នៅក្នុងជំនួបនេះ លោករដ្ឋមន្ត្រី Luong Tam Quang បានសង្កត់ធ្ងន់ថា ក្រុមប្រឹក្សាឧស្សាហកម្មបច្ចេកវិទ្យាព័ត៌សហរដ្ឋអាមេរិក ជាអង្គការដ៏មានកិត្យានុភាពនិងមានឥទ្ធិពលនៅអាមេរិក ដែលបានប្រមូលផ្តុំក្រុមហ៊ុនឈានមុខគេនៅលើពិភពលោកក្នុងវិស័យបច្ចេកវិទ្យាព័ត៌មាន និងទូរគមនាគមន៍ បានដើរតួនាទីជាស្ពានតភ្ជាប់ដ៏សំខាន់ ដើម្បីជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគរវាងវៀតណាម និងសហរដ្ឋអាមេរិក ជាពិសេសការវិនិយោគរបស់សហគ្រាសបច្ចេកវិទ្យាព័ត៌មានឈានមុខរបស់សហរដ្ឋអាមេរិកនៅវៀតណាម។
រីឯខ្លួនវិញ លោក Jason Oxman ប្រធានក្រុមប្រឹក្សាឧស្សាហកម្មបច្ចេកវិទ្យាព័ត៌មានសហរដ្ឋអាមេរិកបានឲ្យដឹងថា បច្ចុប្បន្ននេះ ក្រុមប្រឹក្សាមានធុរកិ្ចចជាសមាជិកជាង ៨០អង្គភាព ហើយសុទ្ធតែជាសហគ្រាសឈានមុខគេរបស់សហរដ្ឋអាមេរិកក្នុងវិស័យឧស្សាហកម្ម និងបច្ចេកវិទ្យាខ្ពស់។ ក្នុងដំណើរទស្សនកិច្ចលើកនេះ ក្រុមប្រឹក្សាមានបំណងចង់ស្វែងយល់កាន់តែស៊ីជម្រៅអំពីបរិយាកាសវិនិយោគ និងគោលនយោបាយរបស់វៀតណាម។ នាពេលខាងមុខ ដើម្បីជំរុញទំនាក់ទំនងសេដ្ឋកិច្ច ពាណិជ្ជកម្ម និងវិនិយោគ ឲ្យបានសមស្របនឹងសន្ទុះអភិវឌ្ឍន៍នៃទំនាក់ទំនងរវាងប្រទេសទាំងពីរ ក្រុមប្រឹក្សាសង្ឃឹមថា រដ្ឋាភិបាលវៀតណាមនិយាយរួម និងក្រសួងនគរបាលនិយាយដោយឡែក នឹងបន្តយកចិត្តទុកដាក់ បង្កលក្ខណៈងាយស្រួលសម្រាប់ធុរកិច្ចអាមេរិកធ្វើការវិនិយោគប្រកបដោយស្ថិរភាពនិងយូរអង្វែងនៅវៀតណាម។ ទន្ទឹមនឹងនោះ ក្រុមប្រឹក្សាក៏ចង់បន្តសហការយ៉ាងជិតស្និទ្ធជាមួយអង្គភាពពាក់ព័ន្ធក្នុងក្រសួងនគរបាល ក្នុងការពិគ្រោះយោបល់គោលនយោបាយ កិច្ចសហប្រតិបត្តិការដើម្បីលើកកម្ពស់សមត្ថភាព ការផ្លាស់ប្តូរព័ត៌មាន និងបទពិសោធន៍ និងវិស័យផ្សេងៗទៀតរវាងភាគីទាំងពីរ៕
