• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាម-នូវែលហ្សេឡង់៖ កិច្ចសហប្រតិបត្តិការពាណិជ្ជកម្ម-វិនិយោគគឺជាសសរស្តម្ភដ៏សំខាន់

នាព្រឹកនេះ (ម៉ោងក្នុងតំបន់) នៅទីក្រុង Auckland ប្រទេសនូវែលសេឡង់ ប្រធានរដ្ឋសភា លោក Vuong Dinh Hue បានទទួលជួបតំណាងថ្នាក់ដឹកនាំសាជីវកម្ម និងក្រុមហ៊ុននូវែលសេឡង់មួយចំនួន។
ប្រធានរដ្ឋសភា លោក Vuong Dinh Hue និងលោក Mike Cronin នាយកប្រតិបត្តិទទួលបន្ទុកបញ្ហាកិច្ចសហប្រតិបត្តិការ ក្រុមហ៊ុន Fonterra Group (រូបថត៖ VOV)

ក្នុងជំនួបនេះ ប្រធានរដ្ឋសភាវៀតណាម លោក Vuong Dinh Hue បានចាត់ទុកថា គោលដៅមួយក្នុងចំណោមគោលដៅនៃដំណើរទស្សនកិច្ចជាផ្លូវការនៅនូវែលសេឡង់លើកនេះ គឺដើម្បីជំរុញទំនាក់ទំនងដៃគូយុទ្ធសាស្ត្ររវាងប្រទេសទាំងពីរ រួមទាំងកិច្ចសហប្រតិបត្តិការពាណិជ្ជកម្ម និងវិនិយោគ ដែលជាសសរស្តម្ភសំខាន់មួយ។ ក្នុងដំណើរទស្សនកិច្ចនេះ ភាគីទាំងពីរនឹងសម្របសម្រួលរៀបចំវេទិកាសំខាន់ៗចំនួនពីរស្តីពីកិច្ចសហប្រតិបត្តិការអប់រំ និងកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ។ នេះជាឱកាសសម្រាប់ធុរកិច្ច និងអ្នកវិនិយោគនៃប្រទេសទាំងពីរជំរុញសកម្មភាពសហប្រតិបត្តិការនាពេលខាងមុខ។

ក្នុងជំនួបទទួលជួបជាមួយលោក Mike Cronin នាយកគ្រប់គ្រងទទួលបន្ទុកកិច្ច ចសហប្រតិបត្តិការនៃក្រុមហ៊ុន Fonterra Group - ក្រុមហ៊ុនដែលប្រតិបត្តិការនៅវៀតណាមតាំងពីឆ្នាំ ១៩៨០ ឯកទេសផ្គត់ផ្គង់ និងចែកចាយផលិតផលទឹកដោះគោ និងអាហារបម្រើដល់ខ្សែសង្វាក់ភោជនីយដ្ឋាន និងសណ្ឋាគារ ប្រធានរដ្ឋសភា លោក Vuong Dinh Hue បានលើកឡើងវិស័យជាប្រៀបខ្លាំងរបស់វៀតណាម ដូចជាការចិញ្ចឹមគោយកទឹកដោះហើយបានស្នើឱ្យ Fonterra ស្រាវជ្រាវ និងបណ្តាក់ទុននៅវៀតណាមក្នុងកសិដ្ឋានទឹកដោះគោ និងការកែច្នៃទឹកដោះគោ ដើម្បីផ្តល់វត្ថុធាតុដើមដែលធានាគុណភាពត្រឹមត្រូវនៅវៀតណាម។ លើសពីនេះ ក្រុមហ៊ុន Fonterra Group អាចសហការក្នុងការបណ្តុះបណ្តាលផ្នែកគ្រប់គ្រង ការផ្ទេរបច្ចេក វិទ្យា ក៏ដូចជាការវិនិយោគកូនពូជ ផលិតផល និងឧបករណ៍សម្រាប់កសិដ្ឋាន និងដៃគូរបស់វៀតណាម។ ជាពិសេសផលិតផលទឹកដោះគោដែលមានគុណភាពខ្ពស់នៅក្នុងប្រទេសវៀតណាម និងបណ្តាប្រទេសសមាគមប្រជាជាតិអាស៊ីអាគ្នេយ៍ (អាស៊ាន)។

ជួបសន្ទនាជាមួយនាយកប្រតិបត្តិក្រុមហ៊ុន Fiso Investment លោក John Fiso និងជានាយកក្រុមហ៊ុន Viet River Holdings លោក Nguyen Truong Khoa - សហគ្រាសចំនួន ២ សហការជាមួយវៀតណាមលើវិស័យបណ្តុះបណ្តាលវិជ្ជាជីវៈ កិច្ចសហប្រតិបត្តិការការងារ ប្រធានរដ្ឋសភា លោក Vuong Dinh Hue បានសង្កត់ធ្ងន់ថា ការអប់រំគឺជាអាទិភាពមួយក្នុងចំណោមអាទិភាពវិនិយោគរបស់វៀតណាម ស្នើឲ្យធុរកិច្ចពិភាក្សាជាពិសេសជាមួយក្រសួង ស្ថាប័នពាក់ព័ន្ធ ដើម្បីអនុវត្តកម្មវិធីសហប្រតិបត្តិការ។

ក្នុងជំនួបជាមួយនាយកប្រតិបត្តិនៃក្រុមហ៊ុន Re/Max (ក្រុមហ៊ុនអចលនៈទ្រព្យធំមួយរបស់អាមេរិកដែលដំណើរការតាមរយៈប្រព័ន្ធ Franchise នៅប្រទេសនូវែលសេឡង់) ប្រធានរដ្ឋសភាលោក Vuong Dinh Hue បានលើកឡើងថា ក្រុមហ៊ុនត្រូវផ្តោតទៅលើការស្រាវជ្រាវទីផ្សារកិច្ចសហប្រតិបត្តិការការងារ ពង្រីកកាលានុវត្តភាពសហប្រតិបត្តិការពាណិជ្ជកម្ម ចូលរួមក្នុងវិស័យអចលនទ្រព្យដ៏រឹងមាំ បំពេញតម្រូវការដែលកំពុងកើនឡើងនៅវៀតណាម។ ប្រធានរដ្ឋសភាបានសម្តែងការគាំទ្រចំពោះផែនការនាំចូលផលិតផលមាន្រភពពីវៀតណាម ដើម្បីបើកមជ្ឈមណ្ឌលលក់ និងផ្សារទំនើបសម្រាប់គ្រឿងប្រើប្រាស់ក្នុងផ្ទះនៅប្រទេសនូវែលសេឡង់។

នាព្រឹកមិញផងដែរ តំណាងក្រុមហ៊ុន VietTechNZ បានអញ្ជើញចូលជួបសម្តែងការគួរសមប្រធានរដ្ឋសភាវៀតណាម លោក Vuong Dinh Hue និងរាយការណ៍ជូនប្រធានរដ្ឋសភាអំពីសកម្មភាព និងការខិតខំប្រឹងប្រែងដើម្បីតភ្ជាប់អង្គភាព និងបុគ្គលិកដែលកំពុងធ្វើការក្នុងឧស្សាហកម្មបច្ចេកវិទ្យាព័ត៌មាននៅប្រទេសនូវែលសេឡង់៕

តាម VOV5 - វិទ្យុសំឡេង​វៀតណាម

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

នាព្រឹកថ្ងៃទី២៧ ខែមីនា ឆ្នាំ២០២៤ នៅឯវិមានរដ្ឋសភា (ហាណូយ) ប្រធានរដ្ឋសភាវៀតណាមលោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand ប្រធានអនុគណៈកម្មការទទួលបន្ទុកការគំរាមកំហែងដែលកំពុងកើតមាន គណៈកម្មការកិច្ចការយោធានៃព្រឹទ្ធសភាអាមេរិក ជាមួយគណៈប្រតិភូសមាជិកសភា តំណាងគណៈបក្សនយោបាយនិងបណ្តារដ្ឋនៅអាមេរិក ដែលកំពុងបំពេញទស្សនកិច្ចការងារនៅវៀតណាម។

Top