នាយប់ថ្ងៃទី៦ ខែសីហា ឆ្នាំ២០២២ ពិធីបិទមហោស្រពផ្សាយសម្លេងទូទាំងប្រទេសលើកទី១៥ ឆ្នាំ២០២២ បានប្រព្រឹត្តទៅនៅរោងមហោស្រពទីក្រុងហូជីមិញ។
ស្នាដៃ "ទីក្រុងក្នុងការចងចាំរបស់ខ្ញុំ" របស់ក្រុមអ្នកនិពន្ធនៃ VOV5 - វិទ្យុសម្លេងវៀតណាម (Thu Hoa - Hong Anh - Anh Tuan) បានឈ្នះរង្វាន់មាសក្នុងប្រភេទបទយកការណ៍និងសម្ភាសន៍។ (រូបថត៖ VOV)
ថ្លែងនៅពិធីបិទ លោក Do Tien Sy អគ្គនាយកវិទ្យុសម្លេងវៀតណាមបានសង្កត់ធ្ងន់ថា មហោស្រពលើកនេះ មាន “ចំណុចលេចធ្លោជាងគេ” ជាច្រើន ដោយមានចំនួនគណៈប្រតិភូ ស្នាដៃចូលរួមការប្រកួត ប្រភេទពានរង្វាន់ និងចំនួនរង្វាន់ច្រើនបំផុង បើធៀបនឹងមហោស្រពមុនៗ។
វាយតំលៃពីគុណភាពនៃស្នាដៃចូលរួមការប្រកួតឆ្នាំនេះ លោកអគ្គនាយកវិទ្យុសម្លេងវៀតណាមបានចាត់ទុកថា ស្នាដៃទាំងអស់សុទ្ធតែមានគុណភាពលេចធ្លោទាំងខ្លឹមសារ និងទម្រង់ ដែលឆ្លុះបញ្ចាំងនូវគ្រប់ទិដ្ឋភាពនៃជីវភាពនយោបាយ សេដ្ឋកិច្ច សង្គមរបស់ប្រទេសជាតិ; ក្នុងនោះ លេចធ្លោគឺការអនុវត្តសេចក្តីសម្រេចចិត្តនៃមហាសន្និបាតបក្សទូទាំងប្រទេសលើកទី១៣; ដំណោះស្រាយសម្រាប់ការស្ដារនិងអភិវឌ្ឍសេដ្ឋកិច្ចឡើងវិញ បន្ទាប់ពីជំងឺរាតត្បាត កូវីដ-១៩; ការងារកសាងបក្ស ការប្រយុទ្ធប្រឆាំងអំពើពុករលួយ ភាពអសកម្ម ជាដើម។ ស្នាដៃជាច្រើនបានរំលេចគំរូមនុស្សល្អ ការងារល្អ គំរូជឿនលឿន ហើយមានស្នាដៃខ្លះប្រកបដោយលក្ខណៈបដិវាទ ដែលស្នើឡើងដំណោះស្រាយរួមចំណែកទៅក្នុងការអភិវឌ្ឍសង្គម។
នៅពិធីបិទ គណៈចាត់តាំងបានប្រគល់រង្វាន់ពិសេសចំនួន១ រង្វាន់មាសចំនួន ២៨ រង្វាន់ប្រាក់ចំនួន ៥៨ រង្វាន់ រង្វាន់សំរឹទ្ធចំនួន ៧១ រង្វាន់ រង្វាន់លើកទឹកចិត្តជាច្រើន និងប្រភេទពានរង្វាន់ផ្សេងៗទៀត៕
តាម VOV5 - វិទ្យុសំឡេងវៀតណាម