នៅរសៀលថ្ងៃទី១៤ ខែវិច្ឆិកា អគ្គលេខាបក្ស ប្រធានរដ្ឋ​លោកតូ ឡឹម និងគណៈប្រតិភូជាន់ខ្ពស់វៀតណាម បានមកដល់រាជធានីភ្នំពេញ ដោយចាប់ផ្តើមសកម្មភាពនៅកម្ពុជា និងចូលរួមកិច្ចប្រជុំកំពូលហ្វ្រង់កូហ្វូនីលើកទី២០។

ស្វាគមន៍គណៈប្រតិភូនៅអាកាសយានដ្ឋានតេជោ មានវត្តមានរដ្ឋលេខាធិការ ក្រសួងការបរទេសកម្ពុជា ថ្នាក់ដឹកនាំនៃនាយកដ្ឋានពិធីការកម្ពុជា ឯកអគ្គរដ្ឋទូតវៀតណាមប្រចាំកម្ពុជា លោក ង្វៀន មិញ វូ ឯកអគ្គរដ្ឋទូតវៀតណាម លោកស្រី ង្វៀន ធី វិន អាញ់ ប្រធានបេសកកម្មអចិន្ត្រៃយ៍វៀតណាមប្រចាំអង្គការយូណេស្កូ តំណាងអចិន្ត្រៃយ៍របស់ប្រធានរដ្ឋ ក្រុមប្រឹក្សាអចិន្ត្រៃយ៍ហ្វ្រង់កូហ្វូនីនិងបុគ្គលិកនៃស្ថានទូតវៀតណាមប្រចាំកម្ពុជា។

ក្នុងនាមជាសមាជិកនៃសហគមន៍ហ្វ្រង់កូហ្វូនីចាប់តាំងពីឆ្នាំ១៩៧៩ វៀតណាមតែងតែខិតខំលើកកម្ពស់ទំនាក់ទំនងសហប្រតិបត្តិការជាមួយសហគមន៍ហ្វ្រង់កូហ្វូនី; ជាសមាជិកសកម្ម និងមានទំនួលខុសត្រូវនៃសហគមន៍ ដោយដើរតួនាទីស្នូលនៅក្នុងចលនាហ្វ្រង់កូហ្វូនីនៅក្នុងតំបន់អាស៊ី-ប៉ាស៊ីហ្វិក។ ក្រៅពីកិច្ចសហប្រតិបត្តិការយ៉ាងជិតស្និទ្ធនៅក្នុងនយោបាយ វប្បធម៌ និងសង្គម កិច្ចសហប្រតិបត្តិការសេដ្ឋកិច្ចក្នុងសហគមន៍ ហ្វ្រង់កូហ្វូនីត្រូវបានកំណត់ថា ជាចំណុចសំខាន់សម្រាប់វៀតណាម។ ទីក្រុងហាណូយបានត្រៀមខ្លួនរួចជាស្រេចដើម្បីធ្វើជាស្ពាន តភ្ជាប់ទំនាក់ទំនងរវាងសហគមន៍ហ្វ្រង់កូហ្វូនីនិងសមាគមប្រជាជាតិអាស៊ីអាគ្នេយ៍ (អាស៊ាន)។

ដំណើរទស្សនកិច្ចរបស់អគ្គលេខាបក្ស ប្រធានរដ្ឋលោកតូ ឡឹម បញ្ជាក់ពីការប្តេជ្ញាចិត្តយ៉ាងខ្ជាប់ខ្ជួនរបស់វៀតណាមចំពោះសហគមន៍ហ្វ្រង់កូហ្វូនី ដោយបង្ហាញពីគោលនយោបាយការបរទេសឯករាជ្យ ខ្លួនទីពឹងខ្លួន ពហុភាគី ចម្រុះ សកម្មចូលរួមសមាហរណកម្មអន្តរជាតិ ក្នុងស្មារតីនៃមហាសន្និបាតលើកទី១៤ នៃបក្សកុម្មុយនិស្តវៀតណាម។ បញ្ជាក់ពីការត្រៀមខ្លួនរបស់វៀតណាមក្នុងការរួមជាមួយប្រទេសសមាជិក ដើម្បីកសាង សហគមន៍ហ្វ្រង់កូហ្វូនី ដែលមានសាមគ្គីភាព ស្វាហាប់ និងផ្តោតលើប្រជាជន ដែលភាពចម្រុះក្លាយជាកម្លាំងសម្រាប់កិច្ចសហប្រតិបត្តិការ និងការអភិវឌ្ឍ៕