ក្នុងជំនួបជាមួយថ្នាក់ដឹកនាំបណ្ឌិត្យសភាការទូត Anwar Kargash ភាគីទាំងពីរបានឯកភាព ជំរុញកិច្ចសហប្រតិបត្តិការរវាងបណ្ឌិត្យសភាការទូត UAE ជាមួយបណ្ឌិត្យសភាការទូត និងវិទ្យាស្ថានស្រាវជ្រាវនានារបស់វៀតណាម ដើម្បីកសាងកម្មវិធីសហប្រតិបត្តិការជាក់លាក់លើវិស័យបណ្តុះបណ្តាលកម្មាភិបាល ចែករំលែកលទ្ធផលស្រាវជ្រាវ វាយតម្លៃស្ថានភាពពិភពលោកនិងតំបន់ ក៏ដូចជារៀបចំសន្និសីទ និងសិក្ខាសាលាស្តីពីវិស័យដែលមានការយកចិត្តទុកដាក់ដូចគ្នា។

អនុប្រធានរដ្ឋ  លោកស្រី Vo Thi Anh Xuan ជួបសំណេះសំណាលជាមួយមន្ត្រី បុគ្គលិកនៃស្ថានទូត និងតំណាងសហគមន៍វៀតណាមនៅ UAE។ រូបថត៖ Lam Khanh - VNA

អញ្ជើញទៅទស្សនាសម្ព័ន្ធក្រុមហ៊ុន Masdar និង Mubadala ដែលជាសម្ព័ន្ធក្រុមហ៊ុនឈានមុខគេចំនួនពីរ របស់ UAE ក្នុងវិស័យថាមពលនិងថាមពលកកើតឡើងវិញ អនុប្រធានរដ្ឋលោកស្រី Vo Thi Anh Xuan បានជូនដំណឹងពីការអនុគ្រោះរបស់រដ្ឋាភិបាលវៀតណាមក្នុងការទាក់ទាញវិនិយោគិនបរទេស ជាពិសេសលើវិស័យអភិវឌ្ឍន៍បៃតងនិងចីរភាព។ ថ្នាក់ដឹកនាំសម្ព័ន្ធក្រុមហ៊ុន Masdar និង Mubadala បានអះអាងពីគោលបំណងចង់ផ្លាស់ប្តូរជាមួយដៃគូវៀតណាមដើម្បីពិភាក្សាអំពីឱកាសសហប្រតិបត្តិការវិនិយោគជាក់លាក់ក្នុងវិស័យអាទិភាពដូចជាថាមពលស្អាត ថាមពលកកើតឡើងវិញ។