ព័ត៌មាន

អាមេរិក និងជប៉ុន ពង្រឹងសម្ព័ន្ធភាពរវាងប្រទេសទាំងពីរ

ក្នុងក្របខ័ណ្ឌនៃដំណើរទស្សនកិច្ចផ្លូវការ ទៅកាន់ប្រទេសជប៉ុន នាថ្ងៃទី ២៣ ឧសភា ប្រធានាធិបតីអាមេរិក លោក Joe Biden បានជួបពិភាក្សាការងារជាមួយនាយករដ្ឋមន្ត្រីជប៉ុន លោក Kishida Fumio នៅទីក្រុងតូក្យូ។
  រធានាធិបតីអាមេរិកលោក Joe Biden និងនាយករដ្ឋមន្ត្រីជប៉ុនលោក Kishida Fumio (ប្រភព៖ Reuters)  

 

នៅក្នុងកិច្ចពិភាក្សានេះ ប្រធានា ធិបតីអាមេរិកលោក Joe Biden បានអះអាងសារជាថ្មីនូវការប្តេជ្ញាចិត្តការពារប្រទេសជប៉ុន ហើយបានប្រកាសថា សម្ព័ន្ធភាពជប៉ុន-អាមេរិកថាជា "មូលដ្ឋានគ្រឹះ" នៃសន្តិភាពនៅក្នុងតំបន់ឥណ្ឌូ-ប៉ាស៊ីហ្វិក។ លោកនាយករដ្ឋមន្ត្រី Kishida Fumio បានបង្ហាញបំណងចង់ឱ្យជប៉ុន និងអាមេរិកនាំមុខគេក្នុងពិភពលោក ក្នុងការធានាតំបន់ឥណ្ឌូ-ប៉ាស៊ីហ្វិកសេរី និងបើកចំហដោយផ្អែកលើនីតិរដ្ឋ។

ក្រៅពីបញ្ហាកិច្ចសហប្រតិបត្តិការសេដ្ឋកិច្ច និងសន្តិសុខទ្វេភាគី មេដឹកនាំទាំងពីរក៏បានលើកឡើងពីបញ្ហាអន្តរជាតិដែលមានការយកចិត្តទុកដាក់ទៅវិញទៅមក រួមទាំការសម្របសម្រួលដើម្បីសម្រេចបាននូវតំបន់ឥណ្ឌូ-ប៉ាស៊ីហ្វិកដោយសេរី និងបើកចំហ; ទស្សនៈស្តីពីបញ្ហាបម្រែបម្រួលអាកាសធាតុ ការរំសាយអាវុធនុយ ក្លេអ៊ែរ ប្រតិបត្តិការយោធាពិសេសរបស់រុស្ស៊ីនៅអ៊ុយក្រែន បញ្ហាមីស៊ីល និងនុយក្លេអ៊ែររបស់កូរ៉េខាងជើង។

នៅចុងបញ្ចប់នៃកិច្ចពិភាក្សា មេដឹកនាំទាំងពីរបានធ្វើសន្និសីទសារព័ត៌មានរួមគ្នា៕


top