngoc Thanh) ទទួលបន្ទុកខាងផ្សព្វផ្សាយរបស់មណ្ឌលលំហែកាយលំដាប់ផ្កាយ ៥ Furama ដ៏ល្បីឈ្មោះលើពិភពលោកបានមោទនភាពឲ្យដឹងថា៖ នៅទីនេះនឹងប្រព្រឹត្តិទៅជិត ៨០% នៃបណ្តាព្រឹត្តិការណ៍សំខាន់ៗ ក្នុងសប្តាហ៍កំពូល APEC ឆ្នាំ២០១៧។ ហេតុនេះ ក្រៅពីបណ្តាអគារបានកសាងរួចហើយ មណ្ឌលលំហែកាយ Furama បានកសាងបន្ថែមមជ្ឈមណ្ឌលសន្និសីទនិងទីកន្លែងតាំងពិព័រណ៍ Ariyana ដាណាំង (Da Nang) (ADECC) ផ្ទុកបានចំនួន ២.៥០០ កៅអី សំរាប់ការរៀបចំសន្និសីទកំពូលសហគ្រិន APEC និងមានការចួលរួមរបស់ ២១ ខឿនសេដ្ឋកិច្ចជាសមាជិក ថែមទាំងវិឡាដ៏ឆើតឆាយនិងទទួលបានស្តង់ដារអន្តរជាតិចំនួន១០០ អគារ ដើម្បីបំរើមន្ត្រីជាន់ខ្ពស់។
 ឆ្នេរសមុទ្រមីឃេ (My Khe) មានប្រវែង ៩០០ ម៉ែត្រ ដែលជាទីកន្លែងបានទស្សនាវដ្តី Forbes ជ្រើសតាំងមួយក្នុងចំណោម ៦ ឆ្នេរសមុទ្រស្អាតល្អបំផុត លើពភពលោក ឆ្នាំ២០០៥។ រូបថត៖ តឹតសើន  ភ្ញៀវទេសចរណ៍លេងជាមួយសត្វព្រាប នៅឧទ្យានបៀនដុង (Bien Dong)។ រូបថត៖ កុងដាត  ហាងកាហ្វេស្ថិតនៅលើដំបូលអគារខ្ពស់ដែលជួយភ្ញៀវទេសចរណ៍ងាយស្រួលគយគន់ទីក្រុង ដាណាំង (Da Nang) នៅពេលរាត្រី។ រូបថត៖ កុងដាត  សងខាងត្រើយទន្លេហាន (Han)ជាទំនើបនិងត្រចះត្រចង់ នៅពេលរាត្រីមកដល់។ រូបថត៖ កុងដាត  Festival បាញ់កាំជ្រួញអន្តរជាតិ DIFF ពិធីបុណ្យធំបំផុត ក្នុងតំបន់អាស៊ីអាគ្នេយ៍ បានរៀចំពីរឆ្នាំ ម្តងដោយទៀតទាត់ នៅទីក្រុងដាណាំង (Da Nang) ។ រូបថត៖ ត្រឹនឡេតឹម /ទីភ្នាក់ងារសារព័ត៌មានវៀតណាម  ភ្ញៀវទេសចរណ៍មកទស្សនាភូមិទេសចរណ៍ដែលបានកសាងតាមស្ថាបត្យកម្មបារាំងលើកំពូល ភ្នំបាណា (Ba Na)ដោយក្រុមហ៊ុនភាគហ៊ុន Sun Group។ រូបថត៖កុងដាត  វាលវាយកូនគោលបាណា (Ba Na) Hills បានកសាងនិងឆ្លើយតបនឹងបច្ចេកវិទ្យាអឺរ៉ុបទទួល ស្តង់ដាររបស់វាលវាយកូនគោលគុណភាពខ្ពស់ លើពិភពលោក។ រូបថត៖ ក្រុមហ៊ុនភាគហ៊ុន Sun Group ផ្កត់ផ្គង់ |
|
មានខេត្តដាំណាង (Da Nang) អភិវឌ្ឍន៍បានដូចសព្វថ្ងៃនេះ ទីក្រុងនេះបានខិតខំប្រឹងប្រែងដ៏ស្វិតស្វាញ ក្នុងរយៈពេលរាប់សិបឆ្នាំកន្លងទៅ។ ឆ្លងកាត់ឧបសគ្គជាច្រើន ខេត្តដាំណាង (Da Nang) បានបង្កើតសមិទ្ធផលអស្ចារ្យមួយ ក្បែរទន្លេហាន (Han) ព្រមទាំងទទួលបានបណ្តាកិត្តិនាមដែលគ្មានទីក្រុងណាលើពិភពលោកអាចទទួលបាន។ |
និយាយជាមួយយើងខ្ញុំ កូនកម្លោះដាំណាំង (Da Nang) ម្នាក់ ទ្រឿងង៉ុកថាញ (Truong Ngoc Thanh) បង្កើតក្នុងទសវត្ស ១៩៨០ ក៏ជឿជាក់យ៉ាងខ្លាំងនាពេលអនាគតរុងរឿង។ ហើយយើងខ្ញុំបានដឹងថា ដូចប៉ុន្មានប្រជាជនក្នុងខេត្តដាណាំង (Da Nang) លោក ថាញ (Thanh) រង់ចាំនិងរាប់ថ្ងៃថយក្រោយសំរាប់ប្រព្រឹត្តិទៅសប្តាហ៍កំពូល Apec ដោយបុកពោះ ពីព្រោះព្រឹត្តការណ៍នេះនឹងគឺចំណុចសំខាន់និងថ្មីក្នុងដំណើរការអភិវឌ្ឍន៍របស់ខេត្តដាណាំង (Da Nang)។
ទីក្រុងតភ្ជាប់នឹងតំបន់បេតិកភណ្ឌ
ខេត្តដាណាំង (Da Nang) បានមិត្តអន្តរជាតិដឹងដូចជាឋានសួគ៍ទេសចរណ៍ដោយឆ្នេរសមុទ្រមីខេ (My Khe) ដែលទស្សនាវដ្តីល្បីឈ្មោះ Forbes (សហរដ្ឋអាមេរិក) ជ្រើសរើសគឺមួយក្នុងចំណោម ៦ ឆ្នេរសមុទ្រស្រស់ស្អាតបំផុតលើពិភពលោក ប្រជុំកោះសើនត្រា (Son Tra) មានព្រៃរក្សាបានស្ថានភាពដើម កេរ្តិ៍ដំណែលល្បីឈ្មោះងូហាញសើន (Ngu Hanh Son) ស័ក្តិសិទ្ធិនិងស្អាតអស្ចារ្យ តំបន់ទេសចរណ៍បាណា Hills(Ba Na Hills) ទីកន្លែងទេសចរណ៍ល្បីឈ្មោះ ចំងាយពីទីក្រុងដាណាំង (Da Nang) ជាង ២០ គីឡូម៉ែត្រ តាមទិសខាងនិរតី និងកម្ពស់ជាង ១៤០០ ម៉ែត្របើសិនប្រៀបនឹងកំរិតកម្ពស់ទឹកសមុទ្រ ថែមទាំងបណ្តាមណ្ឌលលំហែកាយ resort មានគុណភាពខ្ពស់និងទទួលស្តង់ដារអន្តរជាតិ ដូចជា៖ InterContinental Danang Sun Peninsula Resort, Furama Resort Danang, Pullman Danang Beach Resort, Hyatt Regency Danang Resort and Spa…ប្រហែលដូច្នេះ ខេត្តដាណាំង (Da Nang) ធ្លាប់លេចចេញក្នុងបណ្តាទស្សនាវដ្តីទេសចរណ៍និងបណ្តាអង្គការទេសចរណ៍ឈានមុខគេ លើពភពលោក។
ឆ្នាំ២០១៥ ខេត្តដាណាំង (Da Nang) ស្ថិតក្នុង Top ១០ ទីកន្លែងទេសចរណ៍ដ៏ចាប់ចិត្ត និងចំណាយប្រាក់តិចបំផុត លើពិភពលោក បានជ្រើសតាំង ដោយ Skyscanner គេហទំព័រស្វែងរកអំពីទេសចរណ៍ឈានមុខគេ លើពិភពលោក មានទីស្នាក់ការនៅប្រទេសអង់គ្លេស។ ក៏តាមគេហទំព័រ Skyscanner ភ្ញៀវទេសចរណ៍មកខេត្តដាណាំង (Da Nang) មិនអាចរំលងចោលឱកាសមកទស្សនាឆ្នេរសមុទ្រមីខេ (My Khe) ពិសាម្ហូបអាហារឈ្ងុយឆ្ងាញ់ធ្វើពីគ្រឿងសមុទ្រ នៅបណ្តាហាងនៅឆ្នេរសមុទ្រ… នាឆ្នាំ២០១៦ ក្នុងពិធីប្រគល់ពានរង្វាន់ទេសចរណ៍ពិភពលោក (World Travel Awards) ក្នុងទ្វីបអាស៊ីនិងទ្វីបមហាសមុទ្រ ខេត្តដាណាំង (Da Nang) ឈានកាត់មុខ ៨ ទីកន្លែងទេសចរណ៍ឈាមមុខគេ នៅទ្វីបអាស៊ី ដើម្បីទទួលបានកិត្តិនាម “ទីកន្លែងរៀបចំបណ្តាព្រឹត្តិការណ៍ឈានមុខគេ នៅទ្វីបអាស៊ី” (Asia’s Leading Festival and Event Destination)។
 វិមានតំកល់សពស្តេចខាយឌិញ (Khai Dinh) ស្ថិតក្នុងតំបន់កេរ្តិ៍ដំណែលព្រះបរមរាជវាំង ដែលអង្គការ UNESCO ទទួលស្គាល់គឺបេតិកភណ្ឌវប្បធម៌ពិភពលោក ចំងាយពីទីក្រុងដាណាំងប្រហែល ១០០ គីឡូម៉ែត្រ។ រូបថត៖ ឯកសាររបស់កាសែតរូបភាពវៀតណាម  តំបន់ស័ក្តិសិទ្ធិមីសើន (My Son) ក្នុងភូមិសាស្ត្រក្វាងណាម (Quang Nam) អាថ៌កំបាំងរាប់ពាន់ឆ្នាំ ចំងាយពីទីក្រុងដាណាំង (Da Nang) ប្រហែល ៤០ គីឡូម៉ែត្រ។ រូបថត៖ កុងដាត  ខេត្តដាណាំង (Da Nang) ក៏ទទួលផលប្រយោជន៍ជាច្រើនពីបេតិកភណ្ឌពិភបលោកដែលអង្គការ UNESCO ទទួលស្គាល់ ចំងាយមិនឆ្ងាយប៉ុន្មានគឺបេតិកភណ្ឌធម្មជាតិពិភពលោកឧទ្យានជាតិផុងញ៉ា – កែបាង (Phong Nha – Ke Bang) (ខេ្តតក្វាងប៊ិញ) (Quang Binh)។ រូបថត៖ តឹតសើន  ពីខេត្តដាណាំង (Da Nang)ភ្ញៀវទេសចរណ៍អាចមកទស្សនាវិថីបុរាណហ៊ុយអាន (Hoi An) (ខេត្តក្វាងណាម) (Quang Nam) – បេតិកភណ្ឌវប្បធម៌ពិភពលោកត្រូវបានអង្គការ UNESCO ទទួលស្គាល់។ រូបថត៖ ឯកសាររបស់កាសែតរូបភាពវៀតណាម |
|
ឆ្នាំ២០១៦ ក្នុងពិធីប្រគល់ពានរង្វាន់ទេសចរណ៍ពិភពលោក (World Travel Awards) តំបន់អាស៊ីនិងទ្វីបមហាសមុទ្រ ខេត្តដាណាំង (Da Nang) បានឈានកាត់មុខ ៨ ទីកន្លែងទេសចរណ៍ឈានមុខគេ ក្នុងទី្វបអាស៊ី ដើម្បីទទួលកិត្តិនាមគឺ “ទីកន្លែងរៀបចំព្រឹត្តិការណ៍និងពិធីបុណ្យឈានមុខគេ របស់ទ្វីបអាស៊ី” ” (Asia’s Leading Festival and Event Destination)។ |
យ៉ាងហោចណាស់មានទីក្រុងណាលើពិភពលោកមានប្រៀបខ្លាំង ដូចខេត្តដាណាំង (Da Nang) ពីព្រោះក្រៅពីបណ្តាប្រៀបខ្លាំងរបស់ខ្លួន ដាណាំង (Da Nang) ទទួលបានផលប្រយោជន៍ជាច្រើនពីបេតិកភណ្ឌពិភពលោក មិនឆ្ងាយពីខេត្តនេះប៉ុន្មានទេ ដែលអង្គការ ទទួលស្គាល់ UNESCO។ ចាប់ពីខេត្តដាណាំង (Da Nang)ធ្វើដំណើារប្រហែល ២០ គីឡូម៉ែត្រ យើងមកដល់វិថីបុរាណហ៊ុយអាន (Hoi An) និងតំបន់ស័ក្តិសិទ្ធិមីសើន (My Son) អាថ៌កំបាំងរាប់ពាន់ឆ្នាំ។ ធ្វើដំណើរតាមទិសខាងកើតប្រហែល ១០០ គីឡូម៉ែត្រ គឺអតិតរាជរដ្ឋធានីហ្វេ (Hue) បុរាណ …
យើងមិនទាន់រៀបរាប់អំពីបណ្តាកេរ្តិ៍ដំណែល ទេសភាពល្បីឈ្មោះផ្សេងទៀត ស្ថិតជុំវិញខេត្តដាណាំង (Da Nang) ដូចជា៖ កោះគូឡាវចាម (Cu Lao Cham) សមុទ្រគឹវដាយ (Cua Dai) ខេត្តក្វាងណាម (Quang Nam)ចំណោតភ្នំហាយវ៉ឹន (Hai Van) ភ្នំបាចម៉ា (Bach Ma) សមុទ្រឡាំងកូ (Lang Co)បឹងតាមយ៉ាង (បឹងនេះមានទឹកព្រៃក្បែរមាត់សមុទ្រ) (Tam Giang) (ហ្វេ) (Hue) ឧទ្យានជាតិផុងញ៉ា – កែបាង (Phong Nha – Ke Bang) (ខេ្តតក្វាងប៊ិញ) (Quang Binh) មានប្រព័ន្ធរូងថ្មធំអស្ចារ្យបំផុត លើពិភពលោក។
មកទស្សនាខេត្តដាណាំង (Da Nang) ភ្ញៀវមិនត្រឹមតែមានពេលវេលាឈប់សំរាក លេងកម្សាន្តជាអស្ចារ្យ នៅទីក្រុងសមុទ្រស្រស់ស្អាតនេះតែប៉ុណ្ណោះ ថែមទាំងមានឱកាសស្វែងយល់មរតកធំអស្ចារ្យអំពីបេតិកភណ្ឌវប្បធម៌ បេតិកភណ្ឌធនធានធម្មជាតិរបស់មនុស្សជាតិ។ នេះពិតជាឱកាសកម្រមានដែលភ្ញៀវទេសចរណ៍មិនងាយស្រួលរកឃើញ នៅបណ្តាទីក្រុងទេសចរណ៍ផ្សេងទៀតលើពិភពលោក។
ហេតុនេះ សប្តាហ៍កំពូល APEC ឆ្នាំ២០១៧ បានរៀបចំ នាខែវិច្ឆិកាឆាប់ៗនេះគឺជាឱកាសធំមួយ ដើម្បីដាណាំង (Da Nang) បង្ហាញឲ្យពិភពលោកឃើញថា សក្តានុពលរបស់ទីក្រុងដែលចាត់ទូកដូចជាច្រកទ្វារចេញចូលសំខាន់ៗ សំរាប់វិស័យទេសចរណ៍និងការវិនិយោគ។ នេះក៏ជាក្តីសុបិនដែលជំរុញខេត្តដាណាំង (Da Nang) កាន់តែអភិវឌ្ឍន៍ សំដៅសមស្របនឹងទីក្រុងទេសចរណ៍ឈានមុខគេ លើពិភពលោក./.
អត្ថបទ៖ ថាញហ័រ រូបថត៖ តឹតសើន កុងដាត ត្រឹនឡេឡឹម
និងឯកសាររបស់កាសែតរូបភាពវៀតណាម
