ព័ត៌មាន
នាយករដ្ឋមន្ត្រី លោក ហ្វាម មិញ ជីញបញ្ចប់ប្រកបដោយជោគជ័យដំណើរដំណើរទស្សនកិច្ចចូលរួមកិច្ចប្រជុំកំពូលជី ២០ និងបំពេញទស្សនកិច្ចជាផ្លូវការនៅសាធារណរដ្ឋដូមីនីកែន
ក្នុងកិច្ចប្រជុំកំពូលជី ២០ ដែលប្រព្រឹត្តទៅនៅប្រទេសប្រេស៊ីល នាយករដ្ឋមន្ត្រី លោក ហ្វាម មិញ ជីញនិងគណៈប្រតិភូជាន់ខ្ពស់វៀតណាមបានចូលរួមយ៉ាងសកម្ម និងមានប្រសិទ្ធភាពក្នុងគ្រប់សកម្មភាពផ្លូវការនៃកិច្ចប្រជុំ។ ការចូលរួមនិងការរួមចំណែករបស់វៀតណាមនៅក្នុងកិច្ចប្រជុំនេះ បានបង្ហាញសារចំនួនបីអំពីវៀតណាមដែលជាប្រទេសម្ចាស់ការ ជឿជាក់លើខ្លួនឯង និងជាប្រទេសខ្លួនទីពឹងខ្លួន។ វៀតណាមជាដៃគូពហុភាគីដែលអាចទុកចិត្តបាន; វៀតណាមគឺជាសមាជិកដែលមានទំនួលខុសត្រូវខ្ពស់នៃសហគមន៍អន្តរជាតិសម្រាប់រាល់កិច្ចខិតខំប្រឹងប្រែងរួមជាសកល។
ក៏នៅប្រេស៊ីល នាយករដ្ឋមន្ត្រី លោក ហ្វាម មិញជីញ និងប្រធានាធិបតីប្រេស៊ីល Lula da Silva បានចេញសេចក្តីថ្លែងការណ៍រួមរវាងវៀតណាមនិងប្រេស៊ីល ស្តីពីការបង្កើនទំនាក់ទំនងទៅជាដៃគូយុទ្ធសាស្ត្រ។ ការដែល ប្រេស៊ីលជាប្រទេសនៅអាមេរិកខាងត្បូងដំបូងគេដែលវៀតណាមបង្កើតភាពជាដៃគូយុទ្ធសាស្ត្រគឺជាព្រឹត្តិការណ៍សំខាន់មួយ បង្ហាញការប្តេជ្ញាចិត្តរបស់រដ្ឋាភិបាលទាំងពីរក្នុងការបើកទូលាយកិច្ចសហប្រតិបត្តិការដែលនាំមកនូវទំនាក់ទំនងកាន់តែស៊ីជម្រៅនិងជាក់ស្តែង កាន់តែមានស្ថេរភាព និងនិរន្តរភាព។
បន្ទាប់មក លោកនាយករដ្ឋមន្ត្រីបានទៅបំពេញទស្សនកិច្ចជាផ្លូវការនៅសាធារណរដ្ឋដូមីនីកែន ដែលជាដំណើរទស្សនកិច្ចលើកដំបូងរបស់ថ្នាក់ដឹកនាំជាន់ខ្ពស់វៀតណាមក្នុងប្រវត្តិសាស្ត្រទំនាក់ទំនងរវាងប្រទេសទាំងពីរ។ លទ្ធផលនៃដំណើរទស្សនកិច្ចនេះនឹងបើកដំណាក់កាលថ្មីមួយក្នុងទំនាក់ទំនងរវាងប្រទេសទាំងពីរ៕
