លោកស្រី Vu Thuc Hue។ រូបថត៖ Bich Thuan/VOV-Beijing  

  លោកស្រី Vu Thuc Hue (ជួរមុខ ទី៣ ពីស្តាំ) និងបុគ្គលិកពេទ្យនៃមន្ទីរពេទ្យ Nanxishan បានចូលរួមបរិច្ចាគឈាម។ រូបថត៖ តួអក្សរដែលបានផ្តល់ឱ្យ  

  លោកស្រី Vu Thuc Hue បានសន្ទនាជាមួយអ្នកយកព័ត៌មាន VOV។ រូបថត៖ Bich Thuan/VOV-Beijing  

អ្នកស្រី Vu Thuc Hue កាលពីនោះមានអាយុ ២១ ឆ្នាំ គឺជាគិលានុបដ្ឋាយិកាម្នាក់ក្នុងចំណោមពួកគេ៖ “ក្នុងនាមជាយុវជនជំនាន់ក្រោយ ក្រៅពីការព្យាបាល់ពួកគេ យើងក៏បានរៀនសូត្រពីពួកគេ សម្រាប់ទស្សនៈវិស័យនិងអនាគតរបស់យើង។ ប្រការទាំងនេះ បាននាំមកនូវអត្ថប្រយោជន៍ដ៏ធំធេង សម្រាប់អំឡុងជីវិតដែលនៅសេសសល់របស់យើង។ បើនិយាយពីការងារ ទោះបីយើងជួយវៀតណាម និងព្យាបាលយុទ្ធជនពិការយុទ្ធជនជំងឺវៀតណាមក៏ដោយ។ ប៉ុន្តែក្នុងពេលជាមួយគ្នានោះ យើងក៏បានរៀនសូត្រពីគុណសម្បត្តិល្អៗជាច្រើនរបស់យុទ្ធជនទាំងនេះផងដែរ។ ពួកគេស៊ូទ្រាំនឹងការលំបាកខ្លាំងណាស់។ សម្រាប់ខ្ញុំ ពួកគេជាមនុស្សជិតស្និទ្ធ ពូកែស៊ូទ្រាំនឹងការលំបាក និងចងរៀនសូត្រ”។

ក្រៅម៉ោងធ្វើការព្យាបាលនិងថែទាំអ្នកជំងឺ គ្រូពេទ្យនិងគិលានុបដ្ឋាយិកានៃមន្ទីរពេទ្យ Nanxishan និងយុទ្ធជនជំងឺយុទ្ធជនរងរបួសវៀតណាមក៏បានអានកាសែត ស្តាប់វិទ្យុ និងហាត់សមសិល្បៈរួមគ្នា រៀបចំការសម្តែងក្នុងឱកាសទិវាបុណ្យជាតិនៃប្រទេសទាំងពីរ និងជារៀងរាល់ថ្ងៃបុណ្យតេតផងដែរ។

“យើងមិនមែនជាគ្រួសារទេ ប៉ុន្តែលើសពីគ្រួសារទៀតផង។ ក្រៅពីគំរូនៃការខិតខំប្រឹងប្រែង ឧស្សាហ៍ព្យាយាម និងសន្សំសំចៃ ពួកគេក៏បានប្រាប់យើងពីរឿងរ៉ាវនៃកាតតស៊ូប្រយុទ្ធ ជួយពួកយើងឱ្យយល់កាន់តែច្បាស់អំពីភាពឃោរឃៅនៃសង្គ្រាមនិងភាពអង់អាចក្លាហានរបស់ប្រជាជនវៀតណាម ដូច្នេះហើយធ្វើឱ្យយើងមានការចាប់អារម្មណ៍យ៉ាងខ្លាំង”។

មិនត្រឹមតែថែទាំយុទ្ធជនរងរបួសប៉ុណ្ណោះទេ លោកស្រី Vu Thuc Hue ក៏បានស្ម័គ្រចិត្តបរិច្ចាគឈាមចំនួន ១៦០០ មីល្លីលីត្រ ដើម្បីជួយសង្គ្រោះពួកគេផងដែរ។ ជាមួយនឹងការរួមចំណែករបស់ខ្លួន លោកស្រី Vu Thuc Hue ត្រូវបានអញ្ជើញជាច្រើនដងទៅចូលរួមព្រឹត្តិការណ៍សំខាន់ៗនៅវៀតណាម ដូចជាខួបលើកទី ៧០ ទិវាជ័យជំនះ Dien Bien Phu (1954 - 2024) ជាដើម។

“នៅពេលដែលខ្ញុំចូលរួមពិធីរំលឹកខួបអនុស្សាវរីយ៍ទិវាជ័យជម្នះ Dien Bien Phu មេដឹកនាំយោធភូមិ បានអញ្ជើញយើងខ្ញុំទៅពិសារអាហារពេលរាត្រី។ ពេលខ្ញុំចូលទៅក្នុងសាលប្រជុំ មនុស្សម្នាក់ដែលខ្ញុំមិនស្គាល់បាននិយាយថា គាត់ចង់ស្វែងរកអ្នកមីងម្នាក់ដែលបានបរិច្ចាគឈាមឲ្យពួកគេ។ នៅពេលនោះ ទឹកភ្នែករបស់ខ្ញុំស្រក់ចុះ។ ខ្ញុំមានអារម្មណ៍ថា សូម្បីតែក្រោយរយៈពេល ៥៧ឆ្នាំ មេដឹកនាំកងទ័ពវៀតណាមនៅតែចាំថា ខ្ញុំធ្លាប់បានបរិច្ចាគឈាម។ មនោសញ្ចេតនាទាំងនេះ យើងនឹងមិនអាចបំភ្លេចបានឡើយ”៕