តាមលោកនាយករដ្ឋមន្ត្រី ង្វៀនតឹនយុង៖ ការចូលរួម TPP និង FTA ជំនាន់ថ្មីនេះ ទន្ទឹមនឹងឱកាស និងភាពងាយស្រួលជាច្រើន ក៏ប៉ុន្តែប្រទេសវៀតណាមនឹងប្រឈមមុខឧបសគ្គនិងការលំបាកជាច្រើនដែរ។ នោះគឺជា ការប្រកួតប្រជែងនឹងកើតឡើងយ៉ាងប្តូរផ្តាច់ ហើយមិនត្រឹមតែនៅក្នុងទីផ្សាររបស់បណ្តាប្រទេសចូលរួមកិច្ចព្រមព្រៀងទេ ថែមទាំងនៅក្នុងទីផ្សារបស់ប្រទេសខ្លួនឯងទៀតផងហើយនិងស្ថិតលើកំរិតទាំងបីគឺ៖ ផលិតផល សហគ្រាស និងប្រទេស ជាពិសេសគឺការប្រកួតប្រជែងអំពីគុណភាពនៃរបបនយោបាយនិងបរិយាកាសធ្វើអាជីកកម្ម។
ប្រឈមមុខនឹងសម្ពាធពីការប្រកួតប្រជែង សហគ្រាសមួយចំនួនក្រោយពេលផ្លាស់ប្តូរនិងរៀបចំរចនាសម្ព័ន្ធឡើងវិញ បើសិនជាមិនមានការរីកចំរើនអាចត្រូវរំលាយឬប្រកាសក្ស័យធន ពលករមួយចំនួននឹងបាត់បង់ការងារ តំបន់កសិកម្មនិងកសិករងាយរងគ្រោះ គម្លាតរវាងអ្នកក្រនិងអ្នកមានកាន់តែឆ្ងាយ បើសិនជាយើងមិនអនុវត្តន៍អោយមានប្រសិទ្ធិភាពនូវយុទ្ធសាស្រ្តអភិវឌ្ឍន៍យ៉ាងឆាប់រហ័ស រឹងមាំនិងធានាអោយប្រជាពលរដ្ឋទាំងមូលបានទទួលសមិទ្ធផលពីកំណើនសេដ្ឋកិច្ច។
ប្រឈមមុខនឹងឧបសគ្គអំពីការអនុវត្តន៍ក៏ជាបញ្ហាធំមួយដែរ ចាប់ពីការធ្វើឲ្យសុក្រិតប្រព័ន្ធច្បាប់ដល់ការបណ្តុះបណ្តាលធនធានមនុស្ស លើកកំពស់លទ្ធភាពកម្មាភិបាល បុគ្គលិក អ្នកជំនាញបច្ចេកទេសនិងគតិយុត្ត។ ខ្លឹមសារអំពីពលកម្ម - សហជីពក៏ប្រឈមមុខនឹងឧបសគ្គជាច្រើន និងតម្រូវការថ្មីក្នុងសកម្មភាពរបស់អគ្គសម្ពន្ធពលកម្មវៀតណាមនិងប្រព័ន្ធនយោបាយរបស់ប្រទេសយើងផងដេរ។
រដ្ឋមន្រ្តីក្រសួងពាណិជ្ជកម្មនិងសេដ្ឋកិច្ចទាំង ១២ ប្រទេសជាសមាជិក ដែលចូលរួមកិច្ចព្រមព្រៀងដៃគូរអន្តរប៉ាស៊ីហ្វិក (TPP)ចូលរួមពិធីចុះហត្ថលេខា បញ្ចប់ទាំងស្រុងលើដំណើរការកិច្ចចរចារកិច្ចព្រមព្រៀងដៃគូរអន្តរប៉ាស៊ីហ្វិក (TPP) នៅប្រទេសនូវែលសេឡង់។ AFP/ទីភ្នាក់ងារសារព័ត៌មានវៀតណាម លោកនាយករដ្ឋមន្ត្រីង្វៀនតឹនយុងអញ្ជើញជាអធិបតីភាពក្នុងកិច្ចប្រជុំរៀបចំរចនាសម្ព័ន្ធសហគ្រាសរដ្ឋឡើងវិញ។ រូបថត៖ដឹកតាម / ទីភ្នាក់ងារសារព័ត៌មានវៀតណាម ពិធីចុះហត្ថលេខារវាងបណ្តាក្រសួង ស្ថាប័នអំពីការត្រួតពិនិត្យនូវការអនុវត្តរាល់ភារកិច្ច ដំណោះស្រាយដ៏សំខាន់ៗដើម្បីកែលម្អបរិយាកាសធ្វើអាជីវកម្ម។ រូបថត៖អានដឹង / ទីភ្នាក់ងារសារព័ត៌មានវៀតណាម វៀតណាមត្រូវការជំរុញការកសាងនិងបំពេញបន្ថែមប្រព័ន្ធច្បាប់ និងគោលនយោបាយដើម្បីបង្កើតបរិយាកាសធ្វើអាជីវកម្មដ៏តម្លាភាព។ រូបថត៖ទីភ្នាក់ងារសារព័ត៌មានវៀតណាម |
ដើម្បីទាញយកផលប្រយោជន៍ពីឱកាសអំណោយផល និងឆ្លងកាត់ការលំបាកនិងឧបសគ្គ លោកនាយករដ្ឋមន្ត្រី ង្វៀនតឹនយុងបានអោយដឹងថា តម្រូវការដ៏ចាំបាច់នាបច្ចុប្បន្ននេះគឺត្រូវលើកកម្ពស់លទ្ធភាពប្រកួតប្រជែងរបស់ខឿនសេដ្ឋកិច្ចទាំងមូល។ ក្នុងនោះត្រូវកំណត់អោយបានច្បាស់នូវតួនាទីនិងធ្វើសកម្មភាពរបស់បណ្តាអង្គភាពក្នុងការអនុវត្តន៍ភារកិច្ច ដែលមានអត្ថន័យសំខាន់នេះ។
តាមលោកនាយករដ្ឋមន្ត្រី ៖ សហគ្រាសដើរតួនាទីជាស្នូលក្នុងការសម្រេចកម្លាំងប្រកួតប្រជែងមីក្រូ ឆ្លុះបញ្ជាំងកម្លាំងនិងលទ្ធភាពប្រកួតប្រជែងនៃខឿនសេដ្ឋកិច្ច។ ហេតុនេះ“សហគ្រាសត្រូវទទួលយកការប្រកួតប្រជែងនិងត្រូវម្ចាស់ការ និងឆ្នៃប្រឌិតក្នុងការអនុវត្តន៍ប្រកបដោយព្រមៗ គ្នា និងប្តូរផ្តាច់ចំពោះរាល់ដំណោះស្រាយ ដើម្បីបង្កើនកម្លាំងប្រកួតប្រជែងរបស់ទំនិញ សេវាកម្ម ដែលពួកគេផ្គត់ផ្គង់ មានគំនិតមិនត្រឹមតែកំណត់នៅទីផ្សារក្នុងស្រុកតែប៉ុណ្ណោះ ថែមទាំងឈានទៅទីផ្សារនៅក្នុងតំបន់និងពិភពលោកផងដែរ”។ លោកនាយករដ្ឋមន្ត្រីបានសង្កត់ធ្ងន់ដូច្នេះ។
ប៉ុន្តែតាមលោកនាយយករដ្ឋមន្ត្រី សហគ្រាសមិនអាចសម្រេចទាំងអស់ដោយខ្លួនឯងបានទេ។ សហគ្រាសត្រូវតែធ្វើសកម្មភាពក្នុងក្របខ័ណ្ឌរបបយោបាយនិងបរិយាកាសធ្វើអាជីវកម្ម ដែលបានកំណត់ហើយ។ ចំណុចនេះត្រូវពឹងផ្អែតទៅលើរដ្ឋ។ ដូច្នេះរដ្ឋត្រូវអនុវត្តន៍បានល្អនូវមុខងារឆ្នៃប្រឌិតនិងអភិវឌ្ឍន៍ ជាពិសេសគឺរក្សាស្ថេរភាពសេដ្ឋកិច្ចមីក្រូ កសាងប្រព័ន្ធច្បាប់ គោលនយោបាយ យុទ្ធសាស្រ្ត រៀបចំនិងចាត់តាំងក្បាល់ម៉ាស៊ីនគ្រប់គ្រង ដើម្បីបង្កើតបរិយាកាសធ្វើអាជីវកម្មមានតម្លាភាព ធានាសិទ្ធសេរីធ្វើអាជីវកម្មនិងការប្រកួតប្រជែងមានសមភាព។
ដូច្នេះ តាមលោកនាយករដ្ឋមន្ត្រីង្វៀនតឹនយុង យើងត្រូវការបំពេញបន្ថែមរបបយោបាយ ប្រព័ន្ធច្បាប់យ៉ាងឆាប់រហ័ស ដើម្បីឆ្លើយតបនឹងតម្រូវការរបស់សេដ្ឋកិច្ចទីផ្សារ ទំនើប សមាហរណកម្មអន្តរជាតិនិងសន្យាក្នុងបណ្តាកិច្ចព្រមព្រៀង FTA ជាពិសេសគឺ FTA ជំនាន់ថ្មី ដោយស្មារតីផ្លាស់បប្តូរលើគ្រប់វិស័យ និងព្រមៗគ្នារទាំងសេដ្ឋកិច្ចនិងនយោបាយ។
ទន្ទឹមនឹងនោះ ដោយសារ TPP ក៏ដូចជា FTA ជាមួយ EU តម្រូវឲ្យសហគ្រាសរដ្ឋត្រូវតែបើកចំហ ធ្វើសកម្មភាពមានតម្លាភាព និងការប្រកូតប្រជែងមានសមភាពជាមួយសហគ្រាស ដែលមានសមាសភាពសេដ្ឋកិច្ចផ្សេងៗទៀត។ ហេតុនេះយើងត្រូវតែជំរុញដំណើរការកែទម្រង់រចនាសម្ព័ន្ធឡើងវិញ លើកកំពស់គុណភាពរបស់សហគ្រាសរដ្ឋ ព្រមទាំងលើកទឹកចិត្តការរីកចំរើនរបស់សហគ្រាសវៀតណាម ជាពិសេសគឺសហគ្រាសឯកជនធ្វើជាកម្លាំងចិត្តលើកកម្ពស់កម្លាំងប្រកូតប្រជែងនិងលក្ខណៈជាម្ចាស់របស់ខឿនសេដ្ឋកិច្ច។
វៀតណាមសង្សឹមថាវិស័យវាយនភណ្ឌនិងស្បែកជើងនឹងទទួលបានផលប្រយោជន៏ជាច្រើន នៅពេលវៀតណាមចូលរួម TPP។ រូបថត៖ត្រឹមវៀត/ទីភ្នាក់ងារសារព័ត៌មានវៀតណាម វិស័យកសិកម្មបានព្យាករណ៍នឹងប្រឈមមុខនឹងការលំបាកជាច្រើន បើសិនជាគ្មានការផ្លាស់ប្តូររបៀបផលិតទៅតាមការបង្កើតបណ្តាតំបន់ផលិតទំនិញធំៗនិងខឿនកសិកម្មស្អាត។ រូបថត៖យុយខឿង/ទីភ្នាក់ងារសារព័ត៌មានវៀតណាម TPP ជាទីផ្សារសំខាន់ ស្រូបយកជិត៤០%នៃបរិមាណជលផលនាំចេញរបស់វៀតណាម រូបថត៖អានហៀវ /ទីភ្នាក់ងារសារព័ត៌មានវៀតណាម លើកទឹកចិត្តការអភិវឌ្ឍន៍អោយបានខ្លាំងក្លានូវប្រភេទសហគ្រាសឯកជន ដើម្បីធ្វើជាកំលាំងលើកម្ពស់ការប្រកួតប្រជែងនិងលក្ខណៈជាម្ចាស់របស់ខឿនសេដ្ឋកិច្ច។ រូបថត៖ទីភ្នាក់ងារសារព័ត៌មានវៀតណាម ចូលរូម TPP សហគ្រាសវៀតណាមត្រូវតែផ្លាស់ប្តូរថ្មីបច្ចេកវិទ្យា ដើម្បីចូលរួមយ៉ាងឆាប់រហ័សនឹងបណ្តាញផលិតម្មនិងប្រព័ន្ធតំលៃសកលលោក។ រូបថត៖ទីភ្នាក់ងារសារព័ត៌មានវៀតណាម |
បញ្ចប់អត្ថបទនេះលោកនាយករដ្ឋមន្ត្រីបានសង្កត់ធ្ងន់ថា៖ “ដើម្បីធានាការជោគជ័យក្នុងសមាហរណកម្មអន្តរជាតិ និងអនុវត្តមានប្រសិទ្ធិភាពបណ្តា FTA ជាពិសេសគឺTPP និង FTA វៀតណាម - EU មុនគេបង្អស់គឺត្រូវការមានសេចក្តីសម្រេចចិត្តរបស់បក្ស រដ្ឋសភា និងកម្មវិធីប្រតិបត្តិការដ៏ជាក់ស្តែងរបស់រដ្ឋាភិបាល ស្ថាប័ន គ្រប់ជាន់ថ្នាក់ និងសហគមន៏សហគ្រាស”។ ត្រូវធ្វើអោយបានល្អការងារផ្សព្វផ្សាយព័ត៌មាន បង្កើតឯកភាពគ្នារក្នុងការយល់ដឹង ឯកភាពគ្នាក្នុងការធ្វើសកម្មភាព ខិតខំប្រឹងប្រែងលើកកំពស់លទ្ធភាពប្រកួតប្រជែង លើកខឿនសេដ្ឋកិច្ចរបស់ប្រទេសយើងមានការរីកចំរើនយ៉ាងឆាប់រហ័សនិងរឹងមាំ./.
នាថ្ងៃទី៤ ខែកុម្ភៈ ឆ្នាំ២០១៦ កិច្ចព្រមព្រៀងដៃគូអន្តរប៉ាស៊ីហ្វិក(TPP)បានចុះ ហត្ថលេខារវាង១២ ប្រទេសរួមមាន៖ អូស្ត្រាលី ប្រ៊ុយណេ កាណាដា ឈីលី ជប៉ុន ម៉ាឡេស៊ី ម៉ិកស៊ិច នូវែលហ្សេឡង់ ប៉េរូ សឹង្ហបុរី អាមេរិក និង វៀតណាម មានទំហំសេដ្ឋកិច្ចស្មើ ៤០% GDP (បរិមាណជាង ២០ ពាន់ ពាន់លានដុល្លារអាមេរិក) និងស្មើ ៣០% ពាណិជ្ជកម្មពិភពលោក។ ហេតុនេះ រួមជាមួយ TPP, FTA និង EU និងបណ្តា FTA ដែលបានចុះហត្ថលេខា ឬ កំពុងក្នុងដំណើរការចរចារ នៅខាងមុខនេះ វៀតណាមនឹងមានទំនាក់ទំនងពាណិជ្ជកម្មសេរីជាមួយ ៥៥ ប្រទេស ក្នុងនោះមាន ១៥ ប្រទេសក្នុងក្រុម G20។ |