ឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាមលោក Pham Binh Minh បាន អញ្ជើញជួបសម្តែងការគួរសមប្រធានរដ្ឋសភាកម្ពុជាសម្តេចហេង សំរិន
នាព្រឹកថ្ងៃទី១៥ ខែមិនា ឆ្នាំ២០១៧ មុននឹងចូលរួមនិងធ្វើជាសហអធិបតី កិច្ចប្រជុំលើកទី១៥ នៃគណៈកម្មាធិការចម្រុះវៀតណាម -កម្ពុជានិងសន្និសីទសហប្រតិបត្តិការ និងអភិវឌ្ឍន៍បណ្តាខេត្តជាប់ព្រំដែនវៀតណាម -កម្ពុជាលើកទី៩នៅរាជធានីភ្នំពេញ ឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាម លោក Pham Binh Minh បានអញ្ជើញជួបសម្តែងការគួរសមប្រធានរដ្ឋសភាកម្ពុជាសម្តេចហេង សំរិន។ នៅទីនេះ លោក Pham Binh Minh បានឲ្យដឹងថា នៅកិច្ចប្រជុំលើកទី១៥ នៃគណៈកម្មាធិការចម្រុះវៀតណាម -កម្ពុជានិងសន្និសីទសហប្រតិបត្តិការ និងអភិវឌ្ឍន៍នៃបណ្តាខេត្តជាប់ព្រំដែនវៀតណាម - កម្ពុជាលើកទី៩ ភាគីទាំងពីរបានផ្លាស់ប្តូរ និងស្វែងរករាល់វិធានការសមស្រប ដើម្បីជម្រុញទំនាក់ទំនងទ្វេភាគី លើគ្រប់វិស័យ ជាពិសេសគឺវិស័យសេដ្ឋកិច្ច។ ឧបនាយករដ្ឋមន្ត្រីវៀតណាម បានស្នើរឲ្យរដ្ឋសភា កម្ពុជា បន្តផ្តោតការយកចិត្តទុកដាក់ និងបង្កលក្ខណៈងាយស្រួលសម្រាប់សហគ្រាសនានារបស់វៀតណាម ធ្វើការវិនិយោគនិងអាជីវកម្មនៅកម្ពុជាក៏ដូចជាបង្កលក្ខណៈងាយស្រួលឲ្យអាណិកជនវៀតណាម រស់នៅស្ថិរភាពនៅកម្ពុជាផងដែរ។
នៅក្នុងពិធីនេះ ប្រធានរដ្ឋសភាសម្តេច ហេង សំរិនក៏បានសម្តែងនូវការពេញចិត្ត ចំពោះការអភិវឌ្ឍន៍វិជ្ជមាននៃទំនាក់ទំនង រវាងប្រទេសទាំងពីរនាពេលកន្លងទៅ។ ភាគីទាំងពីរបានវាយតម្លៃខ្ពស់ចំពោះការ ដែលប្រទេសទាំងពីរត្រៀមរៀបចំនូវសកម្មភាពអបអរសាទរការរំលឹកខួបលើកទី៥០ នៃទិវាបង្កើតទំនាក់ទំនងការទូត ថ្ងៃទី២៤ ខែមិថុនា និងឯកភាពចាត់ទុកថា នេះជាឱកាសសម្រាប់ផ្សព្វផ្សាយ ឲ្យប្រជាជននៃប្រទេសទាំងពីរ ជាពិសេសគឺជំនាន់វ័យក្មេង អំពីទំនាក់ទំនងសាមគ្គីភាព មិត្តភាពប្រពៃណីនិងកិច្ចសហប្រតិបត្តិការលើគ្រប់ជ្រុងជ្រោយ រវាងប្រទេសទាំងពីរ ដើម្បីមានការទទួលខុស ត្រូវក្នុងការរក្សានិងពូនជ្រុំឲ្យទំនាក់ទំនងនេះកាន់តែស្រស់បំព្រងជានិច្ច៕
តាម VOV5 - វិទ្យុសំឡេងវៀតណាម