អគ្គលេខាបក្ស លោក តូ ឡឹម បានអញ្ជើញទទួលជួបជាមួយឧបនាយករដ្ឋមន្ត្រី រដ្ឋមន្ត្រីក្រសួងអភិវឌ្ឍន៍ជនបទ ប្រធានគណបក្សឯកភាពជាតិម៉ាឡេ (UMNO) Dato' Seri Dr. Ahmad Zahid Hamidi (រូបថត៖ TTXVN)

លោកអគ្គលេខាបក្ស តូ ឡឹម បានសង្កត់ធ្ងន់ថា បក្សកុម្មុយនិស្តវៀត ណាមតែងតែយកចិត្តទុកដាក់យ៉ាងខ្លាំងចំពោះតួនាទី និងឋានៈរបស់ UMNO ក្នុងឆាកនយោបាយ។ ទន្ទឹមនឹងនោះ លោកបានបង្ហាញនូវបំណងចង់ពង្រឹងថែមទៀតនូវទំនាក់ទំនងមិត្តភាពនិងកិច្ចសហប្រតិប ត្តិការល្អរវាងបក្សកុម្មុយនិស្តវៀតណាមនិងបក្ស UMNO។ ក្នុងក្របខ័ណ្ឌនៃទំនាក់ទំនងដៃគូយុទ្ធសាស្ត្រលើគ្រប់ជ្រុងជ្រោយរវាងប្រទេសទាំងពីរនាពេលថ្មីៗនេះ អគ្គលេខាបក្ស លោក តូ ឡឹមបានស្នើថា ម៉ាឡេស៊ីបង្កើតលក្ខខណ្ឌអំណោយផលបន្ថែមទៀតសម្រាប់ផលិតផលកសិកម្មកែច្នៃ អាហារសមុទ្រ និងម្ហូបអាហាររបស់វៀតណាមចូលក្នុងទីផ្សារម៉ាឡេស៊ី; ស្នើម៉ាឡេស៊ីបន្តបង្កលក្ខណៈងាយស្រួល និងជួយវៀតណាមក្នុងការអភិវឌ្ឍឧស្សាហកម្មហាឡាល់ ជំរុញសហគ្រាសម៉ាឡេស៊ីវិនិយោគលើវិស័យហាឡាល់នៅវៀតណាម។

រីឯខ្លួនវិញ  ឧបនាយករដ្ឋមន្ត្រី ប្រធាន UMNO និងថ្នាក់ដឹកនាំជាន់ខ្ពស់ក្នុងសម្ព័ន្ធដែលកំពុងកាន់អំណាចបានអះអាងថា ក្នុងឋានៈជាបក្ស និងរដ្ឋនឹងបន្តខិតខំប្រឹងប្រែងជំរុញកិច្ចសហប្រតិបត្តិការពហុភាគី រួមចំណែកពង្រឹងទំនាក់ទំនងអន្តរជាតិ រវាងបក្សទាំងពីរ និងការអភិវឌ្ឍរួមនៃទំនាក់ទំនងរវាងប្រទេសទាំងពីរ។

នៅរសៀលថ្ងៃនេះផងដែរ លោកអគ្គលេខាបក្ស តូ ឡឹម បានអញ្ជើញទៅទស្សនាសាជីវកម្មប្រេងនិងឧស្ម័នជាតិរបស់ម៉ាឡេស៊ី Petronas ដែលជាសាជីវកម្មឈានមុខគេក្នុងអាស៊ានទាក់ទងនឹងតម្លៃម៉ាកយីហោ និងក្នុងចំណោមក្រុមហ៊ុនប្រេង និងឧស្ម័នកំពូលទាំង ១០ នៅលើពិភពលោក៕