នារសៀលថ្ងៃទី ២៥ ឧសភា នៅវិមានរដ្ឋសភា ថ្នាក់ដឹកនាំបក្ស រដ្ឋបានអញ្ជើញជួបសំណេះសំណាលជាមួយសមាជិកសភានីតិកាលទី ១៥ ដែលជាជនជាតិភាគតិច។ អញ្ជើញចូលរួមកិច្ចប្រជុំ មានប្រធានរដ្ឋលោក Nguyen Xuan Phuc នាយករដ្ឋមន្ត្រីលោក Pham Minh Chinh និងប្រធានរដ្ឋសភា លោក Vuong Dinh Hue។ ថ្លែងមតិក្នុងជំនួបនេះ ប្រធានរដ្ឋសភា  លោក Vuong Dinh Hue បានសង្កត់ធ្ងន់ថា បក្ស និងរដ្ឋ តែងតែកំណត់យ៉ាងខ្ជាប់ខ្ជួនថា មហាសាមគ្គីភាពជនជាតិទាំងមូលមានសារៈសំខាន់ខ្លាំងណាស់សម្រាប់ប្រទេសជាតិ។ ក្នុងប៉ុន្មានឆ្នាំកន្លងមកនេះ មាន គោលនយោបាយជាច្រើនស្តីពីការអភិវឌ្ឍសេដ្ឋកិច្ចសង្គមសម្រាប់ជនជាតិភាគតិច និងតំបន់ភ្នំ ជីវភាពខាងសម្ភារៈ និងខាងស្មារតីរបស់ជនជាតិភាគតិចត្រូវបានកែលម្អជាបណ្តើរៗ។ ដើម្បីសម្រេចបាននូវគោលដៅនិងតម្រូវការបន្ទាន់នាបច្ចុប្បន្ននេះប្រធានរដ្ឋសភា លោក Vuong Dinh Hue បានស្នើឱ្យសមាជិកសភានិយាយរួម ជាពិសេសក្រុមប្រឹក្សាជនជាតិ និងគណៈប្រតិភូដែលជាជនជាតិភាគតិចអាណត្តិទី ១៥ ត្រូវយកចិត្តទុកដាក់ និងរួមវិភាគទានជាមួយរដ្ឋសភា ដោយផ្តោតលើការឃ្លាំមើល ដើម្បីឱ្យស្ថាប័នមានសមត្ថកិច្ចពាក់ព័ន្ធអាចអនុវត្តន៍ការងារសំខាន់ៗមួយចំនួនប្រកបដោយប្រសិទ្ធភាព។

ប្រធានរដ្ឋសភាលោក Vuong Dinh Hue សង្ឃឹមថា សមាជិកសភាជាជនជាតិភាគតិចនឹងរក្សាទំនាក់ទំនងជាប្រចាំជាមួយម្ចាស់ឆ្នោត ជាពិសេសម្ចាស់ឆ្នោតនៅតំបន់ជនជាតិភាគតិច និងតំបន់ព្រៃភ្នំ; ដើរតួនាទីជាស្ពានតំណាងឆន្ទៈ សេចក្តីប្រាថ្នា និងផលប្រយោជន៍ស្របច្បាប់របស់ប្រជាពលរដ្ឋ ដើម្បីធ្វើការណែនាំស្របតាមគំនិត និងសេចក្តីប្រាថ្នាស្របច្បាប់របស់ជនជាតិភាគតិច ជាមួយអាជ្ញាធរមានសមត្ថកិច្ច…៕