តាមគ្រូគុនហូតឿង (Ho Tuong) ប្រធានបក្សគុនតឹនខាញ់ - បាត្រា (Tan Khanh – Ba Tra) មានច្រើនស្នៀតគុនពិសេសបានប្រសូតចេញពីការត្រាបតាមសត្វក្នុងជីវភាពរស់នៅ ជាពិសេស គឺសត្វទាំង១២ នៅតាមប្រតិទិនអាស៊ីអាគ្នេយ៍ ដូចជា ក្បាច់គីមកេដុកឡឹប (Kim ke doc lap) (មាន់មាសឈរជើងម្នាង) ក្បាច់ហុងកេ (Hung ke) (ក្បាច់គុនមាន់គោក) ឬសាវៀន (Xa quyen) ក្បាច់បាច់សាឡាងលូ (Bach xa lang lo) (ក្បាច់ង៉ុកត្រាន - Ngoc tran) ក្បាច់ខ្លាក្រាប ក្បាច់ឆ្មាក្រញាំ...។ល។ លំដាប់ក្បាច់គុននោះ ក្បាច់គុនសុនកត្រាបតាមកាយវិការសុនក ខ្លាំងបំផុតគឺស្នៀតវាយប្រហារ ឬហៅថាស្នៀតឆ្កែខាំ តែងវាយប្រហារចំកន្លែងសំខាន់ចាប់ពីពោះចុះមកខាងក្រោម ជាទីកន្លែងដែលបានការពារតិចបំផុត តែងវាយប្រហារចំ ពោះ ជើង ធ្វើឲ្យដៃគូត្រូវបានបង្រ្កាបយ៉ាងឆាប់រហ័ស។
 ស្នៀត “ត័រចឺវកុងតឹត” (Toa chuu cong tat) - អង្គុយយកដៃម្ខាងរងការវាយប្រហាររបស់ដៃគូ ដៃម្ខាងវាយតបដោយប្រើកែងវាយចំជើងស្នូលរបស់ដៃគូ។  ស្នៀត “ហាបាងឡុងកឿក” (Ha bang long cuoc) - ស្នៀតធាក់ទទឹងចូលជើងដៃគូ។  ស្នៀត “ង្វ័រឌៀឡុងថាំង” (Ngoa dia long thang) - ស្នៀតដេកភ្ងា វាយតបដៃគូដោយស្នៀតទាត់បកឡើងលើ។  ស្នៀត “ស៊ុងកឿកងិចកិច” (Song cuoc nghich kich) - ជើងទាំងពីរទាត់ត្រឡប់ទៅក្រោយ វាយប្រហារចំកន្លែងទាបនៃរាងកាយដៃគូ។  ស្នៀត “ស៊ុងត្រាវហៀនដាវ” (Song trao hien dao) - ស្នៀតបត់ជង្គង់ប្រើដៃទាំងពីរវាយតប ដោយម្រាមដៃបត់ចូលទាំង៥ ដូចទេវតាជូនផ្លែផល្លា។  ស្នៀត “ងូជីកុងហា” (Ngu chi cong ha) - ម្រាមដៃទាំងប្រាំវាយចំលិង្គដៃគូ ដៃម្ខាងរងស្នៀត។  សិស្សគណ ត្រឹនវ៉ាន់ត្វឹន (Tran Van Tuan) ក្នុងបក្សគុនតឹនខាញ់ - បាត្រា (Tan Khanh – Ba Tra) ជាបក្សគុនមួយក្នុងចំណោមបក្សគុនកម្រមានសព្វថ្ងៃ ដែលហាត់ស្ទាត់ជំនាញក្បាច់គុនសុនក។.  ស្នៀត “ដុកតេវកឿក” (Doc Tieu cuoc) - ស្នៀតទាត់ដោយប្រើកែងជើង និងបាទជើង វាយប្រហារចំលិង្គដៃគូ តាំងពីទំរេតរហូតដួលចុះក្រោម។ |
ក្បាច់គុនសុនកហាត់កត្តាទាំងបួនជាសំខាន់៖ ក្បាច់វាយមានទម្ងន់ ស្នៀតវាយរហ័សខ្លាំង ក្បាច់គុនបោះជំហានដើរត្រង់ រហ័សរហួន និងលោតដេកដួលប្រែក្រឡាស់មិនឈប់ឈរ។ អ្នករៀនក្បាច់គុនសុនក ត្រូវហាត់នូវស្នៀតជំនួយដូចជា ហក់លោត កាយវិការបង្វិលទៅមក ឆ្វេងស្តាំ ហាត់ស្នៀតកែង ខ្នងដៃ ខ្នងជើង កែងជើង ក្បាលជង្គង់ឲ្យមាំមួន។
ពេលវាយប្រហារដៃគូ ដៃទាំងគូត្រូវមាំខ្លាំង ទើបមានប្រសិទ្ធភាពខ្ពស់ ជើងទាំងគូរស់រវើក ដើម្បីបោះជំហានទៅមក ថយក្រោយ គេច ឬវាយប្រហារទៅលើទីកន្លែងទាប ដែលដៃគូមិនអាចប៉ានស្មាន់បានដូចជា៖ ពោះ ជើង លិង្គ ជាទីកន្លែងដែលដៃគូមិនស្រូវយកចិត្តទុកដាក់ការពារ។ ស្នៀតវាយប្រហារដ៍ចម្លែក ដូចសុនកស្ទុះទៅខាំមនុស្ស ប៉ុន្តែបែរជាបង្កប់ស្នៀតវាយគ្រោះថ្នាក់ នាំមកប្រសិទ្ធភាពបង្កររងរបួសខ្ពស់។
ម្ប៉ាងវិញទៀត ដោយសារស្នៀតក្បាច់គុនសុនកជំនាញវាយផ្នែកត្រឹមដងខ្លួនចុះមកខាងក្រោម ទោះបីយ៉ាងណាបើដៃគូដឹងជាមុន និងម្ចាស់ការការពារដោយរបៀបបង្កើតចន្លោះពីអ្នកប្រើក្បាច់គុនសុនក មិនឲ្យចូលទៅជិតខ្លួន នឹងពិបាកវាយប្រហារសម្រេច។ អ្នកប្រយុទ្ធបទពិសោធន៍ នឹងស្វែងរកស្នៀតទប់ទាល់ជាមុន ប្រែក្រឡាស់គ្រប់ជំពួក ទើបមានប្រសិទ្ធភាពនាពេលប្រយុទ្ធ។.
 ស្នៀត “ត័រចឺវកុងតឹត” (Toa chuu cong tat) - អង្គុយយកដៃម្ខាងរងការវាយប្រហាររបស់ដៃគូ ដៃម្ខាងវាយតបដោយប្រើកែងវាយចំជើងស្នូលរបស់ដៃគូ។  ស្នៀត “ហាបាងឡុងកឿក” (Ha bang long cuoc) - ស្នៀតធាក់ទទឹងចំជើងដៃគូ ប្រើក្នុងការប្រយុទ្ធជាក់ស្តែង។  ស្នៀត “ង៉ូត្រាវកុងហា” (Ngu trao cong ha) - ប្រើម្រាមដៃទាំងប្រាំ វាយតបចំលិង្គដៃគូ។  ប្រើជើងទាំងពីរ គាបជើងដៃគូ ខណៈពេលប្រើក្បាច់គុនសុនកកំពុងដេកទាបនឹងដី។  ស្នៀត “ឡុងកិចដិញកឿក” (Long kich Dinh cuoc) - អ្នកការពារខ្លួនប្រើស្នៀតធាក់ទទឹង ដើម្បីរងស្នៀតទាត់របស់ដៃគូ។  ស្នៀត “ងូជីកុងហា” (Ngu Chi cong ha) - ម្រាមដៃទាំងប្រាំវាយតបចំលិង្គដៃគូ ដៃម្នាងរងស្នៀតវាយរបស់ដៃគូ។  ស្នៀត “កិនតេវត្រឹកកឿក” (kin tieu truc cuoc) - ទាត់ចំពីមុខ ដោយប្រើកែងជើង ធាក់ដៃគូឃ្លាត់ចេញឆ្ងាយ។  ស្នៀត “តាវដៀកិចកឿក” (Tao dia kich cuoc) - ស្នៀតវាយប្រហារដោយគ្រវៀសជើងទៅលើជើងដៃគូ។  ស្នៀត “ស៊ុងទុកខ្វ័រកឿក” (Song tuc khoa cuoc) - ប្រើជើងទាំងពីរគាបនិងកាច់ជើងធ្វើឲ្យដៃគូឈឺចាប់។  អ្នកប្រើក្បាច់គុនសុនកត្រូវមានស្នៀតវាយរហ័សខ្លាំង វាយប្រហារដោយជើងទើបមានប្រសិទ្ធភាព។ |
ចំណុចពិសេសក្បាច់គុនសុនក គឺបង្កប់ស្នៀតគ្រោះថ្នាក់ច្រើន បានកត់ត្រាចូលក្បាច់គុនពិសេសរបស់បក្សគុន ហេតុនោះហើយមិនបានផ្សាយចេញជាទូទៅ។ សព្វថ្ងៃ សិស្សគណមានលក្ខណៈសម្បត្តិមួយចំនួន ក្នុងបក្សគុនតឹនខាញ់ - បាត្រា (Tan Khanh – Ba Tra) បានគ្រូគុនហូតឿង (Ho Tuong) បង្ហាត់ អាចរៀបរាប់បានដូចជា៖ គ្រូគុនត្រឹនវ៉ាន់ត្វឹន (Tran Van Tuan) ង្វៀនត្រុងណាម (Nguyen Trung Nam) ង្វៀនវ៉ានថាំង (Nguyen Van Thang) ង្វៀនត្រឹនដាំងខ្វ័រ (Nguyen Tran Dang Khoi) ៕
អត្ថបទ៖ សើនងៀ រូបថត៖ ង្វៀនឡឹន
