ដោយមានវត្តមាននៅលើទីផ្សារអស់រយៈពេល ២២ ឆ្នាំ ហើយបច្ចុប្បន្នមានរោងចក្រផលិតចំនួន ១២ ក្រុមហ៊ុន Sunhouse គ្រុប បានគេស្គាល់ថា ជាម៉ាកយីហោឈានមុខគេមួយក្នុងវិស័យផលិត និងជួញដូរឧបករណ៍ប្រើប្រាស់ក្នុងផ្ទះ និងឧបករណ៍ប្រើប្រាស់ក្នុងផ្ទះបាយ នៅក្នុងប្រទេសវៀតណាម។ ដោយសេចក្តីប្រាថ្នារបស់ជនជាតិវៀតណាម និងប្រាជ្ញារបស់វៀតណាម បច្ចុប្បន្ននេះ ក្រុមហ៊ុន Sunhouse គ្រុប កំពុងព្យាយាមកសាងម៉ាកយីហោល្បីៗ ទូទាំងពិភពលោកជាមួយនឹងប្រាក់ចំណូលរាប់ពាន់លានដុល្លារនៅឆ្នាំ ២០២៥។
ជំហានដំបូង ដើម្បីកសាងបណ្តាញរោងចក្រ
ដូចជាបុព្វហេតុចាប់ផ្តើមអាជីវកម្មរបស់សហគ្រិនជាច្រើននាក់ដទៃទៀត លោក ង្វៀន ស្វឹនភូ (Nguyen Xuan Phu) ប្រធានក្រុមប្រឹក្សាភិបាលនៃក្រុមហ៊ុន Sunhouse គ្រុបបាននិយាយថា នៅឆ្នាំ ២០០០ លោកបានបង្កើតក្រុមហ៊ុន ភូថាំង (Phu Thang) (ប្រភពដើមមនៃក្រុមហ៊ុន Sunhouse គ្រុប) ដើម្បីនាំចូលផលិតផលរបស់កូរ៉េខាងត្បូង ដូចជាឆ្នាំង និងខ្ទះ... ដើម្បីលក់នៅក្នុងប្រទេសវៀតណាមវិញ។លោក វ៉ូ ថាញហាយ (Vu Thanh Hai) នាយកផ្នែកលក់ទូទាំងប្រទេសរបស់ក្រុមហ៊ុន Sunhouse គ្រុប មានប្រសាសន៍ថា៖ “Sunhouse ដែលជាសហគ្រាសមានប្រព័ន្ធអេកូឡូស៊ីផលិតឧបករណ៍ប្រើប្រាស់ក្នុងផ្ទះធំជាងគេនៅវៀតណាម ហើយកំពុងធ្វើដំណើរកសាងម៉ាកយីហោល្បីៗ ទូទាំងពិភពលោក។ ដូច្នេះហើយ យើងមិនពេញចិត្តនឹងភាពជោគជ័យដែលយើងមាននោះទេ ប៉ុន្តែយើងតែងតែស្វែងរកមធ្យោបាយ ដើម្បីពង្រីកទីផ្សារថ្មីៗ ដូចជានៅឆ្នាំ ២០២២ យើងបាននាំចេញទៅកាន់ទីផ្សារអាមេរិក (លក់នៅលើ Amazon) បន្ទាប់មកពង្រីកការនាំចេញទៅកាន់ប្រទេសឥណ្ឌូនេស៊ី។
ដំណើរស្រាវជ្រាវទីផ្សារនៅបរទេសបានជួយលោកពង្រីកការយល់ដឹងរបស់លោក ហើយលោក ភូ (Phu) ដឹងថា ប្រជាជនវៀតណាមក៏អាចផលិតផលិតផល បើករោងចក្រ និងធ្វើជាម្ចាស់បច្ចេកវិទ្យា ដើម្បីប្រៀបប្រដូចនឹងប្រទេសធំៗ នៅទ្វីបទាំងប្រាំ។ ដោយនាំមកនូវជំនឿ និងបំណងប្រាថ្នារបស់សហគ្រាសវៀតណាមផលិតផលិតផលវៀតណាម លោក ភូ (Phu) បានវិនិយោគ និងផលិតចេញឧបករណ៍ប្រើប្រាស់ក្នុងផ្ទះជាបណ្តើរៗ។
រហូតដល់២០០៣ ក្រុមហ៊ុន Sunhouse គ្រុប បានសម្របសម្រួលជាមួយប្រទេសកូរ៉េខាងត្បួងជាផ្លូវការដើម្បីកសាងរោងចក្រដំបូងសម្រាប់ការផលិតខ្ទះមិនជាប់ស្អិតបាត ឆ្នាំងដែកអ៊ីណុក... ឆ្នាំ ២០០៥ បានកត់សម្គាល់ពីភាពរីកចម្រើនរបស់ក្រុមហ៊ុននេះ នៅពេលដំឡើងខ្សែសង្វាក់ផលិត Anode ត្រជាក់ពីប្រទេសកូរ៉េខាងត្បូង អាស្រ័យហេតុនេះការប្រើប្រាស់ខ្សែសង្វាក់ផលិត Anode ត្រជាក់អាចប្រើប្រាស់ក្នុងរយៈពេលយូរ ប្រឆាំងនឹងការឆ្លងអគ្គីសនី និងប្រឆាំងនឹងសំណឹក ដែលគឺជាកក្តាល្អខ្លាំងណាស់សម្រាប់ផលិតផលឆ្នាំង ហើយខ្សែរសង្វាក់នេះអាចផលិតចេញឆ្នាំងចំនួន ៤៨០,០០០ ឈុតក្នុងមួយឆ្នាំ។ មិនឈប់ឈរនៅទីនោះ ក្រុមហ៊ុន Sunhouse គ្រុប បន្តដាក់ឲ្យដំណើរការខ្សែសង្វាក់ផលិតឧបករណ៍ប្រើប្រាស់ក្នុងផ្ទះបាយមួយចំនួន ដូចជា៖ខ្សែសង្វាក់ផលិតឆ្នាំងដាំបាយអគ្គីសនី ខ្សែសង្វាក់ផលិតចង្រ្កានហ្គា ខ្សែសង្វាក់ផលិតចង្រ្កានអាំងឌុចទ័រដូច រោងចក្រផលិតម៉ាស៊ីនចម្រោះទឹក R.O រោងចក្រផលិតអាលុយមីញ៉ូម និងប្លាស្ទិច រោងចក្រផលិតឆ្នាំងចៀនមិនប្រើប្រាស់ប្រេងឆាដែលនាំចេញទៅអាមេរិក...
បណ្តាញរោងចក្រធំ ៗ ត្រូវបានដាក់ឱ្យដំណើរការជាបន្តបន្ទាប់ ក្នុងរយៈពេលដ៏ខ្លី រួមជាមួយនឹងការធ្វើជាម្ចាស់នៃបច្ចេកវិទ្យាស្នូល និងលើកកម្ពស់គុណភាពផលិតផលក្នុងវិស័យចំនួន ៤ រួមមាន ប្លាស្ទិក មេកានិច មីក្រូឈីប កំដៅ និងបច្ចេកវិទ្យាជំនួយ (ស្រោប មិនជាប់ស្អិត) ដែលបញ្ជាក់ពីភាពជាម្ចាស់របស់ក្រុមហ៊ុន Sunhouse គ្រុប ចំពោះបច្ចេកវិជ្ជា ក្នុងការផលិតឧបករណ៍ប្រើប្រាស់ក្នុងផ្ទះបាយជាច្រើនប្រភេទ ដើម្បីឆ្លើយតបនឹងតំរូវការរបស់អ្នកប្រើប្រាស់ក្នុងស្រុក និងការនាំចេញ។
ផលិតផលឆ្នាំងចៀនមិនប្រើប្រាស់ប្រេងឆា និងអំពូល LED ដែលផលិតដោយក្រុមហ៊ុន Sunhouse គ្រុប បានឆ្លើយតបនឹងបទដ្ឋានអន្តរជាតិដ៏តឹងរឹងបំផុត ហើយបានទទួលស្គាល់ដោយសហរដ្ឋអាមេរិក និងទទួលបានការបញ្ជាទិញជាច្រើន។ ប្រាក់ចំណូលរបស់រោងចក្រទាំងពីរខាងលើនេះក្នុងឆ្នាំ ២០២១ នឹងឈានដល់ជិត ១.៥០០ ពាន់លានដុង។ ផលិតផលដូចជា ខ្ទះមិនជាប់ស្អិតបាត ឆ្នាំងដែកអ៊ីណុក ឆ្នាំង anod និងឆ្នាំងបាយអគ្គិសនី របស់ក្រុមហ៊ុន Sunhouse គ្រុប មានវត្តមាននៅលើទីផ្សារអន្តរជាតិជិត ២០ ដូចជាប្រទេសឡាវ កម្ពុជា មីយ៉ាន់ម៉ា ប្រេស៊ីល សហរដ្ឋអាមេរិក កូរ៉េ ជប៉ុន កាណាដា ... ជាមួយនឹងទំហំនៃការនាំចេញឈានដល់ ១០០លានដុល្លារក្នុងមួយឆ្នាំ។
Sunhouse - មោទនភាពនៃផលិតផលវៀតណាម
ក្នុងនាមជាសហគ្រាសធំជាងគេនៅវៀតណាមក្នុងវិស័យផលិតឧបករណ៍ប្រើប្រាស់ក្នុងផ្ទះបាយ ក្រុមហ៊ុន Sunhouse គ្រុប តែងតែស្រាវជ្រាវ និងអនុវត្តវិទ្យាសាស្ត្រ និងបច្ចេកវិទ្យាដ៏ទំនើប ដើម្បីកែលម្អគុណភាព និងលក់ចេញផលិតផលប្រកបដោយសោភ័ណភាព និងសុវត្ថិភាពសម្រាប់អ្នកប្រើប្រាស់។ ក្រុមហ៊ុន Sunhouse គ្រុប បាន នឹងកំពុងវិនិយោគលើធនធានមនុស្សកម្រិតខ្ពស់ ដើម្បីពានាំមកម៉ាកយីហោ Sunhouse ក្លាយទៅជាសហគ្រាសដែលមានតម្លៃរាប់ពាន់លានដុល្លារអាមេរិក ឆ្នាំ ២០២៥។ ក្រុមហ៊ុន Sunhouse គ្រុបក៏បានដាក់ចេញគោលដៅយុទ្ធសាស្ត្រជាមួយនឹងប្រាក់ចំណូលចំនួន ៥០០០ ពាន់លានដុងនៅឆ្នាំ ២០២២ ហើយទទួលបាន ១០០០០ ពាន់លានដុងនៅឆ្នាំ ២០២៥។
លោក វូ ថាញហាយ (Vu Thanh Hai) នាយកផ្នែកលក់ទូទាំងប្រទេសរបស់ក្រុមហ៊ុន Sunhouse គ្រុប បានមានប្រសាសន៍ថា៖ “បច្ចុប្បន្នក្រុមហ៊ុន Sunhouse គ្រុបបាននិងកំពុងកសាងប្រព័ន្ធអេកូឡូស៊ីនៃ 'ផ្ទះបាយរបស់ប្រជាជនវៀតណាមពោរពេញទៅដោយសុភមង្គល' ។ ដោយមានប្រព័ន្ធលក់ចំនួន ៦០០០០ កន្លែង និងផលិត និងជួញដូរឧបករណ៍ប្រើប្រាស់ក្នុងគ្រួសារចំនួន ៥០០ ក្រុម ដែលមានផលិតផលមួយចំនួនបានកាន់កាប់ ៣០% នៃចំណែកទីផ្សារក្នុងស្រុក។ ក្នុងនោះចង្រ្កានហ្គាស ឆ្នាំងបាយអគ្គីសនី ខ្ទះមិនជាប់ស្អិតបាត បានទទួលវិញ្ញាបនបត្រអំពីកិត្យានុភាពអស់រយៈពេលជាច្រើនឆ្នាំជាប់ៗគ្នា ហើយទទួលបានតំណែងឈានមុខគេក្នុងឧស្សាហកម្មផលិតឧបករណ៍ប្រើប្រាស់ក្នុងផ្ទះ និងក្នុងបេះដូងអ្នកប្រើប្រាស់វៀតណាម។"
ក្រុមនិយោជិតចំនួន ២៥០០ នាក់ ដែលស្រឡាញ់ការងារ ជាមួយនឹងសម្ភារៈបរិក្ខារ និងធនធានមនុស្សដ៏មានសក្តានុពល ក្រុមហ៊ុន Sunhouse គ្រុប បានអភិវឌ្ឍប្រកបដោយនិរន្តរភាព មិនត្រឹមតែនៅក្នុងទីផ្សារវៀតណាមប៉ុណ្ណោះទេ ថែមទាំងបានវាយតំលៃខ្ពស់នៅក្នុងទីផ្សារអន្តរជាតិផងដែរ។/.
ក្រុមហ៊ុន Sunhouse គ្រុបទទួលបានពានរង្វាន់ដ៏មានកិត្យានុភាពជាច្រើនដូចជា "ទំនិញវៀតណាមមានគុណភាពខ្ពស់” ដែលបានបោះឆ្នោតនិងជ្រើសរើសដោយអ្នកប្រើប្រាស់ជាច្រើនឆ្នាំជាប់ៗគ្នា ចាប់ពីឆ្នាំ ២០១២ ដល់ ២០២១ ផលិតផលឧស្សហកម្មសំខាន់នៃរដ្ឋធានី ចាប់ពីឆ្នាំ ២០១៤ ដល់ ២០២១។ ពានរង្វាន់កំពូល ១ "ទំនិញវៀតណាមដែលអ្នកប្រើប្រាស់ចូលចិត្ត" ក្នុងឆ្នាំ ២០១៦ ដល់ ២០២១។ ក្រុមហ៊ុន Sunhouse គ្រុប ក៏មានមោទនភាពផងដែរដែលបានក្លាយជាសហគ្រាសតែមួយគត់នៅក្នុងឧស្សាហកម្មផលិតឧបករណ៍ប្រើប្រាស់ក្នុងផ្ទះបាយដែលបានទទួលស្គាល់ជា "ម៉ាកយីហោជាតិ" (រយៈពេល ២០១៨ - ២០២០ - ២០២២) ។
