Parkour ជាប្រភេទកីឡាដ៏គ្រោះថ្នាក់ មានប្រភពពីបរទេស តែងប្រើកាយវិការចលនាដ៏ប៉ិនប្រសប់ ដើម្បីឆ្លងកាត់ស្ថានភាពដែលពិបាកៗ។ Parkour បានជ្រាបចូលប្រទេសវៀតណាមនៅឆ្នាំ២០០៧, តាមរយៈវិដេអូClip ដែលបង្ហោះលើគេហទំព័រ Youtub។ មកដល់សព្វថ្ងៃនេះ វាក្លាយជាប្រភេទកីឡាមួយដែលពេញនិយមក្នុងមជ្ឈដ្ឋានយុវវ័យនៅទីក្រុងយ៉ាងឆាប់រហ័ស។ ហេតុដូច្នេះ ប្រសិនបើមានឱកាសធ្វើដំណើរកាត់សួនច្បារ ទីលានរំអិល ឬផ្ទះល្វែងខ្ពស់ៗមួយចំនួន ក្នុងរដ្ឋធានីហាណូយនៅពេលរសៀល យើងនឹងអាចជួបប្រទះឃើញមិត្តយុវវ័យលេង Parkour កំពុងបញ្ចេញក្បាច់លោតពីផ្ទះមួយឆ្លងទៅកាន់ផ្ទះមួយផ្សេងទៀត ឬតោងច្បាមឡើងជញ្ជាំងថ្មដោយចលនាស៊ីចង្វាក់ យ៉ាងសង្ហារដូចជាក្បាច់រាំដ៏អស្ចារ្យ។
តំបន់ផ្ទះថ្មចាស់ដែលត្រូវគេបោះបង់ចោល ជាទីកន្លែងហ្វឹកហាត់ដ៏ប្រសើររបស់អ្នកលេង Parkour។
Parkour ជាប្រភេទកីឡាដ៏គ្រោះថ្នាក់ ទាមទារឲ្យអ្នកហ្វឹកហាត់មានសុខភាពល្អនិងទេព្យកោសល្យពិសេស។
ហ្វឹកហាត់ជំហានមូលដ្ឋានដើម្បីលើកកម្ពស់កម្លាំងកាយនិងស្វាហាប់។
សមាជិកចាស់ណែនាំអ្នកទើបចូលលេងថ្មីនូវបច្ចេកទេសមូលដ្ឋាន។
ដោយសារត្រូវរត់ លោត និងតោងច្បាមច្រើនទើបស្បែកជើងរបស់អ្នកលេង Parkourខូចយ៉ាងឆាប់រហ័ស។
ហ្វឹកហាត់សមត្ថភាពដើររត់ឥតឈប់នៅលើជញ្ជាំងខ្ពស់។
|
ខុសពីប្រភេទកីឡាផ្សេងមួយចំនួន Parkour មិនទាមទារបង់ខាតប្រាក់ចំណាយ ពីឧបករណ៍ហ្វឹកហាត់គឺគ្រាន់តែត្រូវការស្បែកជើងកីឡាស្រាលមួយគូ, ស្វិត, មានភាពច្បាមល្អគឺគ្រប់គ្រាន់ហើយ។ ហើយ Parkour អាចលេងនៅទីកន្លែងណាក៏បាន, ជាពិសេសគឺតំបន់ល្វែងផ្ទះថ្មខ្ពស់ដែល ត្រូវគេបោះបង់ចោល, ជាទីកន្លែងដ៏ប្រសើរសំរាប់អ្នកលេង Parkour ជ្រើសរើសដើម្បីហ្វឹកហាត់។ Parkour ពីមួយថ្ងៃទៅមួយថ្ងៃកាន់តែទាក់ទាញបានមិត្តយុវវ័យ, ដោយសារវាមានភាពលាយចម្រុះ នៃប្រភេទកីឡាផ្សេងៗជាច្រើនដូចជា៖ ក្បាច់គុន, របាំ, hip hop, breakdance, កាយសម្ព័ន្ធ...។
មិត្តង្វៀនខាញ់យី ជាសមាជិកនៃក្រុម Joker Parkour នៅហាណូយឲ្យដឹងថា៖ Parkour បានចាត់ទុកជាប្រភេទសិល្បៈនៃការចលនា។ ជាមួយរូបសណ្ឋានដីនិងវត្ថុរាំងស្ទះជាច្រើន, ពួកគេមានវិធីឆ្លងកាត់ជាច្រើនដូចជា៖ រត់ លោត ខ្លះវារទៀតផង ប៉ុន្តែនៅតែហៅថា Parkour ពេលចលនានោះ នាំទៅដល់ទីតាំងយ៉ាងឆាប់រហ័សនិងសុវត្ថិភាពបំផុត។
មិនមានវិន័យរួមណាមួយឲ្យអ្នកលេង Parkour តែធម្មតាអ្នកលេងត្រូវប៉ិនប្រសប់ និងមានសមត្ថភាពមូលដ្ឋានទាំង៤យ៉ាង ។ នោះគឺ “Rolling” រមូល ខ្លួនដើម្បីជៀសវាងការបះទង្គិច, បន្ថយសម្ពាធក្នុងរាងកាយ"Dismount" តោងចាប់វត្ថុដូចជាដែក, ជញ្ជាំង, បង្វិល១៨០អង្សានិងចុះដី "Reverse vault" លោតឆ្លងវត្ថុរាំងស្ទះ "Landing" គឺចុះដីដោយម្រាមជើងមួយ ចំកោងប្រាណដើម្បីបន្ថយសម្ពាធ...ក្រៅពីនោះ ក្រោយពីចាំច្បាស់នូវសមត្ថភាពមូលដ្ឋាន ហើយមានបទពិសោធន៍ក្នុងដំណើរហ្វឹកហាត់ អ្នកលេងអាចកែច្នៃបច្ចេកទេសកាយវិការផ្សេងៗដោយឡែករបស់ខ្លួន។
លេងParkour ទាមទារមានកម្លាំងរឹងមាំ, ខួរក្បាលរវៀសរវៃ, មានអារម្មណ៍ស្រមៃខ្ពស់ ដើម្បីគួបផ្សំបានច្រើនកាយវិការដ៏ប៉ិនប្រសប់ ដើម្បីឆ្លងបានវត្ថុរាំងស្ទះដោយល្អប្រសើរបំផុត។ ម៉្យាងទៀត អ្នកលេង Parkourត្រូវជាអ្នកចូលចិត្តផ្សងគ្រោះថ្នាក់ ដើម្បីអាចអត់ធ្មន់ហ្វឹកហាត់ ពីព្រោះក្នុងដំណើរអនុវត្តកាយវិការ ច្រើនងាយបង្ករងរបួសធ្វើឲ្យអ្នកលេងបោះបង់ការលេងពាក់កណ្តាលទី។
អ្នកលេងParkourម្នាក់អនុវត្តក្បាច់ឆ្លងជញ្ជាំងដោយកាយវិការយ៉ាងឆាប់រហ័សនិងជក់ចិត្ត។
ក្បាច់បង្ហោះខ្លួនដ៏អស្ចារ្យដូចក្នុងឆាកភាពរយន្តសកម្មភាព។
បង្ហោះខ្លួនពីដំបូលផ្ទះនេះឆ្លងទៅកាន់ដំបូលផ្ទះផ្សេង។
អ្នកលេងParkourយូរឆ្នាំអាចអនុវត្តក្បាច់santoដ៏ជក់ចិត្តលើលំហអាកាស។
ក្បាច់“បន្ទាបស្លាប់”មួយពោរពេញទៅដោយគ្រោះថ្នាក់ពីដំបូលផ្ទះចុះមកដីរបស់អ្នកលេង Parkour ម្នាក់។
ពេលដែលហ្វឹកហាត់ស្ទាត់ជំនាញ អ្នកលេង Parkourអាចអនុវត្តកាយវិការបច្ចេកទេសដោយភាពជឿជាក់និងតាមចិត្តចង់។
|
មិត្តង្វៀនថាញតឹន ជាសមាជិកនៃក្រុម Joker បានឲ្យដឹងថា៖ ពេលខ្លះខ្លួនសែនក្តៅចិត្តជាមួយបច្ចេកទេសថ្មី ហើយត្រូវតាំងចិត្តហ្វឹកហាត់ឲ្យទាល់តែបាន ប៉ុន្តែ គិតដល់ការរងរបួស ដូច្នេះខ្លួនត្រូវតែអត់ធ្មត់។ លេងParkour ជួយហ្វឹកហាត់ខ្លួនមានភាពប្រុងប្រយ័ត្ន និងភាពអត់ធ្មត់ក្នុងរាល់កិច្ចការជាច្រើន។
មកដល់បច្ចុប្បន្ន នៅវៀតណាម Parkourបានផ្សាយទូលាយទៅកាន់បណ្តាខេត្ត និងរីកចម្រើនដោយបរិមាណឡើងដល់១២ក្រុម។ ជាពិសេស ក្នុងក្របខណ្ឌរង្វាន់កីឡាកំសាន្តអន្តរជាតិ នៅទីក្រុងហូជីមិញបើកទូលាយ២០១៣, Parkour ជាប្រភេទកីឡាមួយក្នុងចំណោម៤ប្រភេទកីឡា ប្រឡងជាផ្លូវការរួមមាន hip hop, roller sports, beatbox៕
អត្ថបទ៖ ងឹនហា រូបថត៖ វ៉ាន់ក្វៀន ង៉ុកមី