ក្នុងជំនួបនេះ លោកឧបនាយករដ្ឋមន្ត្រី Nguyen Chi Dung បានចែករំលែកនូវគោលបំណងចង់បង្កើនការផ្លាស់ប្តូរ និងរៀនសូត្រពីបទពិសោធន៍របស់ចិនក្នុងការជំរុញការអភិវឌ្ឍសេដ្ឋកិច្ចឯកជន អភិវឌ្ឍតំបន់ពាណិជ្ជកម្មសេរី គោលនយោបាយកំណែទម្រង់ និងបើកចំហទ្វារដ៏គួរឲ្យកត់សម្គាល់របស់ចិននិយាយរួម និងខេត្ត Zhejiang និងទីក្រុង Ningbo និយាយដោយឡែក។

ក្នុងជំនួបនេះដែរ លោក Tang Feifan បានជឿជាក់ថា ទំនាក់ទំនងភាពជាដៃគូយុទ្ធសាស្ត្រលើគ្រប់ជ្រុងជ្រោយវៀតណាម - ចិននឹងបន្តអភិវឌ្ឍន៍យ៉ាងខ្លាំងក្លាថែមទៀត ជាពិសេសក្នុងកិច្ចសហប្រតិបត្តិការពាណិជ្ជកម្មអន្តរជាតិ និងការអភិវឌ្ឍឧស្សាហកម្មក្នុងដំណាក់កាលខាងមុខ។

អញ្ជើញទៅទស្សនានិងធ្វើការនៅតំបន់ពាណិជ្ជកម្មសេរី Ningbo (FTZ) នៅខេត្ត Zhejiang លោកឧបនាយករដ្ឋមន្ត្រី Nguyen Chi Dung បានសង្កត់ធ្ងន់ថា វៀតណាមមានគោលជំហរជំរុញការអភិវឌ្ឍសេដ្ឋកិច្ចឯកជន។ លោកឧបនាយករដ្ឋមន្ត្រីបានស្នើឱ្យថ្នាក់ដឹកនាំតំបន់ FTZ Ningbo ចែករំលែកគោលនយោបាយ គំរូ និងបទពិសោធន៍ក្នុងការអភិវឌ្ឍតំបន់ពាណិជ្ជកម្មសេរី ជាពិសេសគោលនយោបាយដែលកំពុងត្រូវបានសាកល្បងនៅក្នុង FTZ Ningbo ក៏ដូចជាគោលនយោបាយជាក់លាក់ដើម្បីជួយទ្រទ្រង់ការអភិវឌ្ឍ សេដ្ឋកិច្ចឯកជនផងដែរ។

ក្នុងក្របខ័ណ្ឌនៃដំណើរទស្សនកិច្ចការងាររបស់ឧបនាយករដ្ឋមន្ត្រីវៀតណាមលោក Nguyen Chi Dung ទៅកាន់ប្រទេសចិន គណៈប្រតិភូក៏បានជួបធ្វើការជាមួយគណៈកម្មការទទួលបន្ទុកការកែទម្រង់និងការអភិវឌ្ឍ សហព័ន្ធឧស្សាហកម្មនិងពាណិជ្ជកម្មខេត្ត Zhejiang ហើយធ្វើទស្សនកិច្ចការងារនៅក្រុមហ៊ុន Alibaba Group និងក្រុមហ៊ុន Dahua Group ផងដែរ៕