កន្លងទៅជាគម្រប់២០ឆ្នាំ នៅឆ្នាំ១៩៩៥ ក្រោយការរញ្ជួយដី លោកTomizawa Mamoru បាន​ប្តេជ្ញាចិត្ត​ឃ្លាត​ចេញ​ពី​ស្រុកកំណើតខ្លួន ដើម្បីចូលរួមអង្គការក្រៅរដ្ឋាភិបាលស្តីពីការអប់រំ និងទេសចរណ៍របស់ជប៉ុន ធ្វើការ​នៅ​បណ្តាប្រទេសនៃទ្វីបអាស៊ី។ ពេល​ដែល​ឈប់​សម្រាក​នៅប្រ​ទេស​វៀត​ណាម លោក Tomizawa Mamoru ចាប់​អារម្មណ៍​បាន នូវភាពសម្បូរបែបពីវប្បធម៌រវាងបណ្តាគ្រប់តំបន់​។ ជាពិសេសគឺសេរ៉ាមិចបាតត្រាង។ លោក​​​ត្រូវទាក់ទាញអារម្មណ៍ ដោយភាពស្រស់ស្អាតរបស់ប្រភេទសេរ៉ាមិចនេះ ជាមួយ​នឹង​ថ្វីដៃ​ដ៏ប៉ិន​ប្រសប់​របស់​សិប្បករ។  ហេតុនេះហើយ អាចចាត់ទុកថា នេះគឺជាជំហានដំបូងរបស់លោក Tomizawa Mamoru ពេល​លោក​ចាប់​​ផ្តើម​ដើរ​តាម​ក្តីចំណង​ចំណូល​ចិត្ត​របស់​ខ្លួនពីសេរ៉ាមិចវៀតណាម។

តាមរយៈការសិក្សារៀនសូត្រពីសិប្បករនិងសៀវភៅ លោក Tomizawa Mamoru ស្រាប់តែផុតគំនិត ហេតុ​អ្វីមិន​ចែក​រំលែកនូវប្រការដែលខ្លួនបានរៀន បង្រៀនឲ្យអ្នកដទៃ។ នោះហើយទើបជាហេតុដែលនាំឲ្យ Overland Club កកើត​ឡើង នៅអនុសង្កាត់ដាកាវ ខណ្ឌ១ ទីក្រុងហូជីមិញ នៅឆ្នាំ២០០១ ដោយ​គោល​បំណង​បន្ត​ចំណង​ចំណូល​​ចិត្ត​យ៉ាង​ក្តៅ​គគុ​កខាង​សេរ៉ាមិច​ ផ្តល់​ឲ្យទៅ​សមាជិក​ដែល​ចូល​រួមក្លិប មិន​ប្រកាន់​ថា​នោះ​ជាជន​ជាតិ​អឺ​រុប អាមេរិក ឬជនជាតិអាស៊ី។ ហើយលោក Tomizawa Mamoru ក៏ផ្សារ​ភ្ជាប់​នឹង​ប្រទេស​វៀតណាម​តាំង​ពី​នោះ​មក​។

លោក Tomizawa Mamoru។ រូបថត៖ ថុងហាយ ក្រោមថ្វីដៃដ៏ប៉ិនប្រសប់របស់លោក Tomizawa Mamoru ផលិតផលក្រឡសេរ៉ាមិចកំពុងតែបានបង្កើតឡើង។ រូបថត៖ ថុងហាយ ថ្នាក់រៀនសេរ៉ាមិចរបស់ Overland Club សព្វថ្ងៃកំពុងទាក់ទាញសិស្សានុសិស្សមករៀនយ៉ាងកុះករ ដោយមានម៉ោងរៀនខុសពីគ្នា ហើយនៅមានទាំងជនជាតិវៀតណាមនិងជនជាតិបរទេសមករៀនផង។ រូបថត៖ ថុងហាយ លាបពណ៌ឲ្យស្មើសាច់និងបង្កើតភាពរលោងឲ្យសេរ៉ាមិច។ រូបថត៖ ថុងហាយ ផលិតផលមួយចំនួនរបស់ លោកTomizawa Mamoru និងសិស្សនៃ Overland Club។ រូបថត៖ ថុងហាយ

នៅពេលនេះ មុខសញ្ញាដែល លោក Tomizawa Mamoru យកចិត្តទុកដាក់មុនដំបូងបង្អស់  ដើម្បី​បង្រៀន​របរ​សេរ៉ា​មិច គឺភ្ញៀវទេសចរណ៍អន្តរជាតិ ខណៈ​​ពេល​ដែល​វៀត​ណាម​កំពុង​ជា​ទីកន្លែង​ទេសចរណ៍​ទាក់​ទាញ​ក្នុង​តំបន់​។ ក្នុងអំឡុង៦ខែបន្តបន្ទាប់ លោករៀនធ្វើសេរ៉ាមិចផង នៅថែម​ទាំង​បង្កើតផែន​ការបើកថ្នាក់បង្រៀន និង​រក​សិស្ស​ឲ្យ Overland Club។ ដោយមានទំនាក់ទំនងពីកាលធ្វើទេសចរណ៍ លោក Tomizawa Mamoru ក៏ងាយ​ស្រួល​​ដើម្បី​រកវីធី​ឧទ្ទេសនាមដល់ភ្ញៀវទេសចរណ៍អន្តរជាតិមកជាមួយនឹង Overland Club។ Overland Club អាច​​ចាត់​​ទុក​ជា ការ​ជម្រើស​មួយ​ក្នុង​ដំណើរ​ទេសចរណ៍ ទស្សនា​ទីក្រុង​ហូជីមិញរបស់ភ្ញៀវទេសចណ៍។

នៅកណ្តាល​មជ្ឈមណ្ឌលទីក្រុងហូជីមិញ Overland Club  គឺជា​​បរិយាកាស​សេរ៉ាមិច​​ដ៏ពិសេស​មួយ នាំ​មក​​​នូវ​ភាព​​​ជក់​ចិត្ត​ជូនសិស្សពីវប្បធម៌វៀតណាម  ដែលសេរ៉ាមិចគឺជាឧទាហរណ៍បញ្ជាក់មួយ។ ថ្នាក់រៀន​សេរ៉ាមិច​របស់ Overland Club សព្វ​​ថ្ងៃ​ទាក់​ទាញ​​សិស្សានុ​សិស្ស​​ជា​ច្រើន​មករៀន ដោយមាន​ម៉ោងរៀនខុសពីគ្នា មាន​ទាំង​ជន​​ជាតិវៀតណាមនិងជនជាតិបរទេសទៀតផង។

ជាក់ស្តែង ការរៀនធ្វើសេរ៉ាមិច ជួយហាត់ពត់ភាពប៉ិនប្រសប់ ភាពអត់ធ្មត់ នៅទាំង​នាំមកភាព​កែច្នៃ​សិល្បៈ​ពោរពេញ​ទៅដោយ​ភាពថ្មី។ វាបង្ហាញឆ្លងតាមដំណាក់កាសច្របាច់ដី បង្កើតរូបភាព ហាលស្ងួត លាប​ពណ៌ឲ្យ​ស្មើសាច់​និងបង្កើត​​ភាព​​រលោង ការ​ដុត​ត្រូវ​បាន​អនុវត្ត​យ៉ាង​ហ្មត់​ចត់​ទី​បំផុត​។ ដើម្បី​បង្កើត​ចេញ​ផលិត​ផល​សេរ៉ាមិច​សំរេច​មួយ សិស្សម្នាក់ត្រូវឆ្លងកាត់វគ្គរៀនមូលដ្ឋាន គឺចាប់ផ្តើមពីការច្របាច់ដីឥដ្ឋ ពីព្រោះ​នេះ​គឺជា​វគ្គ​ដំបូង​បង្អស់​កំណត់នូវភាពជោគជ័យនៃគុណភាពរបស់ផលិតផល។ ក្រោយមក ផលិតផល​សេរ៉ាមិច​ដែល​ធ្វើ​សម្រេច​នីមួយៗ ត្រូវបាននាំចូលទៅក្នុងឡដុតរបស់ Overland Club ប្រើ​ដោយ​ហ្គាស ។ នោះក៏​​ជាកក្តា​​មួយ​​ជួយ​មិន​ឲ្យ​​កខ្វក់​បរិស្ថាន​និង​ឲ្យចេញ​ផលិតផល​ដែល​មាន​គុណ​ភាពខ្ពស់។

នៅពេលបានស្វែងយល់ពីដួងព្រលឹងរបស់ប្រជាជនវៀតណាម នៅក្នុង​បណ្តា​ផលិត​ផល​សេរ៉ាមិ​ចទាំង​ឡាយ​នេះ លោក Tomizawa Mamoru បាន​ចាត់ទុក​ជាផលិតផល​ដ៏វិចិត្រ រស់រវើក ពោរ​ពេញ​​ទៅដោយ​ក្តី​​ស្រឡាញ់​ស្រុក​​កំ​ណើត គឺជា​ប្រភព​ដែល​បណ្តុះ​គំនិត​ដ៏អស្ចារ្យ ដើម្បី​បង្កើត Overland Club ឡើង។ ប្រការ​​ដែល​​លោក​ចង់​​ឲ្យ​សិស្សានុ​​សិស្ស​​ឆ្ពោះទៅ​ដល់ គឺការបង្ហាញពីក្តីស្រឡាញ់និងក្តីជក់ចិត្តរបស់ខ្លួន បញ្ជូលទៅ​ក្នុង​ផលិត​ផល​នីមួយៗ តាំងពីភាពធម្មតាដល់ភាពស្មុគស្មាញ។ ថ្នាក់​រៀន​សេរ៉ាមិច​ប្រាកដ​ជាទីកន្លែង​​អាច​រកឃើញ​​និង​អភិវឌ្ឍន៍​​ទេពកោសល្យខា​ងវិចិត្រសិល្បៈ ក្នុងដំណើរ​ការធ្វើសេរ៉ា​មិច។ ទន្ទឹម​​នោះ​ក៏ជា​​ទីកន្លែង​​សម្រាប់​សិស្សានុ​​សិស្ស​មាន​រយៈពេល​គយគន់ នឹងរិះគិត​ពីដំណើរជី​វិត​ខ្លួន  ខណៈ​ពេលនៅទី​នេះ មាន​អារម្មណ៍​​ថា​ពេល​​វេលាដូច​​ជាដើរ​យឺត  បើ​ប្រៀបនឹង​ការរស់​នៅប្រចាំ​ថ្ងៃ។

ទាំងពីយូរ Overland Club បានក្លាយជាបរិយា​កាសដ៏ជិត​ស្និទ្ធនឹង​ភ្ញៀវទេសចរណ៍បរទេស ពេលមក​ទេសចរ​នៅទី​ក្រុង​ហូ​ជីមិញ ហើយមិត្តយុវវ័យដែលចូលចិត្តធ្វើសេរ៉ាមិច។ បរិយាកាសរបស់ Overland Club ជួយមនុស្ស​រាល់​គ្នាកែច្នៃតាមចិត្តជាមួយដីឥដ្ឋ ហើយ​ជាពិសេស​បាន​ឆ្នង​កាត់​នូវមុខ​របរប្រពៃណី​មួយ ដែលបាន​​ផ្សារ​​ភ្ជាប់​នឹង​​លក្ខណៈ​​វប្បធម៌​របស់​វៀត​ណាម។ បង Leandro Marcelino (ជា​ជនជាតិ​​អេស្ប៉ាញ) ក្រោយ​​ពេល​​សិក្សា​​ធ្វើ​សេរ៉ា​​មិច​​​បាន​ជាង​​មួយឆ្នាំ ឥឡូវ​បង​បាន​​ផ្សារ​ភ្ជាប់​​ជាមួយ Overland Club ក្នុងតួនា​ទី​ជា​​សហកា​រី​ម្នាក់​​របស់​​ថ្នាក់​រៀន​​ធ្វើ​​សេ​រ៉ាមិច។ លោកមាន​បណ្តាញ​​វេបសាយ​ដោយឡែក ជំនាញ​លក់​តែផលិត​ផ​ល​សេរ៉ាមិច​ ដែល​លោក​ធ្វើ​ចេញ​ដោយផ្ទាល់ដៃ។

ផលិតផលសេរ៉ាមិចមួយចំនួនដោយសិស្សរបស់ Overland Clubធ្វើឡើង៖

បានដឹងឮ ក្រៅពីការបង្រៀនធ្វើសេរ៉ាមិច Overland Club នៅទាំងបើក “កន្លែងដាក់បង្ហាញ” មួយ​ឥតគិត​ថ្លៃដើម្បី​តាំងបង្ហាញស្នាដៃសិល្បៈ របស់សិស្សានុសិស្ស សហការជាមួយហាងកាហ្វេជប៉ុន MOF (នៅផ្លូវលេខ៣០ ឡេឡើយ ខណ្ឌ១) ដើម្បីរៀបចំព្រឹត្តិកាណ៍តាមខែនីមួយៗ ទាក់ទាញសិស្សានុសិស្ស និស្សិត និងជន​ជាតិ​បរទេស​ចូលរួមយ៉ាងកុះករ។ ជឿជាក់ថា Overland Club របស់លោក Tomizawa Mamoru នឹង​បង្កើត​បាន​ស្ពាន​ជួប​ប្រាស្រ័យ​វប្បធម៌ រវាងមិត្តភក្តិនៅបណ្តាប្រទេសជាច្រើន រួមចំណែកផ្សព្វ​ផ្សាយ​លក្ខណៈ​ពិសេស​របស់​វប្បធម៌​វៀត​ណាម។ 
 

អត្ថ​បទ៖ ង្វៀន​វូថាញដាក រូប​ថត៖ ថុង​ហាយ