ដើមឆ្នាំ២០១២ Vingroup បានឈានមួយជំហានធំ ពេលសម្ពន្ធរៀបចំសាឡើងវិញ សកម្មភាពក្រោមទម្រង់រូបភាពសម្ពន្ធក្រុមហ៊ុនដែលមានឈ្មោះហៅជាផ្លូវការ៖ សម្ពន្ធក្រុមហ៊ុន Vingroup ឆ្ពោះទៅទិសអភិវឌ្ឍន៍រឹងមាំនិងជំនាញជាង ក្រៅពីពាណិជ្ជសញ្ញាពីរ គឺ Vincom និងVinpearl Vingroup នៅបន្តស្ថាបនានិងអភិវឌ្ឍន៍ក្រុមពាណិជ្ជសញ្ញា ក្នុងវិស័យផ្សេងៗដូចជា៖ Vinhomes (ប្រព័ន្ធអគារនិងផ្ទះវិឡាសេវាកម្មទំនើប) Vinpearl Land (មណ្ឌលលេងកំសាន្ត) Vinmec (សុខាភិបាល) Vinschool (សិក្សាអប់រំ) VinEcom (ពាណិជ្ជកម្មអេឡិចត្រូនិក) Vincom Office (ការិយាល័យសម្រាប់ជួល) Vinmart (ប្រព័ន្ធពាណិជ្ជកម្មលក់រាយ) Vincharm (ថែទាំសម្រស់) VinDS (ប្រព័ន្ធហាងលក់រាយ) VinEco (កសិកម្ម)។ល។
ពាណិជ្ជសញ្ញាពីរ គឺ Vincom និង Vinpearl បានបៀបដូចជាដៃទាំងគូដ៏រឹងមាំរបស់ “អ្នកអត្តពលិក” Vingroup បន្តបោះជំហានទៅមុខគ្រប់គ្រងទីផ្សារអចលនទ្រព្យ និងទេសចរណ៍ក្នុងប្រទេស។ Vincom សព្វថ្ងៃជាពាណិជ្ជសញ្ញាមួយក្នុងចំណោមពាណិជ្ជសញ្ញាលំដាប់លេខមួយរបស់វៀតណាម ពីអចលនទ្រព្យ ដោយមានប្រជុំមណ្ឌលពាណិជ្ជកម្ម - ការិយាល័យ - អគារទំនើបនៅទីក្រុងធំៗ នាំមុខនិន្នាកាទីក្រុងជីវសាស្រ្តជាន់ខ្ពស់នៅវៀតណាម។
 អាងហែលទឹកបម្រើភ្ញៀវទេសចរណ៍ក្នុងបរិយាកាសនៃមណ្ឌលសេវាកម្មទេសចរណ៍ទំនើបមួយរបស់សម្ពន្ធក្រុមហ៊ុន Vingroup។  បរិយាកាសបរិសុទ្ធក្នុងមណ្ឌលទេសចរណ៍ Vinpearl ខេត្តដាណាំង ដែលសម្ពន្ធក្រុមហ៊ុន Vingroup វិនិយោគកសាងឡើង។  បរិយាកាសទេសចរណ៍សមុទ្រនៅ Vinpearl ស្រុកភូក្វឹក។  សណ្ឋាគារផ្កាយប្រាំរបស់សម្ពន្ធក្រុមហ៊ុនខ្ពស់ត្រដែតអើនខ្លួនក្រោមពន្លឺព្រះអាទិត្យ។ល។  ជាមួយបរិយាកាសសែនមនោរម្យឆ្ពោះទៅសមុទ្រធំធេង។ល។នៅលើកោះភូក្វឹក។.  ប្រព័ន្ធកន្ត្រក់ខ្សែរកាប Vinpearl Nha Trang ខេត្តខាញហ្វ័រ។  មណ្ឌលមជ្ឈមណ្ឌលពាណិជ្ជកម្ម Vincom Mega Mail នៅខណ្ឌ២ (ទីក្រុងហូជីមិញ) បានសម្ពោធនាចុងឆ្នាំ២០១៥។.  ភ្ញៀវទេសចរណ៍បរទេសទស្សនានិងទិញដូរក្នុងមជ្ឈមណ្ឌលពាណិជ្ជកម្មរបស់ Vinggroup នៅវិថីឡេថាញតោន(ខណ្ឌ១ ទីក្រុងហូជីមិញ)។  តាំងពិព័រណ៍ គម្រោងការមណ្ឌលអគារល្វែងទំនើប សម្រាប់អ្នកមានជិវភាពមធ្យមនិងខ្ពស់ នៅខណ្ឌប៊ិញថាញ ទីក្រុងហូជីមិញ។ |
|
ឆ្នាំ២០១៥ Vingroup សម្រេចទទួលបានប្រាក់ចំណូលរួមទាំងអស់៣៣.៨២៩ពាន់លានដុង កើន២៣%ប្រៀបនឹងឆ្នាំ២០១៤ ក្នុងនោះប្រាក់ចំណូលដោយឡែកពីការផ្ទេរលក់អចលនទ្រព្យ សម្រេចបាន១០.១៨៤ពាន់លានដុង សម្រេចកម្រិតកំណើនខ្ពស់បំផុតគឺ១៣១% បើប្រៀបជាមួយឆ្នាំមុន។ |
Vingroup សព្វថ្ងៃ មាន១៣មជ្ឈមណ្ឌលពាណិជ្ជកម្មធំ ស្ថិតនៅតាមទីក្រុងធំៗដូចជា រដ្ឋធានីហាណូយ ទីក្រុងហូជីមិញ ក្វាងនិញ ដាណាំង ភូក្វឹក។ល។ ផ្តល់នូវសេវាកម្មលេងកំសាន្ត អាហារ និងទិញដូរងាយ ទំនើប តាមទិសស្លោក “ទាំងអស់នៅក្នុងមួយ” សម្រាប់ប្រជាជនកុះករនៅក្នុងតំបន់។ គិតដល់ចុងឆ្នាំ២០១៦ សម្ពន្ធក្រុមហ៊ុន Vingroup នឹងមានចំនួន៤០មជ្ឈមណ្ឌលពាណិជ្ជកម្មសកម្មភាពនៅតាមខេត្ត ក្រុង ទាំង២០ ក្នុងទូទាំងប្រទេស។
ទន្ទឹមនោះ Vinpearl កំពុងតែឈានមុខក្នុងវិស័យទេសចរណ៍ ដោយមានប្រព័ន្ធសណ្ឋាគារ មណ្ឌលរម្មណីយដ្ឋានលំហែកាយ មណ្ឌលផ្ទះវិឡា។ល។ ដែលមានស្តង់ដាអន្តរជាតិ។ រហូតមកចុងដល់ឆ្នាំ២០១៥ ប្រព័ន្ធរម្មណីយដ្ឋាន លំហែកាយ Vinpearl មាន៧សណ្ឋាគារ resort ស្តង់ដាផ្កាយប្រាំ និងផ្ទះវិឡាចំនួន៤.០០០បន្ទប់និងសេវាកម្ម ទំនើបៗ។
មុខសញ្ញាដែល Vingroup ឆ្ពោះទៅដល់សំរាប់អ្នកមានជីវភាពមធ្យម និងខ្ពស់ និងភ្ញៀវទេសចរណ៍បរទេស ដូចនេះផលិតផលសេវាកម្មសុទ្ធតែបានវិនិយោគទំនើប ស៊ីវិល័យ នាំនូវគុណភាពល្អបំផុតជូនអតិថិជន។ វិស័យស្នូលរបស់ Vingroup សហការក្លាយជាប្រព័ន្ធជីវចម្រុះផលិតផល និងសេវាកម្ម ជាមួយគោលបំណងនាំមកជូនអតិថិជន នូវភាពពិសោធន៍ថ្មីទាំងស្រុងនៅរបៀបរស់នៅទំនើបៗ និងងាយស្រួល។ នៅវិស័យណាក៏ដោយ Vingroup ក៏បង្ហាញបានតួនាទីឈានមុខ អូសទាញផ្លាស់ប្តូរនិន្នាកាអ្នកប្រើប្រាស់៕
អត្ថបទ៖ សើនងៀ រូបថត៖ ដាំងគីមផឿង
