ឧបនាយករដ្ឋមន្រ្តីអចិន្រ្តៃយ៍វៀតណាមលោក Truong Hoa Binh អញ្ជើញទៅទស្សនាស្ថានទូតវៀតណាមនៅសិង្ហបុរី (http://baochinhphu.vn)
ក្នុងក្របខ័ណ្ឌនៃដំណើរទស្សនកិច្ចជាផ្លូវការនៅសិង្ហបុរី នាព្រឹកថ្ងៃទី១៥ ខែកក្ដដា ឆ្នាំ២០១៧ ឧបនាយករដ្ឋមន្រ្តីអចិន្រ្តៃយ៍វៀតណាមលោក Truong Hoa Binh និងគណៈប្រតិភូរដ្ឋាភិបាលជាន់ខ្ពស់វៀតណាម បានអញ្ជើញទៅជួបសំណេះសំណាល ជាមួយកម្មាភិបាល បុគ្គលិកនៃស្ថានទូតវៀតណាម ប្រចាំនៅសិង្ហបុរី និងសហគមជនវៀតណាម ដែលកំពុងរស់នៅ ធ្វើការ និងសិក្សានៅ សិង្ហបុរី។
នៅទីនេះ លោក Truong Hoa Binh បានជូនដំណឹងស្ដីពីស្ថានភាពសេដ្ឋកិច្ច សង្គមកិច្ចវៀតណាមក្នុងរយៈពេលកន្លងទៅ។ លោកបានវាយតម្លៃខ្ពស់ចំពោះតួនាទីរបស់សហគមជនវៀតណាមនៅ សិង្ហបុរី ហើយស្នើឲ្យសមាជិកនីមួយៗនៃសហគមនេះបន្តពង្រីកស្មារតីសាមគ្គីភាព រក្សាប្រពៃណី អត្ថសញ្ញាណជាតិ ដើម្បីអភិវឌ្ឍន៍ប្រកបដោយនិរន្តរភាព និងធ្វើសមាហរណកម្មឲ្យស៊ីជម្រៅក្នុងសង្គមនៃប្រទេសសាមី។
ក្នុងឱកាសនេះ លោក Truong Hoa Binh ស្នើឲ្យស្ថានទូត រួមទាំងស្ថានប័នតំណាងនានាបន្តខិតខំប្រឹងប្រែងដើម្បីពង្រឹង និងពង្រីកថែមទៀតនូវទំនាក់ទំនងដៃគូយុទ្ធសាស្ត្រជា មួយសិង្ហបុរី ហើយបម្រើផលប្រយោជន៍នៃប្រទេសជាតិឲ្យបានល្អបំផុត ជាដើម៕
តាម VOV5 - វិទ្យុសំឡេងវៀតណាម