• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

កិច្ចប្រជុំថ្នាក់រដ្ឋមន្រ្តីអាស៊ាន-អូស្រ្តាលីពិសេស ស្តីពី COVID-19 តាមរយៈប្រព័ន្ធវីដេអូ


 អនុរដ្ឋមន្រ្តីការបរទេស លោក Nguyen Quoc Dung អញ្ជើញថ្លែងក្នុងកិច្ចប្រជុំ
 

កិច្ច​ប្រជុំថ្នាក់រដ្ឋមន្រ្តីអាស៊ាន - អូស្រ្តាលីពិសេសស្តីពី COVID-19 បានធ្វើឡើងនាថ្ងៃទី ៣០ ខែមិថុនា តាម​រយៈ​ប្រព័​ន្ធ​វីដេអូ ដោយមានការចូលរួមពីរដ្ឋមន្ត្រីការបរទេសអាស៊ាននិងរដ្ឋមន្ត្រីការបរទេសអូស្ត្រាលី។ អនុ​រដ្ឋ​មន្រ្តីការ​បរទេសវៀតណាម ប្រធាន SOM អាស៊ានវៀតណាមបានតំណាង​ឱ្យវៀតណាម ក្នុងនាម​ជាប្រធាន​អាស៊ាន​ អញ្ជើញចូលរួមកិច្ចប្រជុំនេះ។
 
នៅក្នុង​កិច្ចប្រជុំ ភាគីទាំងពីរបានឯកភាពគ្នា ជំរុញការចែករំលែកព័ត៌មាននិងបទពិសោធន៍ ក៏ដូចជា លើកកម្ពស់​សមត្ថភាពក្នុងឆ្លើយតបជំងឺរាតត្បាតប្រកបដោយប្រសិទ្ធភាព ជាពិសេស សម្របសម្រួលយ៉ាង​ជិត​ស្និទ្ធ​ក្នុង​កិច្ចខិតខំប្រឹងប្រែងស្រាវជ្រាវនិងផលិតវ៉ាក់សាំង បង្ការ COVID-19 រួមទាំងថ្នាំព្យាបាលផងដែរ។ ភាគីទាំង​ពីរ​ក៏បានបញ្ជាក់សារជាថ្មីនូវការប្តេជ្ញាចិត្តរបស់ខ្លួនក្នុងការគាំទ្រដល់ពលរដ្ឋរបស់ប្រទេសនីមួយៗ ដែលរងផ​ល​ប៉ះពាល់ដោយជំងឺរាតត្បាត និងបង្កលក្ខណៈងាយស្រួលដល់ការធ្វើមាតុភូមិនិវត្តន៍ ប្រសិនបើ​ពល​រដ្ឋ​ទាំង​នេះមានតម្រូវការនិងក្នុងលក្ខខណ្ឌសមស្រប។ ក្នុងឱកាសនេះ អូស្ត្រាលី​បាន​ប្រកាស​នូវគំនិត​ផ្តួច​ផ្តើម​មួយ​ចំនួន ដូចជាគំនិតផ្តួចផ្តើមអាស៊ាន - អូស្ត្រាលីស្តីពីសន្តិសុខសុខាភិបាល កិច្ចសហប្រតិបត្តិការនយោបាយ សន្តិសុខ​អាស៊ាន - អូស្ត្រាលី និងការផ្តល់អាហារូបករណ៍ផ្នែកវេជ្ជសាស្រ្តបន្ថែមសម្រាប់ប្រទេសអាស៊ាន ព្រម​ទាំង​ការផ្តល់​ជំនួយមាន​តម្លៃ ២៨០ លានដុល្លារអូស្រ្តាលី សម្រាប់បណ្តាប្រទេសអាស៊ានប្រឆាំងនឹងជំងឺឆ្លងរាលដាល ផងដែរ។
 ​
អញ្ជើញ​ថ្លែងក្នុងនាមវៀតណាមជាប្រធានអាស៊ាន អនុរដ្ឋមន្រ្តីការបរទេស លោក Nguyen Quoc Dung បានសង្កត់​ធ្ងន់​ថា អាស៊ាននិងអូស្រ្តាលីចាំបាច់ត្រូវប្រុងប្រយ័ត្ន ចំពោះរលកទី២នៃការឆ្លងរាលដាលដំងឺរាត ត្បាត​។ ទន្ទឹមជាមួយគ្នានេះ ផ្តោតការយកចិត្តទុកដាក់​ក្នុងការ​ធានាសិទ្ធិ និង​ការប្រ​ព្រឹត្ដ​សមភាព​ជាមួយពល​រដ្ឋ​នៃប​ណ្តាប្រទេសអាស៊ាននៅអូស្ត្រាលី និងលើកកម្ពស់កិច្ចសហប្រតិបត្តិការដើម្បីកាត់បន្ថយ ផល​ប៉ះពាល់​សេដ្ឋកិច្ច​សង្គមបណ្តាល​ពីជំងឺឆ្លង ដើម្បីឆ្ពោះទៅរកស្តារខឿនសេដ្ឋកិច្ចឡើងវិញ ប្រកបដោយចីរភាព៕

 

តាម VOV5 - វិទ្យុសំឡេងវៀតណាម
 

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

នាព្រឹកថ្ងៃទី២៧ ខែមីនា ឆ្នាំ២០២៤ នៅឯវិមានរដ្ឋសភា (ហាណូយ) ប្រធានរដ្ឋសភាវៀតណាមលោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand ប្រធានអនុគណៈកម្មការទទួលបន្ទុកការគំរាមកំហែងដែលកំពុងកើតមាន គណៈកម្មការកិច្ចការយោធានៃព្រឹទ្ធសភាអាមេរិក ជាមួយគណៈប្រតិភូសមាជិកសភា តំណាងគណៈបក្សនយោបាយនិងបណ្តារដ្ឋនៅអាមេរិក ដែលកំពុងបំពេញទស្សនកិច្ចការងារនៅវៀតណាម។

Top