នាថ្ងៃទី ១២ ខែកុម្ភៈ ឆ្នាំ២០១៩ នៅទីក្រុងហាណូយ ឧបនាយករដ្ឋមន្ត្រីលោក Vu Duc Dam បានអញ្ជើញទទួលស្វាគមន៍គណៈប្រតិភូ ភូមិកុមារអន្តរជាតិ SOS ដឹកនាំដោយលោក Gunther Platter អភិបាលរដ្ឋ Tyrol (នៃប្រ ទេសអូទ្រីស) និងប្រធានកិត្តិយសនៃភូមិកុមារ អន្ដរជាតិ SOS លោក Helmut Kutin ផងដែរ។
![](https://imagevietnam.vnanet.vn/Upload/2019/2/14/14022019094347156tinpttvuducdam1_hmgo.jpg)
ឧបនាយករដ្ឋមន្ត្រី លោក Vu Duc Dam អញ្ជើញទទួលជួបជាមួយគណៈប្រតិភូភូមិកុមារអន្តរជាតិ SOS
ក្នុងជំនួបនេះ ឧបនាយករដ្ឋមន្ត្រីលោក Vu Duc Dam បានអះអាងថា វៀតណាមជានិច្ចកាលយកចិត្តទុកដាក់យ៉ាងខ្លាំងចំពោះទំនាក់ទំនងសហប្រតិបត្តិការជាមួយភូមិកុមារ SOS ដោយគាំទ្រដល់ការថែទាំនិងការចិញ្ចឹមបីបាច់តាមរូបសណ្ឋានគ្រួសាររបស់ភូមិកុមារ SOS។ ទន្ទឹមជាមួយគ្នានោះ លោកឧបនាយករដ្ឋមន្ត្រីក៏មានបំណងថា ក្នុងដំណើរទស្សនកិច្ចលើកនេះ គណៈប្រតិភូនឹងមានសកម្មភាពជួយឧបត្ថម្ភកុមារវៀតណាមឲ្យបានច្រើនថែមទៀត នាប៉ុន្មានឆ្នាំមុខ។
ក្នុងអំឡុងពេលស្នាក់នៅវៀតណាម ក្រៅពីបានជូបធ្វើការជាមួយក្រសួងនិងទីភ្នាក់ងារពាក់ព័ន្ធផ្សេងៗទៀត គណៈប្រតិភូភូមិកុមារអន្តរជាតិ SOS នឹងធ្វើទស្សនកិច្ច ស្ទាបស្ទង់លើរូបសណ្ឋានប្រតិបត្តិការប្រកបដោយប្រសិទ្ធភាពរបស់ភូមិកុមារ SOS មួយចំនួននៅវៀតណាម ដើម្បីអំពាវនាវជំនួយបន្ថែមពីបុគ្គល អង្គការអន្តរជាតិនានា នាពេលអនាគត៕
តាម VOV5 - វិទ្យុសម្លេងវៀតណាម