អគ្គលេខាបក្ស ប្រធានរដ្ឋវៀតណាម លោក Nguyen Phu Trong អញ្ជើញអុជធូបរំលឹកវិញ្ញាណក្ខ័ន្ធលោកប្រធានហូជីមិញ។ (រូបថត៖ TTXVN)

នាព្រឹកថ្ងៃទី១០ ខែកុម្ភៈ ឆ្នាំ២០២១ អគ្គលេខាបក្ស ប្រធានរដ្ឋវៀតណាម លោក Nguyen Phu Trong បានអញ្ជើញ មកអុជធូបរំលឹកវិញ្ញាណក្ខ័ន្ធលោកប្រធានហូជីមិញនៅផ្ទះលេខ ៦៧ នៅក្នុងមណ្ឌលកេរ្តិ៍ដំណែលលោកប្រធានហូជីមិញ នៅរដ្ឋធានីហាណូយ។ ផ្ទះ លេខ៦៧នេះនៅតែថែរក្សាវត្ថុតាងជាច្រើនដែលផ្សាភ្ជាប់នឹងឆាកជីវិតនិងអាជីព បដិវត្តន៍របស់លោកប្រធានហូជីមិញ។

នៅទីនេះលោកអគ្គលេខាបក្ស ប្រធានរដ្ឋ Nguyen Phu Trong បានស្ងើចសរ សើរសមូហភាពកម្មា ភិបាលនិងបុគ្គលិកក្នុងមណ្ឌលកេរ្តិ៍ដំណែល ដែលបានខិតខំ ប្រឹងប្រែងសម្រេចយ៉ាងល្អប្រពៃនូវភារកិច្ចដែលបានប្រគល់ជូនក្នុងការសិក្សាស្រាវជ្រាវ ថែរក្សានិងពង្រីកតម្លៃនៃវត្ថុតាងនិងឯកសារស្ដីពីលោកប្រធានហូជីមិញ។

លោកអគ្គលេខាបក្ស ប្រធានរដ្ឋបានស្នើឲ្យកម្មាភិបាលនិងបុគ្គលិកទាំងអស់នៅ ទីនេះ បន្តសិក្សារៀនសូត្រ ធ្វើតម្រាប់តាមគំរូលោកប្រធានហូជីមិញ ព្រមទាំងឧទ្ទេស នាមយ៉ាងគ្រប់គ្រាន់ ស៊ីជម្រៅនូវឆាកជីវិតនិងអាជីពរបស់លោកប្រធានហូជីមិញជូន ចំពោះបងប្អូនជនរួមជាតិ យុទ្ធជនក្នុងទូទាំងប្រទេសនិងភ្ញៀវទេសចរអន្តរជាតិដែល មកទស្សនាផងដែរ។

លោកអគ្គលេខាបក្ស ប្រធានរដ្ឋ Nguyen Phu Trong ក៏បានសម្ដែងជំនឿជឿ ជាក់ថា បន្ទាប់ពីជោគជ័យនៃមហាសន្និបាតលើកទី១៣របស់បក្សកុម្មុយនិស្តវៀត ណាម បក្សទាំងមូល ប្រជាជនទាំងមូល និងកងទ័ពទាំងមូល នឹងបន្តសាមគ្គីគ្នា ខិតខំ នាំសេចក្ដីសម្រេចចិត្តនៃមហាសន្និបាតឈានចូលជីវភាពរស់នៅ ប្ដេជ្ញាចិត្តកសាង ប្រទេសវៀតណាមកាន់តែខ្លាំងមាំមួន ប្រជាធិបតេយ្យ យុត្តិធម៌ អារិយ្យធម៌ ហើយ ឈានឡើងប្រកៀកស្មាជាមួយមហាអំណាចនានាលើទូទាំងពិភពលោកដូចនឹងសេចក្ដីប្រាថ្នារបស់លោកប្រធានហូជីមិញ៕

តាម VOV5 - វិទ្យុសំឡេងវៀតណាម