យោងតាមឯកអគ្គរដ្ឋទូតគុយបា វៀតណាមតំណាងឲ្យការតស៊ូដណ្តើមសិទ្ធិមនុស្សសម្រាប់ប្រជាជនខ្លួន។
ឯកអគ្គរដ្ឋទូតគុយបាប្រចាំនៅវៀតណាមលោក Orlando Nicolás Hernández Guillén
ក្នុងបទសម្ភាសន៍ជាមួយអ្នកយកព័ត៌មាន នៃវិទ្យុសម្លេងវៀតណាមក្នុងឱកាសបុណ្យចូលឆ្នាំថ្មីប្រពៃណីជាតិឆ្នាំ ២០២៣ អញ្ជើញវាយតម្លៃសមិទ្ធិផលរបស់វៀតណាមក្នុងឆ្នាំ ២០២២ ឯកអគ្គរដ្ឋទូតគុយបាប្រចាំនៅវៀតណាមលោក Orlando Nicolás Hernández Guillén បានអះអាងថា គុយបាគាំទ្រយ៉ាងពេញទំហឹងចំពោះការជាប់ឆ្នោតចូលក្រុមប្រឹក្សាសិទ្ធិមនុស្សអង្គការសហប្រជាជាតិ សម្រាប់អាណត្តិ ២០២៣-២០២៥។ យោងតាមឯកអគ្គរដ្ឋទូតគុយបា វៀតណាមតំណាងឲ្យការតស៊ូដណ្តើមសិទ្ធិមនុស្សសម្រាប់ប្រជាជនខ្លួន។
ប្រការនោះ សម្រេចបានដោយសារប្រវត្តិសាស្ត្រនៃការតស៊ូ ការលះបង់ ជ័យជំនះ ការដណ្តើមឯករាជ្យជាតិ ការអភិវឌ្ឍប្រទេសជាតិ ក៏ដូចជាការខិតខំប្រឹងប្រែងរបស់វៀតណាមក្នុងដំណើរការសមាហរណកម្មអន្តរជាតិ និងការតស៊ូដើម្បីសន្តិភាព។ លោកបានវាយតម្លៃខ្ពស់ចំពោះវឌ្ឍនភាពសង្គមដែលវៀតណាមសម្រេចបានលទ្ធផលលេចធ្លោក្នុងវិស័យសុខាភិបាល និងអប់រំ។ អ្នកការទូតគុយបារូបនេះបានលើកឡើងពីសមិទ្ធិផលលេចធ្លោរបស់វៀតណាមក្នុងការស្តារ និងអភិវឌ្ឍន៍សេដ្ឋកិច្ចក្រោយការរាតត្បាត រួមទាំងកំណើន GDP សម្រេចបាន ៨% ក្នុងឆ្នាំ ២០២២ ដែលជាអត្រាខ្ពស់បំផុតនៅតំបន់អាស៊ីអាគ្នេយ៍៕