ឧបនាយករដ្ឋមន្ត្រី លោក Vuong Dinh Hue ទទួលជួបជាមួយឯកអគ្គរដ្ឋទូត EU ប្រចាំនៅវៀតណាម

នារសៀលថ្ងៃទី៣០ ខែវិច្ឆិកា ឆ្នាំ២០១៦ នៅទីស្នាក់ការរដ្ឋាភិបាល ឧបនាយករដ្ឋមន្ត្រី លោក Vuong Dinh Hue បានអញ្ជើញទទួលជួបជាមួយលោក Bruno Angelet ប្រធានក្រុមបេសកកម្មសហភាពអឺរ៉ុប (EU) ប្រចាំនៅ​វៀត​ណាម​។​ នៅក្នុងជំនួបនេះ លោក Vuong Dinh Hue បានអះអាងថា បក្សនិងរដ្ឋវៀតណាមមានគោលនយោបាយ​មុនក៏ដូចជាក្រោយអំពីការធ្វើសមាហរណកម្មសេដ្ឋកិច្ចអន្តរជាតិ។ លោក Vuong Dinh Hue​ បាន​គូស​​បញ្ជាក់ថា កិច្ចព្រមព្រៀងពាណិជ្ជកម្មសេរីរវាងសហភាពអឺរ៉ុបជាមួយវៀតណាមមានស្តង់ដាខ្ពស់ ពាក់ព័ន្ធ​នឹងបញ្ហាជាច្រើន ដូច្នេះវៀតណាមបាននិងកំពុងសកម្មត្រៀមរៀបចំឲ្យការប្រតិបត្តិនិងអនុម័តលើកិច្ចព្រម​​ព្រៀងនេះ។ ក្នុងឱកាសនេះដែរ លោក Vuong Dinh Hue មានបំណងថា ឯកអគ្គរដ្ឋទូត Bruno Angelet នឹង​ដើរតួនទីជាស្ពានសំខាន់ជួយវៀតណាមជម្រុញការចុះហត្ថលេខាអនុម័តនិងប្រតិបត្តិនូវកិច្ចព្រមព្រៀង ពាណិជ្ជកម្មសេរីវៀតណាម-សហភាពអឺរ៉ុប (EVFTA) សំដៅនាំមកនូវផលប្រយោជន៍សម្រាប់ភាគីទាំងពីរ។ 

រីឯខ្លួនវិញ ឯកអគ្គរដ្ឋទូត EU ប្រចាំនៅវៀតណាមបានឲ្យដឹងថា EU នឹងអនុម័តលើសំណើរបស់វៀតណាមស្តីពីដំណើរការផ្គតផ្គងការជួយឧបត្ថម្ភបច្ចេកទេសសមស្រប។ ទន្ទឹមជាមួយគ្នានោះ EU នឹងខិតខំប្រឹងប្រែងដើម្បីជួយវៀតណាមឈានដល់ការចុះហត្ថលេខាលើកិច្ចព្រមព្រៀង EVFTA ជាផ្លូវការផងដែរ៕

តាម VOV5-វិទ្យុសម្លេងវៀតណាម