ស្ថានទូតវៀតណាមប្រចាំនៅឡាវបានរៀបចំពិធីរៃអង្គាសប្រាក់ជួយប្រជាជននៃប្រទេសទាំងពីរជំនះពុះពារផលវិបាកនៃគ្រោះធម្មជាតិ (រូបថត៖ VOV-Vientiane)

នៅក្នុងពិធីនេះ ភារធារីនៃស្ថានទូតវៀតណាមប្រចាំនៅឡាវ លោក ផាន មិញ ចៀន បានចែករំលែកព័ត៌មានអំពីការខូចខាតលើអាយុជីវិតមនុស្សនិងទ្រព្យសម្បត្តិដែលបណ្តាលមកពីព្យុះទីហ្វុង Yagi នៅបណ្តាខេត្ត ភាគខាងជើងរបស់វៀតណាម និងភាគខាងជើងរបស់ឡាវ; ហើយបានឲ្យដឹងថា ក្នុងប៉ុន្មានថ្ងៃថ្មីៗនេះ សហគមន៍ជនវៀតណាមនៅឡាវបានរៀបចំ រៃអង្គាសសម្រាប់ឧបត្ថម្ភផ្ទាល់ដល់អង្គការ ស្ថាប័នមានសមិទ្ធិកិច្ចទាំង វៀតណាមនិងឡាវ ដើម្បីរួមចំណែកជួយប្រជាជននៃប្រទេសទាំងពីរជំនះពុះពារលើផលវិបាក បណ្តាលពីគ្រោះធម្មជាតិ។

ក្នុងការបរិច្ចាគនេះ បុគ្គល ទីភ្នាក់ងារតំណាងវៀតណាមនៅឡាវ និងធុរកិច្ចវៀតណាមដែលកំពុងវិនិយោគនិងធ្វើអាជីវកម្មនៅឡាវ បានបរិច្ចាកថវិកាបានប្រមាណ ១,៤ពាន់លានដុង (ប្រហែល ៥៧,០០០ដុល្លារអាមេរិក) ។

ស្ថានទូតវៀតណាមប្រចាំនៅឡាវបានដកប្រាក់មួយផ្នែកដែលប្រមូលបានទៅប្រគល់ជូនក្រសួងការងារ សុខុមាលភាព និងសង្គមកិច្ចឡាវ។ ចំណែកនៅសល់ នឹងត្រូវបញ្ជូនទៅគណៈកម្មាធិការមជ្ឈិមរណសិរ្សមាតុភូមិវៀត ណាម ដើម្បីរួមចំណែកជួយប្រជាជននៅតំបន់គ្រោះមហន្តរាយធម្មជាតិនៃប្រទេសទាំងពីររក្សាស្ថិរភាពជីវភាពរស់នៅបានឆាប់រហ័ស៕