នៅជើងស្ពាន ឡុងបៀន (Long Bien) បរិយាកាសមួយដែលពោរពេញទៅ​ដោយ​ពណ៌បៃតងកំពុងបង្កើតជាបណ្តើរៗ។ ផ្កាកូស្មូសពណ៌លឿងរាប់ម៉ឺន បានរីក​ស្គុះស្គាយយ៉ាងត្រចះត្រចង់ បន្ថែមលម្អវាលដុះដីទន្លេ ហ៊ុង (Hong) ដែលធ្លាប់ជា​ទីគំនរសំរាម។ ការផ្លាស់ប្តូរដោយអព្ភូតហេតុនេះ គឺជាលទ្ធផលនៃកិច្ចខិតខំប្រឹងប្រែងមិនចេះនឿយហត់របស់សហគមន៍ និងអាជ្ញាធរក្នុងតំបន់។

ពីមុន វាល​​ដីដុះនៅ​មាត់ទន្លេហ៊ុង (Hong)  គឺជាទីរហោស្ថាននៃទីក្រុង។ កាកសំណល់​ ថង់ nilon ដប... គរទាំងគំនរ​លើ​ផ្ទៃដី​ធំ​មួយ ។ ក្លិន​ស្អុយ​ដ៏​ខ្លាំង​បាន​បណ្តេញ​សត្វ​ ហើយ​ទេសភាព​បាក់ច្រាំងទន្លេ ហ៊ុង (Hong)   ​ធ្វើ​ឱ្យ​មនុស្ស​ជា​ច្រើន​ព្រួយ​បារម្ភ។

ទោះយ៉ាងណាក៏ដោយ ដោយមានការចូលរួម​ពីអាជ្ញាធរមូលដ្ឋាន អង្គការសង្គម និងប្រជាពលរដ្ឋ វាល​ដីដុះនៅ​មាត់​ទន្លេ ហុង (Hong) ត្រូវបានស្តារឡើងវិញ។ កាកសំណល់រាប់ពាន់ម៉ែត្រគុបត្រូវបានប្រមូល និងកែច្នៃ។ អ្នកជំនាញបរិស្ថានបានកែលម្អដី ដាំដើមឈើ ផ្កា និងស្មៅ បង្កើតប្រព័ន្ធអេកូឡូស៊ីថ្មី។ ជាពិសេស ផ្កាកូស្មូសពណ៌​លឿងជាប្រភេទផ្កា ដែលមានពណ៌ភ្លឺ និង​លូតលាស់ពូកែ  បានស្រូបយក​បរិយាកាស បង្កើតជា​កម្រាលព្រំផ្កាពណ៌លឿងភ្លឺចិញ្ជាច។

ការផ្លាស់ប្តូរនៃវាល​ដីដុះនេះ ​មិនត្រឹមតែនាំមកនូវតម្លៃសោភ័ណភាពប៉ុណ្ណោះទេ ថែមទាំងរួមចំណែកដល់ការកែលម្អបរិយាកាសរស់នៅផងដែរ។ ដើមឈើជួយត្រងខ្យល់ កាត់បន្ថយការបំពុលដោយសំឡេង និងបង្កើតបរិយាកាសរស់នៅបរិសុទ្ធ។ វាលដី​ដុះក្លាយជាសួតពណ៌បៃតងនៅកណ្តាលទីក្រុង ដែលរួមចំណែកកាត់បន្ថយឥទ្ធិពលផ្ទះកញ្ចក់ និងបម្រែបម្រួលអាកាសធាតុ។

ក្រៅ​ពី​នេះ វាលដី​ដុះ​ក៏​ជា​កន្លែង​ទាក់ទាញ​ភ្ញៀវ​ទេសចរ​ផង​ដែរ។ នៅពេលព្រឹកព្រលឹម ឬពេលរសៀល មនុស្សជាច្រើនមកទីនេះដើម្បីហាត់ប្រាណ ថ្មើជើង និងរីករាយជាមួយខ្យល់អាកាសបរិសុទ្ធ។ យុវជនតែងតែជ្រើសរើសកន្លែងនេះជាកន្លែងថតរូប និងរៀបចំសកម្មភាពក្រៅកម្មវិធីសិក្សា។ វាលដី​ដុះបានក្លាយជាផ្នែកមួយដែលមិនអាចខ្វះបាននៃជីវិតរស់នៅរបស់ប្រជាជនក្នុងតំបន់។

ភាពជោគជ័យនៃការកែលម្អ​វាល​ដីដុះនេះ​គឺជាមេរៀនដ៏មានតម្លៃអំពីការ​សម្របសម្រួលរវាងសហគមន៍ និងអាជ្ញាធរ។ នេះបង្ហាញយើងថា ដោយ​ការតាំងចិត្ត និងសកម្មភាពរបស់មនុស្សម្នាក់ៗ យើងអាចបង្កើតបន្កាស់ប្តូរជាវិជ្ជមានទាំងស្រុងសម្រាប់បរិយាកាសជុំវិញខ្លួន។

សួនផ្កាបានក្លាយទៅជាកន្លែងថតរូបដ៏ពេញនិយមសម្រាប់ប្រជាជនហាណូយ (Ha Noi) ។

ទិដ្ឋភាពរួមនៃសួនផ្កាកូស្មូសពណ៌លឿង ស្ថិតក្រោមជើងស្ពាន ឡុងបៀន (Long Bien) ។

វាលដីដុះនេះត្រូវបានគ្របដណ្ដប់ដោយពណ៌លឿងនៃផ្កាកូស្មូស ហើយត្រូវបានគេដាក់ឈ្មោះយ៉ាងរ៉ូមែនទិកថា កំពង់ផែផ្កា ភូកស្វា (Phuc Xa)។

ផ្កាកូស្មូសលឿងរីកស្គុះស្គាយរាប់ពាន់ផ្កាលាយឡំជាមួយពន្លឺព្រះអាទិត្យ បង្កើតភាពស្រស់ស្អាតរ៉ូម៉ែនទិក។

សម្រស់នៃផ្កាកូស្មូសលឿង។

ផ្កាកូស្មូសលឿងមានឈ្មោះវិទ្យាសាស្ត្រថា Cosmos។ នេះជាប្រភេទរុក្ខជាតិស្មៅ កម្ពស់ ៣០-៤០ សង់ទីម៉ែត្រ ចូលចិត្តពន្លឺ ធន់នឹងគ្រោះរាំងស្ងួត ច្រើនតែដុះតាមគុម្ពោត។

ពេលវេលាដ៏ល្អបំផុតដើម្បីថតរូបនៅសួនផ្កានេះគឺពេលព្រឹកព្រលឹម នៅពេលដែលមានពន្លឺពីព្រះអាទិត្យរះស្រាល ឬពេលព្រះអាទិត្យលិច។ នៅពេលនេះ សួនផ្កាទាំងមូលត្រូវបានរំលេចដោយពណ៌លឿងគួរឱ្យទាក់ទាញ។

បច្ចុប្បន្ននេះ ទីតាំងនេះត្រូវបានបើកឱ្យចូលទេស្សនាដោយឥតគិតថ្លៃសម្រាប់ប្រជាពលរដ្ឋ និងភ្ញៀវទេសចរទាំងអស់។ នៅក្បែរសួនផ្កា ក៏មានសេវាកម្មផ្ញើយានយន្តផងដែរ ដោយតម្លៃចាប់ពី ៥០០០ ដុង/ម៉ូតូ, ៣០០០០ ដុង/ឡាន។

ភាពស្រស់ស្អាតនៃវាលផ្កាកូស្មូសលឿងបានក្លាយជាប្រភពនៃការបំផុសគំនិតសម្រាប់អ្នកថតរូប ដើម្បីបង្កើតស្នាដៃអស្ចារ្យផងដែរ។.

នារីហាណូយមានសម្រស់ស្រស់ស្អាតនៅពេលពាក់អាវផាយ ក្បែព្រំផ្កាកូស្មូសពណ៌លឿង។.

ផ្កាកូស្មូសពណ៌លឿងរីកលាយឡំជាមួយពន្លឺព្រះអាទិត្យ ដើម្បីបង្កើតភាពស្រស់ស្អាតរ៉ូមែនទិកបែបកំណាព្យ។g.

នារីហាណូយរីករាយនឹងការឈរថតរូបក្បែរផ្កាកូស្មូសពណ៌លឿង។.