លោក ស៊ុន សុវណ្ណារិទ្ធ អភិបាល រងនិងជាប្រធានគណៈកម្មការបន្លាស់ទីផ្ទះបណ្ដែតទឹកឡើងគោកនៅខេត្តកំពង់ឆ្នាំង (រូបថត៖ VOV)
 

នាពេល​កន្លងទៅ អាជ្ញាធរខេត្តកំពង់ឆ្នាំងទើបតែបានអនុវត្តផែនការបន្លាស់ទី ប្រជាជន​ចេញ​ពីតំបន់​បឹង​ទន្លេ​សាប ដែលក្នុងនោះមានអ្នកដើមកំណើតវៀត ណាមទៀតផង។ ចំពោះមុខព័ត៌មានដែលចាត់ទុកថា អ្នកដើម​កំណើតវៀតណាម ដែលត្រូវបន្លាស់ទីផ្ទះបណ្ដែតទឹក បានទិញដីរបស់កម្ពុជានោះ គឺការគំរាមកំហែង ដល់​សន្តិសុខនិងអធិបតេយ្យភាពរបស់កម្ពុជា លោក ស៊ុន សុវណ្ណារិទ្ធ អភិបាល រងនិង​ជាប្រធាន​គណៈ​កម្ម​ការ​បន្លាស់​ទីផ្ទះបណ្ដែតទឹកឡើងគោកនៅខេត្តកំពង់ឆ្នាំងបានអះអាងថា នេះជាព័ត៌មានក្លែងក្លាយ សំដៅបង្ក​ឡើង​អស្ថិរភាព នៅកម្ពុជា ក៏ដូចជាបង្ខូចដល់ទំនាក់ទំនងមិត្តភាពដ៏ល្អប្រសើររវាងប្រជាជននៃ ប្រទេស​ទាំងពីរ​កម្ពុជានិងវៀតណាមផងដែរ។ លោក ស៊ុន សុវណ្ណារិទ្ធបានសង្កត់ ធ្ងន់ថា ខេត្ត​កំពង់​ឆ្នាំង​មាន​គោល​ជំហរ​បន្លាស់ទីផ្ទះ របស់ជនរួមជាតិទាំងអស់ ដែលកំពុងរស់នៅបណ្ដែតទឹកលើបឹងទន្លេសាបឡើងគោក មិនត្រឹម​តែជនវៀត ណាមប៉ុណ្ណោះទេ មានទាំងជនកម្ពុជានិងជន ចាម ទៀតផង។ គោលដៅនៃគោល ជំហរនេះ គឺកែលម្អទេសភាព បរិស្ថាន នៅបឹងទន្លេសាប ហើយកសាងជីវភាព រស់នៅ​ប្រកប​ដោយ​ស្ថិរភាព​សម្រាប់​ជន​រួមជាតិ។ នាបច្ចុប្បន្ន អាជ្ញាធរខេត្តបាន រៀបចំចំណែកដីធ្លី ធ្វើជាលំនៅដ្ឋាន​សម្រាប់​ប្រជាជន​ដែល​ទើប​តែឡើង គោក។
 
តាម​អាជ្ញាធរខេត្តកំពង់ឆ្នាំងបានអោយដឹងថា នៅតំបន់បឹងទន្លេសាបកំពុង មានគ្រួសារចំនួន៤០០០ ដែល​ជាជន​កម្ពុជា ជនចាមនិងជនដើមកំណើតវៀត ណាម រួមរស់។ ក្នុងនោះ ចំនួន​ជន​កម្ពុជា​និង​ជន​ចាម​គឺច្រើន​ជាង​ចំនួនជនដើម កំណើតវៀតណាម។ ការបន្លាស់ទីផ្ទះរបស់បណ្ដាគ្រួសារនេះត្រូវបានប្រទេស កម្ពុជាគិតគូរ​តាំងពីយូរណាស់​មកហើយ៕​
 

តាម VOV5 - វិទ្យុសំឡេងវៀតណាម