កាសែតរូបភាពវៀតណាមជាភាសាខ្មែរ

ម៉ូដសម្លៀកបំពាក់

អ្នក "បន្តអណ្តាតភ្លើង” ជូនម៉ូដសំលៀកបំពាក់វៀតណាម

09/08/2016

ក្រោយ៥ឆ្នាំ បង្ហាត់បង្រៀននៅវៀតណាម អ្នកគ្រូ May Cortazzi បានរួមចំណែកក្នុងការងារបណ្តុះបណ្តាលអ្នករចនាម៉ូដល្បីឈ្មោះ ជូនមជ្ឈដ្ឋានម៉ូដវៀតណាម បានជោគជ័យដូចជា វូតាលិញ (Vu Ta Linh) Kelly ប៊ូយ (Kelly Bui) ឡឹមយ៉ាខាង (Lam Gia Khang)។ល។ ទន្ទឹមនោះអ្នកគ្រូនៅជួយបរិស្ថានបណ្តុះបណ្តាល បង្រៀនរចនាម៉ូដ នៅវិទ្យាស្ថានរចនានិងម៉ូដឡុងន៍នៅទីក្រុងហាណូយក្លាយជាជំនាញ ទាក់ទាញការយកចិត្តទុកដាក់នៃមជ្ឈដ្ឋានម៉ូដក្នុងប្រទេសនិងអន្តរជាតិ។

បញ្ចប់ការសិក្សាផ្នែករចនាម៉ូដ-សកលវិទ្យាល័យ Northumbria និងទទួលបានសញ្ញាបត្រអនុបណ្ឌិតជំនាញ ខាងផ្នែករចនាម៉ូដពីសកលវិទ្យាល័យ Nottingham Trent ប្រទេសអង់គ្លេស អ្នកគ្រូ May Cortazzi បានជ្រើសរើសនៅហាណូយ ដើម្បីរស់នៅនិងធ្វើការក្នុងវិស័យរចនាម៉ូដ។ សព្វថ្ងៃ អ្នកគ្រូកំពុងមានតួនាទីជានាយកផ្នែករចនាក្នុងវិទ្យាស្ថានរចនានិងម៉ូដឡុងន៍ ហើយបានរួមចំណែកក្នុងការងារបណ្តុះបណ្តាលអ្នករចនាមានទេពកោសល្យជូនប្រទេសវៀតណាមបានជោគជ័យដែរ។

មុននឹងមកប្រទេសវៀតណាម អ្នកគ្រូ May Cortazzi បានបង្រៀននិស្សិតតាមកម្មវិធីបណ្តុះបណ្តាលម៉ូដតាំងពីឆ្នាំ២០១៤ ក្នុងសាលារៀននៅប្រទេសអង់គ្លេស ឥណ្ឌូនេស៊ី និងថៃ។ ឆ្នាំ២០១០ ពេលទទួលបានសេចក្តីអញ្ជើញមកបង្រៀន ក្នុងវិទ្យាស្ថានរចនានិងម៉ូដឡុងន៍នៅទីក្រុងហាណូយ អ្នកគ្រូទទួលយល់ព្រមភ្លាម ពីព្រោះគាត់ចង់ដឹងបន្ថែមពីភាពខុសប្លែក ក្នុងផ្នែកឧស្សាហកម្មម៉ូដនៅប្រទេសនានា ហើយគាត់ក៏ចង់ឲ្យការងាររបស់ខ្លូនមានការរីកចម្រើនឡើងមួយកម្រិតទៀតដែរ។

ពេលទើបមកបង្រៀននៅវិទ្យាស្ថានរចនានិងម៉ូដឡុងន៍ អ្នកគ្រូ May Cortazzi បានជួបប្រទះការឧបសគ្គជាច្រើន។ ហេតុនេះហើយក្នុងរយៈពេលយ៉ាងខ្លី អ្នកគ្រូត្រូវសម្របខ្លួន ជាមួយបរិស្ថាននិងបង្រៀនឲ្យសិស្សនិស្សិតនៅចំណេះវិជ្ជាល្អបំផុត ដែលខ្លួនអាចធ្វើទៅរួចបាន។

អ្នកគ្រូ May Cortazzi បង្រៀនជំនាញពីរចនាម៉ូដឲ្យសិស្សនិស្សិតវៀតណាម។

អ្នកគ្រូ May Cortazzi ណែនាំនិស្សិតនូវជំនាញរចនាផ្សេងៗជាច្រើន ដើម្បីបង្កើតបានជាផលិតផលម៉ូដមានគុណភាពខ្ពស់ តាមរយៈមេរៀនលំហាត់នៅក្នុងថ្នាក់រៀន។

អ្នកគ្រូ May Cortazzi ទៅទស្សនាស្តង់តាំងពិព័រណ៍រចនាម៉ូដ ដោយសិស្សនិស្សិតជាអ្នកបង្កើតឡើង។

អ្នកគ្រូ May Cortazzi នៅជាអតិថិជនទិញផលិតផលរចនា ដែលបានអនុវត្តរបស់សិស្សនិស្សិត។

អ្នកគ្រូ May Cortazzi ជួយសិស្សនិស្សិតអនុវត្តគោលគំនិតច្នៃប្រឌិតសម្រាប់ការឧទ្ទេសនាមក្នុងសំណុំសិល្បៈរចនា។

អ្នកគ្រូ May Cortazzi ផ្តល់យោបល់ពីបរិស្ថានអាជីវកម្មឲ្យសិស្សនិស្សិតរបស់ខ្លួន ក្នុងកម្មវិធីតាំងលក់ផលិតផលរចនា ដោយសិស្សនិស្សិតជាអ្នករៀបចំឡើង។

អ្នកគ្រូ May Cortazzi រៀបចំពិធីតាំងពិព័រណ៍សម្រាប់សិស្សនិស្សិតទាំងឡាយ ក្រោយពីបញ្ចប់ការសិក្សាម្តងៗ តែងបង្កចំណាប់អារម្មណ៍ដល់សហគ្រាសនិងអ្នកចូលចិត្តស្រឡាញ់ម៉ូដក្នុងប្រទេសនិងបរទេស។

កម្មវិធីតាំងពិព័រណ៍និងអនុវត្តបញ្ចប់ការសិក្សា ដោយអ្នកគ្រូ May Cortazzi ជាអ្នកទទួលបន្ទុករៀបចំ ជាឱកាសសម្រាប់សិស្សនិស្សិតរចនា
វៀតណាមបញ្ចេញសមត្ថភាពនិងភាពពេញវ័យរបស់ខ្លួន។

អ្នកគ្រូ May Cortazzi ជាអ្នកបានរួមចំណែកក្នុងការងារបណ្តុះបណ្តាលអ្នករចនាម៉ូដល្បីឈ្មោះជូនមជ្ឈដ្ឋានម៉ូដវៀតណាម
បានយ៉ាងជោគជ័យ។

ក្រៅពីម៉ោងបង្រៀន អ្នកគ្រូMay Cortazzi នៅជាមិត្តរបស់សិស្សនិស្សិតវៀតណាមទៀតផង។

អ្នកគ្រូMay Cortazzi ធ្លាប់ទទួលបានរង្វាន់ជាច្រើន ក្នុងវិស័យឧស្សាហកម្មម៉ូដដូចជា រង្វាន់សហគ្រាសបៃតង ផ្តល់ជូនដោយការិយាល័យពាណិជ្ជកម្ម រង្វាន់ពាណិជ្ជករច្នៃប្រឌិត ផ្តល់ជូនដោយក្រុមប្រឹក្សាទីក្រុងនិងរង្វាន់ពាណិជ្ជករម៉ូដអង់គ្លេសផ្តល់ជូនដោយក្រុមប្រឹក្សាអង់គ្លេស។

ដោយបទពិសោធន៍របស់ខ្លួន អ្នកគ្រូបានបង្រៀននូវជំនាញពីរចនាម៉ូដច្នៃប្រឌិត តាំងពីវគ្គផ្តើមគំនិតផលិតកម្ម ដល់ការរកទីផ្សារសម្រាប់សិស្សនិស្សិតរចនារបស់វៀតណាម។ ជាដំបូងអ្នកគ្រូពន្យល់ពីប្រវត្តិអភិវឌ្ឍន៍ ផ្នែកម៉ូដលើពិភពលោក វប្បធម៌ម៉ូដ ដើម្បីឲ្យសិស្សនិស្សិតសំឡឹងមើលជាទូទៅ។ ក្រោយមកអ្នកគ្រូចាប់ផ្តើមបង្រៀនជំនាញស្រាវជ្រាវនិន្នាការម៉ូដ មិនត្រឹននៅលើឆាកសម្តែង ទាំងនៅខាងក្រៅឆាក ដើម្បីសិស្សនិស្សិតពង្រីកលើកកម្ពស់សមត្ថភាពរិះគិតប៉ាន់ស្មាននូវនិន្នាការ ទន្ទឹមនោះស្វែងយល់ទីផ្សារ សម្រាប់លក់ចេញផលិតផលរបស់ខ្លួន ដោយចំណាយថវិការទាបបំផុត។

ពិសេស ការជោគជ័យធំបំផុតរបស់អ្នកគ្រូ ពេលបង្រៀននៅវិទ្យាស្ថានរចនានិងម៉ូដឡុងន៍ នោះគឺបានចាត់តាំងរៀបចំកម្មវិធីតាំងពិព័រណ៍ និងអនុវត្តបញ្ចប់ការសិក្សាសម្រាប់និស្សិត ក្រោយពីបញ្ចប់វគ្គសិក្សាម្តងៗ។ ដោយមានបទពិសោធន៍ពីការរៀបចំ តាំងពិព័រណ៍អន្តរជាតិនិងសម្តែងលើឆាក catwalk អ្នកគ្រូ May Cortazzi ជាអ្នកណែនាំនិងចង្អុលបង្ហាញក្នុងកម្មវិធីបញ្ចប់ការសិក្សាម៉ូដរបស់សិស្សនិស្សិត នៅវិទ្យាស្ថានរចនានិងម៉ូដឡុងន៍ បង្កចំណាប់អារម្មណ៍ ចំពោះសហគ្រាសនិងអ្នកចូលចិត្តស្រឡាញ់ម៉ូដ ក្នុងប្រទេសក៏ដូចជានៅបរទេសដែរ។

ចែករំលែកពីអនុស្សាវរីយ៍គួរកត់ចំណាំបំផុតក្នុងជីវិតរបស់គាត់ ពេលមកបង្រៀននៅវិទ្យាស្ថាន អ្នកគ្រូ May Cortazzi បានឲ្យដឹងថា នោះគឺការងារដែលគាត់ណែនាំសិស្សនិស្សិតទាំង៥នាក់ ក្នុងកម្មវិធីតាំងពិព័រណ៍និងអនុវត្តបញ្ចប់ការសិក្សាឆ្នាំ២០១៥។ ចំពោះអ្នកគ្រូ នេះគឺជាចម្ងាយផ្លូវដែលពោរពេញទៅដោយទឹកចិត្តចំណាប់អារម្មណ៍ តាំងពីការត្រៀមចាប់ផ្តើមរួមជាមួយប្អូនៗ រហូតដល់បញ្ចប់កម្មវិធី។ អ្នកគ្រូតែងជំនួយប្អូនៗត្រៀមបម្រុងសម្រាប់កម្មវិធីក្នុងរយៈពេលមួយឆ្នាំ គឺតាំងពីការផ្តើមគំនិត រចនា រហូតដល់ការបង្វិលកាមេរ៉ាផ្សាយពាណិជ្ជកម្មពីគោលគំនិតអនុវត្ត នៅក្នុងកម្មវិធីតាំងពិព័រណ៍និងបញ្ចប់ការសិក្សា។ បញ្ចប់កម្មវិធី កម្រងម៉ូដរបស់សិស្សនិស្សិតទាំង៥នាក់ បានជ្រើសរើសចូលរួមសប្តាហ៍ម៉ូដវៀតណាម បានសម្រេចជោគជ័យលើសពីបំណងប្រាថ្នារបស់អ្នកគ្រូ៕

អត្ថបទ៖ ង៉ឹនហា រូបថត៖ ត្រឹនថាញយ៉ាង