អគ្គលេខាបក្សលោក តូ ឡឹម។ រូបថត៖ VOV

អញ្ជើញថ្លែងមតិជាមួយសាស្រ្តាចារ្យ   គ្រូបង្រៀននិងនិស្សិតនៃសាលា អគ្គលេខាបក្ស លោកតុ ឡឹមបានឲ្យដឹងថា៖ វៀតណាមផ្តោតសំខាន់លើការអនុវត្តប្រកបដោយជោគជ័យនូវគោលដៅរំលឹកខួប ១០០ ឆ្នាំនៃការបង្កើតបក្សកុម្មុយនិស្តវៀតណាម នៅឆ្នាំ ២០៣០; រយៈពេល ១០០ឆ្នាំនៃការបង្កើតប្រទេសជាតិនៅឆ្នាំ ២០៤៥។ ក្នុងជំនួបនោះ លោកអគ្គលេខាបក្សក៏បានពិនិត្យមើលឡើងវិញនូវមាគ៌ាអភិវឌ្ឍន៍នៃទំនាក់ទំនងវៀតណាម - ម៉ាឡេស៊ី ដោយអះអាងថា ប្រទេសទាំងពីរបានឯកភាពលើកកំពស់ទំនាក់ទំនងទៅជាដៃគូយុទ្ធសាស្ត្រគ្រប់ជ្រុងជ្រោយ ដែលនឹងបើកសករាជថ្មីនៃទំនាក់ទំនងរវាងប្រទេសទាំងពីរនាពេលខាងមុខ។

ក្នុងឱកាសនេះ អគ្គលេខាបក្សលោក តូ ឡឹម បានឆ្លើយសំណួរផ្ទាល់ពីតំណាងសាស្ត្រាចារ្យ និងនិស្សិតរបស់សាលា។ ឆ្លើយសំណួរអំពីចក្ខុវិស័យរបស់វៀតណាមក្នុងការពង្រឹងទំនាក់ទំនងរវាងប្រទេសទាំងពីរ លោកអគ្គលេខាបក្ស តូ ឡឹមបានអះអាងថា៖

“គោលនយោបាយការបរទេសរបស់យើងគឺឯករាជ្យ ម្ចាស់ការ ចង់ធ្វើជាមិត្តជាមួយពិភពលោកទាំងមូល ដើម្បីសន្តិភាព ស្ថិរភាព ដើម្បីផលប្រយោជន៍រួមរបស់មនុស្សជាតិទាំងមូល។ ក្នុងនោះ ទំនាក់ទំនងរវាងវៀតណាមនិងម៉ាឡេស៊ីមានតួនាទីសំខាន់ណាស់។ នៅក្នុងពិភពលោកដែលមានការប្រែប្រួល ប្រទេសទាំងពីរត្រូវតែមានទំនួលខុសត្រូវរួម និងឆ្លើយតបយ៉ាងសមស្របទៅនឹងការប្រែប្រួលនៃស្ថានភាពពិភពលោកនិងតំបន់។ ដូច្នេះហើយ ប្រទេសទាំងពីរធ្វើឱ្យប្រសើរឡើងនូវភាពជាដៃគូយុទ្ធសាស្ត្រគ្រប់ជ្រុងជ្រោយ នាំមកនូវផលប្រយោជន៍ និងស្របតាមទិសដៅស្ថិរភាពនៃប្រទេសយើងនីមួយៗ។ នៅចំពោះមុខការប្រែប្រួលនៃស្ថានការណ៍ពិភពលោក យើងត្រូវពង្រឹងសន្តិភាព និងស្ថិរភាពក្នុងតំបន់ ដើម្បីជាមូលដ្ឋានសម្រាប់ការអភិវឌ្ឍមិនត្រឹមតែរបស់ប្រទេសទាំងពីរប៉ុណ្ណោះទេ ប៉ុន្តែក៏សម្រាប់សន្តិភាព និងស្ថិរភាពនៃតំបន់អាស៊ានទាំងមូលទៀតផង”។

លើសពីនេះ លោកអគ្គលេខាបក្ស តូ ឡឹម ក៏បានឆ្លើយសំណួរមួយចំនួនទៀតទាក់ទងនឹងគោលនយោបាយការបរទេសរបស់វៀតណាម។

នៅព្រឹកនេះផងដែរ អគ្គលេខាបក្ស លោកតូ ឡឹម អញ្ជើញទៅទស្សនាមជ្ឈមណ្ឌលទិន្នន័យជាតិម៉ាឡេស៊ី៕