នាព្រឹកថ្ងៃទី២ ខែមិថុនា ឆ្នាំ២០១៩ នៅខេត្ត Bac Kan ឧបនាយករដ្ឋមន្ត្រីអចិន្ត្រៃយ៍រដ្ឋាភិបាលវៀតណាម លោក Truong Hoa Binh បានអញ្ជើញចូលរួមពិធីចេញដំណើរនៃយុទ្ធនាការយុវជនស្ម័គ្រចិត្តរដូវក្តៅឆ្នាំ ២០១៩។
យុទ្ធនាការយុវជនស្ម័គ្រចិត្តរដូវក្តៅឆ្នាំ ២០១៩ រួមមានកម្មវិធី “ជួយបន្តកម្លាំងចិត្តក្នុងរដូវកាលប្រឡង” និងយុទ្ធនាការចំនួន៤: គឺ “រដូវក្តៅបៃតង” “ផ្កាក្ងោកក្រហម” “វិស្សមកាលពណ៌ផ្កាឈូក” និងការ “ចេញដំណើរទ័ពបៃតង” ជាដើម។ សកម្មភាពនៃយុទ្ធនាការឆ្នាំនេះ ផ្តោតលើខ្លឹមសារនៃការចូលរួមក្នុងការកសាងជនបទថ្មី ការណែនាំបច្ចេកទេស ការផ្ទេរវិទ្យាសាស្រ្តនិងបច្ចេកវិទ្យា ការឧបត្ថម្ភប្រាក់កម្ចី ការសាងសង់គំរូសេដ្ឋកិច្ចសម្រាប់យុវវ័យជនបទជាដើម។
នាព្រឹកថ្ងៃដដែល ឧបនាយករដ្ឋមន្ត្រីលោក Truong Hoa Binh បានអញ្ជើញទៅទស្សនាតំបន់ប្រវត្តិសាស្រ្ត Na Tu ឃុំ Cam Giang ស្រុក Bach Thong និងចូលរួមក្នុងពិធីបើកការដ្ឋានសាងសង់សំណង់ផ្ទះវប្បធម៌ Tong Mu ឃុំ Duong Phong ស្រុក Bach Thong ខេត្ត Bac Kan ផងដែរ៕
តាម VOV5 - វិទ្យុសំឡេងវៀតណាម