ពិធីប្រកាសសហគ្រាសប្រកបដោយនិរន្តរភាពនៅវៀតណាមឆ្នាំ ២០២៤ ក្រោមប្រធានបទ “សហគ្រាសបោះជំហានស្ទះឈានទៅមុខក្នុងយុគសម័យបៃតង” ត្រូវបានក្រុមប្រឹក្សាធុរកិច្ចដើម្បីការអភិវឌ្ឍប្រកបដោយចីរភាព វៀតណាមចំណុះសភាពាណិជ្ជកម្មនិងឧស្សាហកម្ម វៀតណាម (VCCI) រៀបចំឡើង នាយប់ថ្ងៃទី ២៩ ខែវិច្ឆិកានៅទីក្រុងហាណូយ។ នៅក្នុងព្រឹត្តិការណ៍នោះ អាជីវកម្មនិរន្តរភាពឆ្នើមចំនួន ១០០ ទាំងក្នុងវិស័យផលិតកម្ម និងពាណិជ្ជកម្ម-សេវាកម្ម ត្រូវបានលើកតម្កើងផងដែរ។

ថ្លែងមតិក្នុងពិធីប្រកាសនោះ ប្រធាន VCCI ប្រធានគណៈកម្មាធិការដឹកនាំកម្មវិធីសហគ្រាសប្រកបដោយនិរន្តរភាពនៅវៀតណាម លោក Pham Tan Cong បានឲ្យដឹងថា៖ “នៅឆ្នាំនេះ កម្មវិធីបានទាក់ទាញអាជីវកម្មជិត ៥០០ នៅទូទាំងប្រទេស ដែលប្រតិបត្តិការលើគ្រប់វិស័យ និងឧស្សាហកម្ម។ ជាពិសេស សមាមាត្រនៃសហគ្រាសក្នុងស្រុក និងសហគ្រាសថ្មីដែលចូលរួមជាលើកដំបូងបានកត់ត្រាកំណើនគួរឱ្យកត់សម្គាល់បើធៀបនឹងរយៈពេល ៣ ឆ្នាំចុងក្រោយគឺ ៦២% និង ៣៥% រៀងៗគ្នា។ ចំនួននេះបង្ហាញថា កម្រិតនៃការចាប់អារម្មណ៍ក្នុងការអភិវឌ្ឍប្រកបដោយនិរន្តរភាពក្នុងចំណោមអាជីវកម្មក្នុងស្រុកមានភាពប្រសើរឡើង គួរឱ្យកត់ សម្គាល់ - នេះគឺជាសញ្ញាល្អដែលឆ្លុះបញ្ចាំងពីការផ្លាស់ប្តូរការយល់ដឹង និងសកម្មភាពរបស់ធុរកិច្ចវៀតណាម”។

ក្រៅពីការលើការសរសើរប្រភេទចម្បងនៃអាជីវកម្មប្រកបដោយនិរន្តរភាព កម្មវិធីនេះក៏វាយតម្លៃ និងជ្រើសរើសអាជីវកម្មត្រួសត្រាយដែលដំណើរការល្អក្នុងប្រភេទប្រធានបទពីរ៖ ការអនុវត្តសេដ្ឋកិច្ចវិលជុំ និងកាត់បន្ថយការបំភាយឧស្ម័នផ្ទះកញ្ចក់ ការគោរព កសាង និងអនុវត្តតម្លៃនៃភាពចម្រុះ សមធម៌ និងបរិយាប័ន្ន៕