• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមបំពេញប្រកបដោយជោគជ័យតួនាទីជាប្រធាន ACCSM ២១

ACCSM ២១ គឺជាកិច្ចប្រជុំកំពូលនៃប្រមុខកិច្ចការសាធារណៈអាស៊ាន និងអាស៊ាន+៣ (ចិន ជប៉ុន កូរ៉េខាងត្បូង) ប្រទេសដៃគូសន្ទនា និងវេទិកាស្តីពីអភិបាលកិច្ចប្រទេសជាតិល្អ។
  រដ្ឋមន្ត្រីក្រសួងមហាផ្ទៃ Pham Thi Thanh Tra ថ្លែងក្នុងពិធីបើកកិច្ចប្រជុំ (រូបថត៖ Van Diep/TTXVN)  

នារសៀលថ្ងៃទី៥ ខែសីហា ឆ្នាំ២០២២ នៅទីក្រុងហាណូយ ក្រសួងមហាផ្ទៃបានរៀបចំសន្និសីទសារព័ត៌មានដើម្បីជូនដំណឹងអំពីលទ្ធផលនៃសន្និសីទកិច្ចសហប្រតិបត្តិការអាស៊ានស្តីពីកិច្ចការសាធារណៈលើកទី ២១ (កិច្ចប្រជុំ ACCSM ២១)។ ACCSM ២១ គឺជាកិច្ចប្រជុំកំពូលនៃប្រមុខកិច្ចការសាធារណៈអាស៊ាន និងអាស៊ាន+៣ (ចិន ជប៉ុន កូរ៉េខាងត្បូង) ប្រទេសដៃគូសន្ទនា និងវេទិកាស្តីពីអភិបាលកិច្ចប្រទេសជាតិល្អ។

តំណាងក្រសួងមហាផ្ទៃបានមានប្រសាសន៍ថា កិច្ចប្រជុំនេះបានអនុម័តលើរបៀបវារៈចំនួន ៩ ជាមួយនឹងការសម្រេចចិត្តសំខាន់ៗជាច្រើន ដែលរួមចំណែកដល់ការកំណត់កិច្ចការសាធារណៈអាស៊ានប្រកបដោយវិជ្ជាជីវៈ ការចែករំលែក និងការអភិវឌ្ឍនិរន្តរភាព។ ក្នុងរយៈពេល ៣  ថ្ងៃធ្វើការ ចាប់ពីថ្ងៃទី ៣ ដល់ថ្ងៃទី ៥ ខែសីហា ក្រសួងមហាផ្ទៃវៀតណាម-ដោយមានតួនាទីជាប្រធានប្តូរវេន ACCSM ២១ បានរៀបចំដោយជោគជ័យនូវកិច្ចប្រជុំកម្មាភិបាលជាន់ខ្ពស់ កិច្ចប្រជុំថ្នាក់រដ្ឋមន្ត្រី-ប្រមុខនៃកិច្ចការសាធារណៈរបស់បណ្តាប្រទេសអាស៊ាន  អាស៊ាន+៣ និងវេទិកាអភិបាលកិច្ចប្រទេសជាតិល្អ។ តំណាងមកពីប្រទេសផ្សេងៗបានផ្តោតទៅលើការពិភាក្សាលើបញ្ហាមួយចំនួនដូចជា៖ បញ្ហាប្រឈមសម្រាប់កិច្ចការសាធារណៈអាស៊ានក្នុងដំណាក់កាលក្រោយជំងឺកូវីដ-១៩ និងធ្វើឌីជីថលសេវាសាធារណៈ។ លោក Pham Minh Hung ប្រធាននាយកដ្ឋានកំណែទម្រង់រដ្ឋបាល នៃក្រសួងមហាផ្ទៃ បានឲ្យដឹងថា៖ “យន្តការនៃការគ្រប់គ្រង ការជ្រើសរើស និងប្រើប្រាស់ ការបង្កើតឱកាសសម្រាប់កម្មាភិបាល បុគ្គលិក; បន្ទាប់មក គំរូនៃការគ្រប់គ្រងកម្មាភិបាល បុគ្គលិក ឆ្ពោះទៅរកការកសាងក្រុមកម្មាភិបាល បុគ្គលិកប្រកបដោយវិជ្ជាជីវៈ សុចរិតភាព បម្រើប្រជាពលរដ្ឋ ហើយទាំងនេះគឺជាមូលដ្ឋានគ្រឹះសម្រាប់ភាពជោគជ័យនៃមុខងារសាធារណៈរបស់ប្រទេសមួយចំនួន។ ក្នុងការបណ្តុះបណ្តាលវិញគឺមានទម្រង់ផ្សេងៗគ្នាជាច្រើន តាមរយៈប្រព័ន្ធដែលលើកទឹកចិត្តដល់កម្មាភិបាល បុគ្គលិក ឱ្យបណ្តុះបណ្តាលខ្លួនឯង និងរៀនសូត្រសម្រាប់ជីវិត។ ជាងនេះទៅទៀត កំណែទម្រង់សេវាសាធារណៈ គឺជាមូលដ្ឋានគ្រឹះក្នុងការកសាងមុខងារសាធារណៈ ដើម្បីបម្រើប្រជាពលរដ្ឋ។ នេះក៏ជាគោលនយោបាយដែលវៀតណាមកំពុងអនុវត្តន៍នាពេលនេះផងដែរ”៕

តាម VOV5 - វិទ្យុសំឡេងវៀតណាម

ជំរុញកិច្ចសហប្រតិបត្តិការលើវិស័យថ្មីរវាងវៀតណាម និងសហរដ្ឋអាមេរិក

ជំរុញកិច្ចសហប្រតិបត្តិការលើវិស័យថ្មីរវាងវៀតណាម និងសហរដ្ឋអាមេរិក

នាពេលខាងមុខ ភាគីទាំងពីរសហប្រតិបត្តិការយ៉ាងជាក់ស្ដែង ស៊ីជម្រៅលើគ្រប់វិស័យសមស្របទៅនឹងក្របខ័ណ្ឌនៃទំនាក់ទំនងភាពជាដៃគូយុទ្ធសាស្ត្រលើគ្រប់ជ្រុងជ្រោយថ្មីរវាងប្រទេសទាំងពីរ រួមចំណែកជួយវៀតណាមអភិវឌ្ឍន៍យ៉ាងឆាប់រហ័ស បង្រួញ គម្លាតជាមួយប្រទេសផ្សេងៗ។

Top