ទីភ្នាក់​ងារព័ត៌មាន AP របស់អាមេរិកនាថ្ងៃទី ៨ ខែមិថុនា បានចុះផ្សាយអត្ថបទក្រោមចំណងជើងថា  “វៀត​ណាម​ ផ្តល់សច្ចាប័នលើកិច្ចព្រមព្រៀងពាណិជ្ជកម្មសេរីជាមួយ EU ដើម្បីជំរុញកំណើនសេដ្ឋកិច្ច” ។
 
អត្ថបទ​នេះបានបញ្ជាក់ថា EVFTA ត្រូវបាន រំពឹងថានឹងជួយវៀតណាមបង្កើនសមត្ថភាពប្រកួតប្រជែង និងកម្លាំង​ទាក់​ទាញចំពោះវិនិយោគិនបរទេស។ រហូតមកដល់ពេលនេះ នៅតំបន់អាស៊ីអាគ្នេយ៍ ក្រៅពីសិង្ហបុរី មានតែ​វៀត​ណាម ដែលជាប្រទេសហត្ថលេខីនៃកិច្ចព្រមព្រៀងពាណិជ្ជកម្មសេរីជាមួយ EU។ ទីភ្នាក់ងារព័ត៌មាន AP ក៏បាន​ដកស្រង់សម្តីរបស់លោក Michael Sieburg ដែលជាដៃគូរបស់ YCP Solidiance (ក្រុមហ៊ុន​ប្រឹក្សា​យោបល់​យុទ្ធសាស្ត្រ​ នៃ YCP Group ) បានអះអាងថា “EVFTA នឹងក្លាយជាកម្លាំងចលករដ៏សកម្ម ដើម្បី​ទាក់​ទាញ​វិនិយោគិន​មកវៀតណាម”។ តាមរយៈ EVFTA វិនិយោគិននានាមានគោល​បំណងចង់​ស្វែងរក​ឱកាស​វិនិយោគ​នៅវៀត​ណាម​។”
 
ទន្ទឹមនឹងនេះ សម្ព័ន្ធសមាគមអឺរ៉ុបប្រចាំនៅវៀតណាម (EroCham) នាថ្ងៃទី ៨ខែមិថុនា ក៏បាន​ចេញសេចក្ដី​ប្រកា​ស​មួយ ដោយវាយតម្លៃខ្ពស់ចំពោះ កិច្ចព្រមព្រៀងពាណិជ្ជកម្មរវាង EU - វៀតណាមថា “ EVFTA មានសារៈ​សំខាន់​​ជាងពេលណាៗទាំងអស់ ក្នុងបរិបទនៃសង្គ្រាមពាណិជ្ជកម្ម និងជំងឺរាតត្បាត Covid-19 ដោយធ្វើ​ឲ្យ​សកម្មភាព​ពាណិជ្ជកម្មត្រូវអាក់ខាន ដែលមិនធ្លាប់មានតាំងពីរមុនមក”៕
 

តាម VOV5 - ​វិទ្យុសំឡេងវៀតណាម