លោកអគ្គលេខាបក្ស តូ ឡឹម បានសង្កត់ធ្ងន់ថា វៀតណាមជានិច្ចកាលវាយតម្លៃខ្ពស់និងចងចាំជានិច្ចនូវសាមគ្គីភាព និងការគាំទ្រដែលគុយបាបានផ្តល់ឲ្យវៀតណាមក្នុងការតស៊ូរំដោះជាតិ និងការបង្រួបបង្រួមប្រទេសជាតិនាពេលកន្លងមក ក៏ដូចជាក្នុងបុព្វហេតុការពារ និងការកសាងប្រទេសនាពេលបច្ចុប្បន្ន។ លោកអគ្គលេខាបក្សបានអះអាងថា វៀតណាមប្តេជ្ញារួមដំណើរ និងត្រៀមខ្លួនធ្វើអ្វីគ្រប់បែបយ៉ាងតាមសមត្ថភាពរបស់ខ្លួន ដើម្បីគាំទ្រគុយបា។

រីឯខ្លួនវិញ អនុប្រធានរដ្ឋនៃសាធារណរដ្ឋគុយបា លោក Salvador Valdes Mesa បានអះអាងថា ជ័យជំនះនៅថ្ងៃទី ៣០ ខែមេសា ឆ្នាំ១៩៧៥ មិនត្រឹមតែជាជ័យជំនះរបស់ប្រជាជនវៀតណាមប៉ុណ្ណោះទេ ថែមទាំងប្រជាជនស្រឡាញ់សន្តិភាពទាំងអស់ក្នុងពិភពលោក ក្នុងនោះមានប្រជាជនគុយបាផងដែរ។ ទន្ទឹមនឹងនោះ យើងជឿជាក់ថា វៀតណាមនឹងសម្រេចបានលទ្ធផលវិជ្ជមានបន្ថែមទៀតក្នុងដំណើរការកសាង និងអភិវឌ្ឍន៍ប្រទេសជាតិ។

ក្នុងឱកាសនេះ ភាគីទាំងពីរក៏បានពិភាក្សាអំពីវិធានការមួយចំនួន ដើម្បីជំរុញកិច្ចសហប្រតិបត្តិការសេដ្ឋកិច្ចទ្វេភាគីឱ្យកាន់តែខ្លាំងក្លា និងមានប្រសិទ្ធភាពនាពេលខាងមុខ៕